سارة : ها
سيف : واذا هي مقبلت
سارة: موسمعتها بنفسك كالت موافقة
سيف :كالت موافقة بس مكالت على منو مكالت على واحد اكبر مني ب١٣ سنة
سارة: وشنو العيب بفرق العمر
سيف: سارة روحي أساليها اذا موافقة اني موافق واذا لا يعني لا
سارة : اوك
ضليت كاعد بغرفتي انتضر الرد اجتي سارة ورا ساعة كالت موافقة
سيف : خوما ضغطتي عليها
سارة : لا والله هي كالت هو فترة ونتطلك
سيف: اوك موافق
سارة : والله لووما احنه حداد جان هلهلت
سيف: يله امشي نعسان دنام
طلعت سارة وخليت راسي ع المخدة والافكار بدماغي تفرفر ماريد اضلمها ادري بنفسي شنو ماريد اسحبها لمستنقعي الاضلم صار الصبح كعدت غسلت وجهي وبدلت وطلعت ع الريوك كلها كاعدة صارت عيني بعين ريم خطية عيونها حمر من البجي
سيف: صباح الخير
الكل : صباح النور
كعدت اكل واشوف ريم تتلافى تباوعلي
الاب: العصر يجي السيد يعقدلكم
مرت الاب: ان شاء الله
كملنة ريوك كمت لشغلي بلدوام وبالي مشغول باليوم رجعت الضهر لكيتها ممدة بلهول ودمعتها ع خدها اقتربت منها شفتها لابسة تراكسود اسود كصيف ولامة شعرها وهو اسود فحمي وهي بيضة وعيونها وخدودها حمر من البجي مادري شصار بية طلعت ع السريع لغرفتي وسديت الباب وراي كله من ورا سارة وتفكيرها شتحتويني هي طفلة
وكفت كدام المرايا واحجي ويا نفسي: سيف لتنسى ريم طفلة وملازم تهزك فترة وتتطلكون صحت لهدى جتي
هدى: ها سيف شكو
سيف : امشي بدلي دنطلع
هدى : وين
سيف: متريدين بعد احسن
هدى : لا لا دقايق واجيك طايرة راحت بدلت خلال دقايق ( بيها دواحة شلون متستعجل اخذتها للمول اشتريت فستان اسود على ذوقها ل ريم خطية هم يعتبر اول زواج الها خوما شلون مجان وطلعت لابو الاثاث اخذت غرفة وانطيت عنوان بيتنه وطلعت وصلنة كلتلها لهدى انطيها الفستان ورا ساعة جوي دخلو الغرفة وطلعت غرفتي للمخزن هي جديدة بس عروس ميصير بغرفة قديمة رتبت ملابسي هدى واني واكف بلغرفة شفت ريم وكفت كدام الباب واشرتلي اروح وراها رحت دخلت للصالة
ريم: سيف ليش هيج تسوي مو كلتلها لسارة تكلك هذا الزواج ع الورق بس
سيف: اي كالتلي واني هم اريده بس ع الورق
ريم: لعد شنو هاي الغرفة والفستان والتحضيرات ماما ماصارلها ١٠ ايام من توفت
سيف: ادري بيج مجبورة علية بس اني دفكر بيج هذا اول زواج الج ماريد ينقص منه شي حتى لو كان شكلي فقط بس احنه راح نتسمى زوجين ماريد انقص عليج شي وخصوصا انتي راح تتزوجين واحد اكبرمنج بهواي
ريم: اوك
راحت واني ضليت لما كملو الغرفة صار العصر واجه السيد عقدلنا وراح دخلنا لكيتها تبجي بستها من راسها وكلتلها مبروك عليج
ريم: الله يبارك بيك
الاب: ليش تبجين يابة
ريم: مبية عمو بسس تمنيييت اهلي يمي
مرت ابوي طلعت حلقات وكالت لازم تلبسون كدام الناس
اخذتهن منها ومديت ايدي لزمت ايدها لبستها وهي هم لبستني بس هي ترجف المهم بوسوها خواتي ومرت ابوي وابوية وباركولي وبوسوني وكل واحد صعد لغرفتة دتصعد لغرفة هدى
سيف: ررريم
ريم ندارت: هاا
سيف : لازم نبقى بنفس ال الغررفة
ريم: ليش هو اصلا زواجنه شكلي
سيف: حتى لو شكلي بس لازم نبقى سوة
معترضت فاتت قبلي للغرفة فتت وراها كعدت على طرف السرير واني ع الطرف الاخر
سيف: بينه ميصير شي مثل ماكتلج اني راح انام ع التخم( الكنبة) وانتي اخذي راحتج
ريم: امممم
كمت اخذت ملابسي من الكنتور وطلعت سبحت ورحت كعدت بالاستقبال كلت خلي ترتاح وحدها ماحسيت الا واني نايم واحد ديكعدني فزيت لكيت ريم بوجهي
سيف: هاا شكو
VOCÊ ESTÁ LENDO
احتويني
Romanceهو كسر قلبه على وفاة حبيبته هي كسر قلبها على وفاة والدتها ياترى كيف سيجبر احدهما قلب الاخر هذا ماسنتابعه في (((( احتويني)))) للكاتبة: Lamar Alzankna (( باللهجة العراقية))
