بنت شيوخ لبن شيوخ

البارت9

شمس. كعدنة الصبح لبست كلبية خليجية لون نيلي وشالهة تفاحي ونيلي وعطر ومكياجي عرفتو ايلاينر وحمرة صبحت عليهم وجان يوم جمعة واني اتصفن اشتاقيت للبيت بس هنا احلة كربلاء تخبل وناسهة طيبين وشبابهة ميتحارشون جريت حسرة

ام حيدر. يمة روچ الچ ليش تتحسرين

شمس. شتاقيت للبيت

ابو حيدر. شمس اريد اكلج شي بس متزعلين

شمس. اي بابا كول

ابو حيدر. احنة اشترينة البيت البصف بيت جدچ واثثنا بقت بس الملابس جبنة كولشي بالبيت الي ببغداد حتى الملابس وكول هذا وانتي متدرين كلنة نسويهة مفاجئة الچ

شمس. حلكي راد يوصل للگاع من الصدمة وما ادري بحيدر ويوسف اجوي

ابو حيدر. الووو وين صفنتي

شمس. ها لا بس شلون وشوكت وليش مكلتولي ومن شوكت قررتو هذا الشي هاا بابا ليش مگلتلي

ابو حيدر. الله اكبر على كيفج جدچ راد هذا الشي واني وحيدر نتعين هنا

شمس. 😱 

ابو يوسف. ها شمس ضجتي منة

شمس. لالالالا عمووو فهمت غلط وبعدين فرحت لان سارة يمي وكول ما اضوج انروح نزور اني وحيدر

ام يوسف. هههههه

حيدر. هاي شبيهة تخبلت ولج شمس اجيت اني

شمس. ها ورحت حضنتة ماممتبهة والله ونوب باوعت على يوسف ونوب على حيدر اي حيدر اشو اليوم حلگك مشكوگ

حيدر. غير شفتج وحضنتهة بكول قوتي

شمس. ااااي ولك حيدر ختنگت

حيدر. يلة كافي دوختيني تعالي نگعود شوية

الجد. الله يساعدكم ضباط

يوسف. ويساعدك جدو

حيدر. نزعت البيرية اخ والله تعبت اكلك يوسف اصدقائك حلوين وخلوقين حبيتهم

يوسف. اي باچر يجي علي الخبل

حيدر اي والله تعبت اليوم

يوسف. ولك شتعبت اليوم ماحققت اني وياك

حيدر. ولك خلي نچذب شوية

الجد. يوسف ليش انت 24 ساعة معصب شوية رخي والله بهاي الفترة تتخبل من ولد عمك رعد وتصير عيونك حمر

يوسف. صكيت سنوني ونوب غمضت جدو اني من تخرجت اتغيرت 180 درجة من ورة الجرائم هاي الزبالة ولمن اعصب من ولد عمي لان وسكتت
الجد. اي لان شنو

يوسف. كولشي بوقتة حلو يوم الغدة شنو

ام يوسف. دولمة

يوسف. اي اني صاعد اسبح وانزل من رخصتكم

اجة فاضل. هلو واجيت ونور البيت بوجودي

الجد. انچب بيك خير صير بطل مثل اخوك بهذا شكلك

فاضل. شنوووو اني اخبل اعيوني خضر وشعري اسود لمن ادخول للجامعة البنات كولهن يباوعن علية

الجد. حقهن يكولن هاي الصخلة ام كذلة منين اجتي

فاضل. جدووووووووووووووووووووووووووو

الجد. وسم ومرض بهلصوت

فاضل. اني رايح وصعدت

ام يوسف. هذا الولد محيرني يوسف مو نفسة يوسف القديم الي يضحك وينكت

ام حيدر. انشالله يرجع يضحك

حيدر. من رخصتكم اروح اسبح وصعدت

ابو يوسف. الله يحرسهم وينطيهم بنت الحلال الي تسعد كول واحد

اجتي الخالة رزنق هية وبناتهة ثنينهن

شمس. سلمت عليهن بس ماحبني هنة من تصرفاتهن