حب في ظلام (بالهجة دزيرية)

13

"لا يدرك اسرار قلوبنا الا من امتلأت قلوبهم بالاسرار "
جبران خليل جبران

عند اسرار :
اول مرة نوض وحدي بارادتي بلا كوشمار يفكرني فهديك ليلة ...
ما علباليش واشنو هو هاد شعور بصح لاول مرة نحس روحي مرتاحة.. ماعلباليش ادا على جال واش صرا لبارح و لا على جال كي جهاد راهو قدامي...
كنت انا حاطة راسي على صدرو و كنت شادة يدو كي تقوشي خايفاتو يهرب...... نضت بلعقل باش ما نوضوش و قاعدة نشوف فيه و نتأمل فل ملامح تاوعو كنت راح نحط يدي على شعرو و باش نلعب بيه شوية قبل ما ينوض لانو شهاني كي كان هابط على وجهو فحبيت نلعب بيه قبل ما ينوض ...
انا كنت نقرب يدي بلعقل ليه ..حتى يشدهالي 😨😨 و يجبدني باش نطيح فسرير و يحاسرني بيديه اي وليت تحتو 😣😣😣 انا قاعد نغزر فيه و نفس قريب يروحلي من كثرة ما راهو قريب ليا
هو: واش في رايك لي مادرتوش لبارح نديرو ليوم ها😈

انا لتما حليت عينيا ڨاع و كلش و هو قابلني ب ابتسامة تاع شواطن
و جا هابط و قرب وجهو من وجهي و انا ما قدرتش نشوف غمضت عينيا و زيرت وجهي و خفت من واش راح يصرا حتى يطبطبونا فل باب ........اوووف مزية
.......: سي جهاد جيتلكم قهوتكم
انا لتم حليت عين وحدة باش نشوف واش راه يدير لقيتو يغزر فيا.....
...: سي جهاد..
هو: خليهم عند لباب و روحي .....و غزر فيا شوية و غافلني و دا بوسة مي ما طولش كيما لعادة مزية لانه كان طول كان مت هنا... و ناض باش يجيب ليهوة وانا حكمت تريكوه ولبستو ...
انا: جهاد!!
هو:....
انا: علااش درت هكا لبارح؟؟
هو : واشنو؟
انا: يعني... لبارح ...جرحت . ولا خلاص والو....
هو؛؛....
بففف واش راح نقولو مستحيل تخرج من فمي.... و جيت نايظة رايحة لصالدوبان
هو:(وهو ياكل) : مانيش حيوان....
انا كي قالي هكاك حبست في بلاصتي.... و درت ليه
بوجه متسأل
انا: يعني!!
هو: ماراحش نسيف عليك حاجة ماكيش حابتها
انا: ههه ضحكتني و انا مانيش قادرة ...تزوجتك بسيف و جبتني لهنا بسيف كيفاه حبيتني ندير لمان فيك
هو:.........
انا: اصلا لي شفتو منك ماشي قليل...عنف ..ضرب ..قتيلة ما خليت حتى عفسة ما درتهاش و لوكان غتصبتني لبارح ما راحش نتشوكا منك
هو : خلاص يمال بما انه ما راحش تتشوكاي خلينا نكملو لحكاية تاع لبارح
انا :😱😱
انا: لالا لا......
ودرت باش نحل لباب لقيتو مغلوق قاعدة نفورصي ونعاود بصح والو 😭😭😭😭😭😭
هو(في ودني) : علاش راكي ترجفي
انا(عاطياتو بظهر و نرجف) : حلي لباب
هو: موقبيل برك كنتي تترجلي و دورك واش صرا؟؟ هاه
انا: ..........
هو: اني نهدر معاك
انا درتلو بلعقل و قابلتو
انا:ج. جهاااد
هو : اشششششش
و حطلي صبعو على فمي اومبعد شد وجهي بين يديه و قالي
هو: عينيك..... عينيك جامي شفت كيما هما من قبل...
و طلع يدو باش يلعب بشعري... و انا هنا نقطة ضعفي يكون واش يكون كي واحد يلعبلي بشعري ننسى كلش....
هو: دورك فهمت وعلاش عمي ما قدرش يتخلى على يماك
انا هنا فطنت و قاعدة نغزر فيه و نسنى الجواب...
هو: ...........
انا: جهاد وقتاش تحكي كيما ناس عاديين هاه ..دايمن ترميلي 2 كلمات و تخلني كي لكلبة نستنى...
هو: 5 كيلو هدرة... و حلي لباب
انا: بفففف نهار تهدر كي لعيباد نخرج وعدة و خبطتلو لباب في وجهو و دخلت صالدوبان ....دخلت تحت لما سخون و قاعدة نتفكر كامل واش صرالي ...والله كان جاو قالولي بلي راح نعايش هاد لمغامرات من خطيفة و قتيلة كنت راح نضحك على لي جا قالي و نقولو بلاصتك فسييطار مهابل.. والله كيما لمسلسلات بصح راني نتسأل واش راه يسنى فيا معاه.. راح نكمل حياتي معاه و لا راح نقدر نولي لحياتي لقديمة.. زعمة راح نقدر نمحي كامل واش عايشت معاه و نبدا صفحة جديدة؟؟؟ ماعلاباليش بصح مع لوقت يبان كلشي
..بعد ما كملت لبست خرجت ولقيت جهاد يسنى فيا
انا:😳😏 راك تسنى فيا
هو: ...
و واسالي بيدو اقعدي
انا: اصلا كان قلتلي جوزي اسرار اقعد هنايا نتخلع
هو: جي و لا نقعدك بسيف
انا: باعععع مكاش كمل هدرة معاك
و راح ت قعدت مقابلاتو
بصح كان كاين صمت بيناتنا اي واحد فينا ما كان يهدر من غير كي نغزرو فبعضانة حتى كشر هو هداك صمت
هو: ما حكاولكش كيفاه هربو!!!!
انا هنا كنت نشرب فل حليب كي سمعت هربو شرقتلي ........
انا: واشنو هربو!!!!شكون هدو؟؟
هو:سمير و ليلى؟ (بابا و يما)
انا: واش قصدك بهربو !!!
هو: علاش باباك و يماك عمرهم ما عرفوك بل عايلة تاعهم ؟؟؟
انا: جاوب نتا قبل واش قصدك بهربو
هو: مانيش نلعب هنا جاوبي
انا:.......(سكوت بصح موراها جاوبت كي شفت عنيه بداو يولو ظلمة)
انا: بابا قالي انه بعد ما تزوجو هو و ماما جاتو خدمة فطليان فدا ماما و راح و استقرو لتما اومبعد قالي فقدت لاتصال مع لعايلة لانهم رحلو ...و ماما يتيمة علبيها ما نعرف حتى واحد من لعايلة
هو: *********
انا كي قال هاد لجملة لغير مفيدة تبكمت
انا: جهاد علاه راك تسقسي فيا! "
هو: امشي نخرجو
انا: وين
هو حكملي يدي و لبسني فيستا وهو تان و خرجنا
انا: جهاد اسنى وين رانا رايحين هنا و زيد راه لبرد
هو: تبعيني و اسكتي
انا كي شفتو مقلق قلت ما نزيدش نخلط فيه كامل... حتى يدخلني للاسطبل
انا: اااا تربي لحيوانات
هو:....(والو)
قاعدة نمشي ونشوف حتى نشوفو حبس قدام عود كحل بصح يدخل للقلب
انا: عوود
هو: علاه واش بانلك حمار!!
انا: تاعك
هو: امممم
انا: صحة علاه جبتني لهنا
هو: لازم نروحو لواحد لبلاصة
انا: وين؟؟؟
هو : اطلعي
انا: راك تتمسخر!! انا نطلع فوق لعود !! امپوسيبل
لتما جا رفدني و حطني فوق لعود
انا: ج. ج. جهاد. نخاف. نخاف
هو: لعود يخاف منك ماشي نتي لي تخافي منو
و طلع مورايا و خلا لعود يمشي
انا: جهاد تعيش هبطني نمشي برجليا معليش.. اني خايفة نطيح
هو: راني هنا.. ما راح يصرالك والو.....
هو هنا صح قالها ببرود بصح علبالي بلي كي نكون معاه ما راح يخلي حتى عفسة تصرالي.......
انا قاعدة نتبسم وحديوحدي مع روحي على واش قالي حتى نشوف لعود بدا يجري
انا:لل عياط) اااا جهادددددد
و درت ليه شديتو من تريكوه و دخلت وجهي فيه...... قعدت هكاك حتى قالي
هو: وصلنا
انا لتما نحيت يدي و بديت نبعد عليه بشوية و بديت نشوف لمنظر...
عبارة عن بلاصة عالية كاين فيها غير شجرة وحدة بصح بلاصة بزاف هايلة
انا: وين رانا؟ واشنو هاد لبلاصة
هو لتما شدلي يدي و هبطني و قربني لشجرة و كل ما نزيد خطوة يبانولي 2 قبور
انا: علاش كاين 2 قبور هنايا فهاد لخلى
هو: .....
انا هنا بداو الافكار يجوني... يعني ما يكونش جابني لهنا باش يقتلني و يدفني و قادر هادو يكون بنات كيما انا تزوجهم و نهار من بعد قتلهم و دفنهم فهاد لبلاصة 😱😱😱😱😱😱😱😱😱😱
هو: شوفي
انا كنت نغزر فيه بصح كي قالي هكاك درت و غزرت فل قبور 😨😨 قبر يما و بابا .....
قاعدة نغزر و ماشي مأمنة كيفاش جابهم لهنا و واشنو هدا
هو: قبل ما تسقسي نجاوبك... مانقلتش لجثة تاعهم درت برك قبر و شهود
انا: (وشوك مزالو معايا) علاش درت عفسة هكا!!
هو: هادي امنيت عمي
انا: جهاد دورك تهدر و تريحني و لا لازم نخرج لهدرة بسيف من فمك
هو: هنا كانو يتلقاو باباك و يماك..
انا: كيفاش ؟؟هما قالولي بلي شافها في عرس و حبو بعضاهم من اول نظرة موراها بابا راح خطبها و تزوجو
هو: هنا جا حكمني من 2 يديا و قعد يهدر معايا بلعقل
هو: كاين بزاف عفاسي خباوهم عليك... و حتى عفاسي كدبو عليك
انا: قاعدة نغزر فيه ما لقيت ما نهدر
قاعدة نغزر و ماشي مأمنة كيفاش و واشنو هدا
هو: قبل ما تسقسي نجاوبك... مانقلتش لجثة تاعهم درت برك قبر و شهود
انا: (وشوك مزالو معايا) علاش درت عفسة هكا!!
هو: هادي امنيت عمي
انا: جهاد دورك تهدر و تريحني و لا لازم نخرج لهدرة بسيف من فمك
هو: هنا كانو يتلقاو باباك و يماك..
انا: كيفاش ؟؟هما قالولي بلي شافها في عرس و حبو بعضاهم من اول نظرة موراها بابا راح خطبها و تزوجو
هو: هنا جا حكمني من 2 يديا و قعد يهدر معايا بلعقل
هو: كاين بزاف عفاسي خباوهم عليك... و حتى عفاسي كدبو عليك
انا: قاعدة نغزر فيه ما لقيت ما نهدر
هو: سمير و ليلى ماكانوش قادرين يتزوجو و علابيها هربو
انا: (هنا زدت تشوكيت كثر)
هو: كان الحب لمستحيل هداك لوقت.. ليلى كانت من من عشيرة و حدوخرا و بلاحرى كانت بنت اكبر عدو لينا..... نهار تلقاها سمير هي جات للعرس بتخبية على ماليها كانت تمشي و تشوف موراها ادا رجال باباها راهم يلحقوها و عمي كان رافد كاس قهوة سخون و هي هكاك زدمت فيه.. عمي بدا يعيط عليها و هي كانت مهبطة راسها ما حبتش تغزر فيه بصح كي رفدت راسها و غزرت فيه عمي بلع لسانو و حبس فبلاصتو و هنا بدات حكايتهم..... يماك كانت تكره باباك و عمي .... موراها عمي قلب عليها دنيا دار لمستحيل باش يلقاها.. بصح والو... حتى فقد لامل و واحد نهار جا للمزرعة حكم لعود ديالو و قعد يمشي بيه حتى وصل لهنا و تحت هاد شجرة لقى ليلى
انا:...... قاعدة غير نغزر.. هدا كامل حب عاشوه بابا و يما!!!! و انا لا خبر
هو: و هنا بدات لحكاية... عمي ماكنش يقدر يدخل للمنطقة تاع عشيرتهم لانه قادرين يقتلوه يمال كان مستحيل باش يتلقاو ... حتى جا نهار وين جدي حب يزوج عمي ببنت خوه.. عمي رفض و داوس مع جدي قالو مستحيل نتزوجها... عمي كان اول واحد يعارض لعادات و تقاليد تاع لعشيرة... اخر بريا كتبها عمي انا وصلتها ل ليلى و لتما تفاهمو باش يهربو.....
انا: هدا كامل بابا و يما عايشوه...
هو: لازم تعرفي انه لعادات هادو هما كانو سبب فموتهم..... انا هنا حليت عنيا ڨاع و كلش
انا: جهاد بايا و يما ماتو اكسيدون كيفاه لعادات هما لي قتلهم
هو: حنا عندنا كي طفلة تهرب مع راجل لازم نقتلهم..
انا: يعني؟؟؟
هو: لاكسيدون هداك خططلو بابات ليلى
انا: جهاد مستحيل بابات يقتل بنتو
هو: شكون لي دحسهم عرفتو شكون
انا: ما علباليش لي دحسهم هرب....
هو: و مات تاني ...
انا: كيفاش مات و ين علبالك !
هو: .......
انا: قاعذة حالة فمي اومبعد و ما فاهمة والو بصح فثانية عرفت واش كان يقصد
انا: كيفاه درت هاد لعفسة و كيفاه عرفت شكون و ديجا ماكانش لابوليس!!
هو: .........
انا: جهاد سقسيتك جاوبني... اصلا كيفاش تعرف هاد لاحداث كامل...
قعد يغزر فيا حتى *********
************
Dsl pour le retard 😇