я люблю тебя :- An Opera Story

Chapter 14

مرت ليلة، صحيت الصبح قابلت الراجلين ف نفس المكان و لقيتهم هناك، حطينا مخطط لكل حاجة عشان نرميها ف السجن، مينفعش نروح نعمل فيها محضر و إحنا معناش أي دليل لكل اللي هي عملته، ف قررنا ننظم و نرتب الدلائل و خدت نسخ كتير من الفضايح بتاعتها هي و رجل الأعمال و كل شخص فاسد اتعاملت معاه على مدار حياتها، و رجعت على العاصمة تاني على الضهر.

----------------------------------------------------

روحت لرجل الأعمال ف مكتبه و قلتله إني هلغي جولتي المحلية و العالمية و هخليهم للسنتين الجايين، قالي أن جولتي المحلية هتبدأ كمان تلات أيام و أنا مبتدربش و ابتدى يسأل بقى أنا بروح فين و باجي منين، مع أنه ميخصوش تفاصيل حياتي، كل اللي يهمه أنه ماسك جدول اعمالي اللي لاعب فيه بما فيه الكفاية لأن الأصلي معايا، أنا جاهزة لجولتي على أي حال بس محتاجة اتخلص منها عشان ارتاح و ابتدي الجولة و انا مرتاحة نفسياً.

-----------------------------------------------------

طبعاً رأس الحية و حب عمري مفيش بينهم و بين بعض اليومين دول غير المحاكم و المحاميين عشان حضانة الطفلين، هو عايز ياخد الطفلين لأنه واثق أنه هيحميهم و هيراعيهم و تبقى هي تيجي تشوفهم وقت م تعوز لأنها ف النهاية أمهم برضو، و هي طالعة بحجة أنه معندوش وقت ليهم لأنه مغني مشهور و كل يوم ف مقابلة شكل. أنا لو عليا مخليهاش تشوفهم عشان هي مش أم أساساً بسبب اللي بتعنله ف البشر. فكرت استغل فرصة اني أجي ف المحكمة و اوقعها ف شر أعمالها عشان أحرمها من حضانة عيالها و هو يفوز بالقضية و أنا أخلص منها للأبد، ضربت أنا كام عصفور بحجر دلوقتي؟ الاستفادة هتكون عامة مش أنا لوحدي اللي هفوز. طبعاً رجل الأعمال بيبقى موجود ف الجلسات على طول لأنه صاحبه و صاحب رأي، صاحب رأي فين معرفش حقيقي، هو مش صاحب أصلاً، دة ندل.

---------------------------------------------------------

الساعة الثانية ظهراً بتوقيت موسكو - محكمة الأسرة - موسكو، روسيا..

طبعاً المحاميين كانوا بيتناوبوا الترافع عن الطرفين و الحرب كانت على أشدها بما أن دي المرة المليون يأجلوا فيها الحكم ف قرروا ينهوا كل حاجة النهاردة.
جه القاضي يحكم لصالح رأس الحية جيت دخلت بسرعة و كنت بتنفس بصعوبة لأني كنت بجري، كانت هتفوز!! و لقيت حبيبي قاعد راسه ف الارض و حاسس بالإنهزام و متضايق جداً أن مبقاش فيه أي حاجة تقوله أنه هيفوز بالطفلين، خلاص راحت عليه و هي شبعت بيهم.

-سيادة القاضي لو سمحت *بتنفس بصعوبة و ف ايدي ورق كتير و مشغل فيديو.

=انتي مين و بتعملي ايه هنا!

-أنا فاعلة خير، بس معايا أدلة تودي الست دي ورا الشمس!!

القاعة كلها اتفاجئت و بصوا لبعضهم و بدأوا يهمهوا بالكلام، و دق القاضي على الترابيزة عشان يسكتوا.