#مشوار_أمي
#البارت_الاول
#زهره_النرجس
1+2+3+4+5+6
كان موقف "مريم بنت عمران" صعبًا للغاية، ومع ذلك قال لها الله: فكلي واشربي وقرّي عينا .. مهما تجمّعت عليكِ الصعوبات والهموم وضاقت عليك الدنيا.. فكلي واشربي ونامي قريرة العين.. ولا ترهقي نفسك بالتفكير.. الله عليم بحالك هو المطلّع على كل ما تُكنُّه نفسك.. وهو سبحانه يتولّاكِ ويجعل لك من بين إطباق الدنيا فرجًا ومخرجًا .. طيبي نفسًا وقرّي عينًا ، ربك معك.
اسمي حنان بشرتي سمره على حنطاويه من البصره
عيوني لونهن جوزي وكبار ملامحي مثل الهنديات
شعري ثخين وطويل كلش بس ابد ماافتحه كل اسوي كصيبه عدنه الي تفتح شعرها وتدلع تعتبر
موخوش بنيه
لصف اول متوسط وبطلني ابوي كال مادام تعرفين تقرين وتكتبين بعد ماكو مدرسه انقهرت كلش من بطلت بعد معناها مااطلع انحبس بالبيت
عندي اخوان ٣ واخت وحده اكبر مني ب٦ سنوات اسمه جنان واخواني حاتم وعلي واحمد الزغير انه وياه فرق بيناتنه بس سنه جان قريب كلش الي وحنين عليه واخواني هم الكبار زينين وياي جنان
بس عده نوع من التكبر وجانت دائما تحلم بالفلوس
ويصير عده فلوس وتتزوج غني
من صار عمري ١٥ كامو الخطابه تجيلي هواي صح جنان جانت ابيض مني بس ملامحها مابارزه مثلي
كامت تضوج لان يجولي خطابه قبله وبدت تشمر بالحجي كل شوي وتكول هم زركه وهم حضها كاعد
ابوي وامي جانو ينحازون للولد ويحبونهم امي
تكره خلفه البنات
كل مايجون يخطبوني امي تكول محجوزه لاابن عمه
استحي اسئل امي منو ابن عمي لان احنه شايفين بس عمي وبناته ال ٤ ومرته الي ندري بي عنده ولد يشتغلون فلح بالولايه
ابوي فلاح حالته على كده عمي هم حالته على كده مارايحه لبيتهم بس من جنت طفله
ابو يصيحوله ابو حاتم وعمي ابو فقار
عدهم اخت وحده اسمه حليمه متزوجه بغير محافظه
امي جانت يوميه الصبح تروح للشط تغسل المواعين والملابس مالتنه لان ماعدنه ماي واخواني يستنكفون يجيبوله الماي هي تروح وتغسل وتنكل النه ماي
فديوم طاحت من الدرج وهي تجيم للتنور الطين
وانكسرت رجله بقينه بالضيم ماعدنه ماي
اول يوم اخواني جابو سطل ماي وتالي بقينه
امي كلت لاابوي خلي جنان تطلع تغسل الهدوم وتجيب ماي
ابوي وافق لان ماعنده غير حل يريد ملابس نضيفه
ويسبح ويغسل ولازم يجيبوله ماي
جنان من سمعت هي الي تروح كامت تصيح وماقبلت تكل لاامي تردين اصير سوده مثل حنان
انه مااروح خلي بتج الزركه تروح
ابد ماجنت احب اتعارك ولااحجي دومي اكتم بكلبي
اخذت السطله مال الماي والهدوم وياي بصينيه خليتهن وانه فرحانه لان راح اشوف الشارع والناس
