ثلاث صديقات سيحكون قصتهم مع الحب
مغامراتهم في هذه الحياه احلامهم وفائهم لبعض كأصدقاء
:
دخلو لضلون تباوعون 👀
:
:
......
ماخذه المركز الاول گ روايه كوميدية
قراءه ممتعه
في صباح يوم جميل استيقضت على زقزقه العصافير جذب جذب يا عصافير كعدت على صوت اختي وهي تصيح وخابصه الجو وصوتها واصل لسابع جار كمت من مكاني رفستها زهراء:انعل يومج كولي اكو مطي هنا نايم
(اقدملكم زهراء هي نايمه وتفقد )😂🤦♀️ لينا:انجبي ما تكعدين مو تأخرنه زهراء:ليش هي بيش ساعه هسه؟ دخلت عذراء وردت عذراء : 7:30 صرخت زهراء :جذووووب 😲تأخرت ولكم عذراء:احنا رايحين لحكينا عود طلعن لينا وعذراء من الغرفه متوجهات للجامعه صرخت زهراء وراهن: تف عليجن خاينات وضلت زهراء تطفر منا وتروح منا دور على ملابسها لبست 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
طلعت من البيت تركض وصلت باب جامعه جانت ساعه 8:17 شهقت وبدأت تركض حتى تلحك على المحاضره اثناء ركضها صاااار اصطدام بووم 🙅وكعت زهراء بدأت تسب وتغلط زهراء:انعل ابو هل الحظ خرب راسي عبالك حايط نضربت بي اااخ كامت حتى ترزل للاثول الي نضرب بيها باوعتله وضلت صافنه عليه زهراء بينها وبين نفسها : عزه هذا بشر لو شنو اخ كلبي خرب شوف جسم لو لحيه لو العيون هذا يمكن شارد من جنه 😍 ..... صحت زهراء من خيالها وتذكرت المحاضره باوعت لساعه جان شوفها 8:35 شهقت بصوت عالي وباوعت لهذا الكدامه زهراء:ثول ما شوف من براك تأخرت على المحاضر (لازم ترزل ماكو مجال) رد عليها الولد بعصبيه شاب: انت احترمي وبعدين انتي جنتي تركضين مو اني زهراء:شنووووووو(بصوت دلاله) شاببعصبيه:كصري حسج احنه مو بالبيت زهراء هزت ايدها : شو بالله انجب عافته زهراء وركضت للمحاضره وصلت للقاعه لكت لينا وعذراء وماكو احد بالقاعه بس كم طالب دخلت وكعدت يمهن وهي معصبه زهراء :وين الاستاذ لعد لينا :مدري بس سمعت راح يدخل استاذ جديد النه زهراء :كولي والله ...اخيرا راح نخلص من ابو صلعه عذراء:لاتفرحين هسه يجبولنه واحد اضرب منه 😒كرشه شكبر ونفسيه ويطيح حضنه زهراء:كبر دومج مخربه لحضات لينا :اي عيني سولفي وين جنتي ليش تأخرتي اكيد كلبتي شقه كلاب مو عذراء :كلاب لو بزازين لينا:تافهه مثلج زهراء:نضربت بواحد اثول وكعت بس خرب شلون حات وو سولفت الهم كلشي بعدها دخل الاستاذ شهقت زهراء من شافته 😲😲😲 زهراء:لينا لينا لينا لينا بهمس:قزرقط شكو زهراء:هذانفسه الي نضربت بي لينا :خرب حضي والله مز زهراء:ولج دعيفي ولج اني نهديت بي وغلطت شكلي رسبت من هسه لينا :من يكول يتذكرج زهراء:حضي واعرفه ضحكت لينا وهي تباوع لزهراء الحاطه راسها بين الكتاب حتى ما يشوفها بهاي الاثناء سمعوا صوت لاستاذ:انتم ثلاثه بالأخير ضحكونه وياكم عذراء بهمس:خرب يومجن ارتحتن هسه لكفنه لينا بهمس:انجبي زهراء لسه ضامه راسها ..كامن ثلاتهم من وصل الاستاذ يمهن سحب الكتاب من زهراء وباوع الها وهو رافع حاجبه الاستاذ:هم السانج شطوله وهم مخالفه زي وهم ضحكين بالمحاضره زهراء:يمتى مخالفه زي 😐 الاستاذ:ليش يعني ما تدرين بنطرونج ما مقبول همستلها لينا:لج حيوانه هذة بنطروني اني اعلمج زهراء:هسه وكتها الاستاذ:تفضلو بره مشن عذراء و لينا اول شي بعدها زهراء مرت من يمه وكلعاده ما سكتت زهراء: امشوا نطلع بعد احسن 😌لان صدع راسي 😏 سحبتها لينا بسرعه :اعتذر استاذ مو بقصدنه وطلعن من القاعه عذراء :اكلكم اني راجعه للبيت لان هذا اليوم مبين منحوس من بدايته زهراء:اخذني وياج لينا :انتن روحن اني ادخل محاضره استاذ مؤيد وبعدها امر استنسخ واجي عذراء : اوك زهراء:اوف والله الج خلك تشوفين هذا الغثيث لينا :اي كاتله روحي على شوفته دنجبي عندي غيابات هواي ما اكدر اضربها للمحاضره زهراء:اوك يلا عذراء امشي ميته جوع عذراء& زهراء:باي لينا :باي
