🌌حب السماء🌌 [ باللهجة الجزائرية💖]

🎎بارت 23 ما قبل الاخير 🎎

حطيت يدي عالباس و فتحت لباب بسيف
انا برك فتحتها...صبت فارس ...عينيا تعمرو بالدموع كان واقف يسقم فتاع السيروم تاعوكان داير مشافنيش  ...كان لابس لبسة تع سبيطار و داير بوني ...انا مي شفتو داير بوني عرفت بلي شعرو طاح
فارس : ملك هدا وين تجي ياجدك راني ميت بلجوع خرا عليك
هو برك قال هكاك انا درت يدي على فمي و بديت نبكي باش منديرش حس
فارس : واااو أول مرة سكتي ...كون تجي تعاونيني مشي خير؟؟
انا مزالني بنفس الوضعية و نبكي بصمت ....حتى نشوف فارس داير و يهدر
فارس : واشبيك وليتي متهد......
و برك شافني سكت...سكت و قعد فالبونك رجع صفر و فتح عينيه مشوك
انا تقربت ليه
رونق : غبي !
خزر فيا شفت في عينيه بداو يتعمرو بدموع ...
فارس : وش...وش راكي ديري هنا !
رونق : غبي و تبقى غبي!
لتم دور راسو باش منشوفش دموعو
فارس : روحي ...عند حبيبك...تع الجامعة
هو برك قال هكا انا رحت نجري عندو و عنقتو بكل قوة و بديت نهدر و نبكي
رونق : كيفاش تتجرأ تهدر هكا ...كيفاش و انا كل ليلة نبكي علاجالك ...كيفاش و انا قلبي ما حب جتى واحد غيرك
فارس : .....
رونق : علاش مقتليش علاش!!!؟
بعدني عليه
فارس : معندي ماندير معاك !
خزرت في يدو صبتو مزالو لابس الخاتم...برك شافني خبا يدو
رونق : علاش مزالك تمثل !! علاش مزالك تكذب عليا
فارس : علاجال هاد الشي ! مكنتش حاب نشوف دموعك علاجال ... نتي طفلة طيية ...تستاهلي تعيشي حياة افضل و كل يوم تضحكي...مشي تبكي
انا لتم مقدرتش رجعت نبكي كثر و كثر
رونق : انا بيك نتا لي راح نقدر نتبسم كل يوم...
فارس : رونق...كون تروحي مع الولد تع الجامعة *راه على أيمن* تكوني أفضل شفتك...كنتي تتبسمي بفرحة....هكا نقدر نموت بسلام...نقدر نروح و انا مرتاح...رونق عبالي درت عفايس غبية باش نخليك تبعدي عليا ...سمحيلي *تبسم* ... ميرسي كي جيتي تشوفيني ...لازم تكوني سعيدة
انا لتم طرطقت بلبكا و بديت نهدر
رونق : فارس! منسحقش سعادة بلاك بيك...نسحق نكون سعيدة معاك...بلا بيك الحياة متعنيلي والو
فارس : انا عالاقل بقالي 3 اشهر باش....
قبل ما يكمل هدرتو قاطعتو
رونق : انا دايمن !!! دايمن نحبك
و هاديك دقيقة معباليش كيفاش جاتني السعادة....و رحت عندو بستو من فمو..قعدنا مدة ....ممبعد عنقتو
عنقتو و انا تبكي بشهقة...و زدت كثر كي بادلني هو و كان يبكي تان
فهديك الدقيقة.. حسيت بألم فارس الحقيقي
انا ألمي ميبانش قدامو ... حسيت بندمو ....
فارس راه عايش
و هاد الشي الاهم بالنسبة ليا .....
بعدت عليه و تبسمت
رونق : ههههه ليوم سمير يرميني مالتاقة...انا نروح و غدوة صباح بكري نجي عندك
تبسملي و شدلي يديا
فارس : ميرسي ...ميرسي رونق...رح نكون في إنتظارك
تبسمتلو و ودعتو و جيت رايحة نجري
اااه اخيرا رجعتلي الروح

وصلت للدار ...و برك دخلت صبتهم قاع يستناوني
امينة : رونق وش صرا
سمير : علاش بطيتي
اية : قلقتينا عليك ياحيوانة!
رحت قعدت معاهم و حبطت راسي و بديت نهدر
رونق : فارس !
انا برك قلت اسمو قاع دارو عندي مشوكيين
رونق : فارس عندو كونسار فراسو ...فآخر مرحلة...نهار العرس لي كتاشف ...علابيها خلاني...و قال بلي خدعني...برك باش نكرهو..و منتألمش علاجالو
انا برك كملت بديت نبكي... اية عينيها تعمرو بالدموع ...اما ماما دارت يدها على فمها مشوكية و بابا رجع صففر
اية : منك بالصح؟
رونق : كنت عندو...سامي قالي حتى شعرو و طاح *ببكاء*
جات اية عنقتني و ماما بدات تبكي
رونق : راه يتألم بزاف...و طول هاد الوقت و هو يحبني و منسانيش
انا برك قلت هكاك ...رجعت نبكي بالشهقة....حتى تشوف بابا ناض
سمير : ملازمش تخليه وحدو...لازم توقفي معاه
هو بركقال هكا ناض و جا رايح انا رحت نجري ليه عنقتو
رونق : مرسي بابا...ميرسي عمري مراح ننسا هاد الشي
تبسملي و بادلتي العناق ممبعد راح لبيتو
بعدما حكيت لماما و اية كلش مليح
رااحت كل وحدة لبيتها
هادي اول ليلة فتسع اشهر
نرقد و انا فرحانة نرقد بلا بكاء
اخيرا رجعتلو 💖