ثار العشق

تكمله 14 الجزء3

#ثأر_العشق#تكمله البارت١٤الجزء٣

تهاني ..رجعنا للبيت
داليا ..بعد المشكله عرفت حجم سيطرتي على حازم ..وامنت كلش .بيوم لكيته يكلب بجهاز جنت مخليته احتياط وبي سكرينات  سمر .  حازم ..هاي شنو
داليا.. شنو ..مواليه اكيد بناتك ومرتك خلو حتى يورطوني
حازم ..وانتي شعرفتي شبي وكلني يورطوني .لج اني ابو قتيبه .مكطع التجار والسوك مو خلك زعطوطه مثلج تضحك عليه جنت اطنش بمزاجي.. احجي العندج .. داليا ماكوو شي لاتلح .حازم .. منو الي يلح عدلي اسلوبج .
داليا ..اشو مادري شلون تحجي ويايه شبيك شايفلك شوفه
حازم .. لزمتها خلصتها متحجي ..خليتها بلسيارة وباب اهلها  روحي رجعي لعيشة الفكور مالتج ..
داليا .. نزلني ..دولي . اصلا اني جنت اقط بيك واضم يم امي بس ذهبي ومجوهراتي هناك هسا شبيه منطيتهن لامي غبيه ..  طبيت يم اهلي ..
ابو .داليا شكو شسويتي
ام داليا ... هججتي الرجال بفعايلج
داليا ..كافي اريد انام ..  شمسويه اكل
ام داليا ..تمن .ويابسه ..
داليا ..اوف ..ماريد هسا اطلب بيتزا دجاج شوي .. انطيني من فلوسي  هذا طلعني بثوبي الشايب .
ام داليا ..اي دقيقه ..هاج.
اني الكم  تهاني وقتيبه  . جبت تلفون امي ودكيت على ريم ..السلام عليكم .ريم  .وعليكم السلام منو حضرتج
داليا ..تكدرين تكولين فاعلة خير .. وخايفه عليج .
ليش ساكتين على قتيبه الي سوا بيج حرام .بس ترا هو جان  ايدج وهاي تهامي فرت راسه .
ريم ...خلي تفر راسه احنا منريدة وراح نفسخ ..اني شعايزني انزل على ضرة
داليا ..وتركي الها ياغبيه  انتي اولى بي لان انتي قبلها
ريم . شنو اتركه الها ..شتقصدين
داليا ..موكتلج يحبج بس هي يمكن سحرته
ريم ..اي عيني اني ماابتلش  ويا سحارة مكتيلي انتي منو . داليا مو كتلج فاعلة خير .ريم . اذا مكلتي انتي منو اسدة .داليا  ....ليش مستعجله اني وياج مو عليج واني من نص بيتهم مو غريبه واحبج وناويه اكون بصفج
ريم .. انتي منو .. احجي راح اسدة .
داليا ..اني زوجه حازم ابو قتيبه الثانيه .تمسكي بي  لاتفرطين بي
ريم ..انتي موصديقتها ..شنو تعاركتو وجايه  تصفين حسابج براسي ..روحي حبي .سدته العوبه كبر ..
اتصلت بامها .. هلو خاله شلونج .ام ريم ..اهلا وسهلا تفضلي .اني .داليا زوجة حازم الثانيه
ام ريم ..اهلة وسهلا .
داليا ...اني الي وعيتج ودزيتلج الصور  مالت عرسهم
ام ريم ..اي خلف الله عليج جان لهسا نايمه ورجليه بلشمس .
داليا ..شناويه تسوين تستمرون لو تطلكوها
ام ريم ..مااعرف الناس كلها عرفت بيهة مخطوبه   ورا فترة تفسخ اخاف يصير حجي عليها  اخاف استمر هاي ضرة مرة مانطي بنتي
داليا ... شبيها الضرة هسا اني عايشه مميته ومخبلته لحازم  يموت عليه بنتج بايدها تخلي يحبها
ام ريم ..مااعرف كيف ابوها
داليا ..يجوز مترضين على صديقتج بس كل البلا منها
ام ريم ..اعرف حبيبه اصلا اني مااحجي وياها كسرت ركبة بنتي
داليا شوفي خاله ..اني انصحج تتميي الزواج غصبا ماعليه يزوجها ويعوضها وافرضو عليهم ضمان الها فد عقار شي .واذا لا كسرو ركابهم بلمحاكم بلعشاير .اني لخاطركم مقهورة عليكم .
ام ريم ..اي اكل لاابوها مشكورة حبيبه
الله وياج
داليا ...اي هاي بيها لزمه .. بقت سمر ..شلون ..خلي افكرلها .
بعد كم يوم ..  يوم انطيني فلوس طالعه .
ام داليا ..خلصن يمه
داليا ...هههه نعم شننه الي خلصن كل جيه انطيج ذاك الحساب
اي يمه مصرف اخوانج والاجار ..
داليا ..واني شكو كتلج ضميهن لو صرفوهن
ام داليا اني عبالي تنطيني مصرف النه ولااخوانج  كلت تعوضنا
داليا شعوض .ليش انتو شمسويلي واعوضكم ..على فكركم .لو على طيحان الحض  انتو فكور جاين براسي تصيرون اوادم من تالي .
ابو داليا ..كام جرها من شعرها ..اطلعي مدام  فكور ومنشرفج رجعي ..لعيشتج وبعد لاتشوفينا وجج .
واني شكد ناطيتج هي .ام داليا انطتني .(....).ولي ويومين فلوسج عندج ..طلعي ..داليا ..وين اروح ..اتصلت بحازم ميجاوب ..  رحت لبيتهم ..دكيت طلعتلي احلام ..وين ابوج .
احلام .مسافر. .منو موجود
.احلام ..قتيبه وماما ..
داليا صيحيلي قتيبه .
احلام ..هاي داليا برة تريدك 
قتيبه ...نعم تفضلي ....داليا ..وين ابوك .محتاجته اني حامل ..وضعي تعبان والطفل مهدد وصحتي لازم ارتاح وغذاء صحي واهلي مثل متعرفون ..
تهاني طلعت ورا كلت هذا يضربها بس تحجي سمعتها وشفت وجها اصفر .وتعبان ..لزمته خطيه خلي تفوت .
قتيبه ..ولي منا لاابتلي بيج .من يجي رجلج عود يتصرف ..فات وجرني ..تهاني .قتيبه
قتيبه .اشششش ولاحرف جوة ودفعني للبيت 
داليا رجعت لبيت اهلي ودخلت للغرفه ..مصرف ماكو ..
والتلفون عندة والسكرينات جان هددتهم بيهن واخذت فلوس . باجر ابيع الحلقه والتراجي ..واخلي يكع اغاتهن اني الك حازم .
تهاني ..  من دفعني ضجت ..  منه ..  من يعصب ميوكف بعينه احد .. .سويت عشا وخاله درس بلبنات اجه للمطبخ ..شلون ريحه طيبه شسويتي ..  تهاني ..  نواشف ..
اجه شاورني يعني اليوم منشفتها  باوعتله صفح ..  ورحت رتبت الاكل .. كال اريد جاي وياالاكل

.