Kung ako, Nganong siya man? [ON GOING PA!!...]

3

"Hmmn. Hi, ako diay si Maia." Gipa ila ila nako akong kaugalingon sa atubangan sa babae.

Nakita nako kung unsa siya ni nigisi sakoa ug na feel jud nako nga maayo siya nga tao. Dili siya plastik. Makaingon jud kog gwapa kaayo siya, dili sa gi compare nako akong kaugalingon, ang akoa lang kay giingon lang nako unsa ang tinuod sa iyaha.

"Danica." Tubag niya dala handshake dayun sakong kamot.

Wala gihapo'y ekspresyon si Ellis gipagawas sa iyang dagway habang ako kay halos dili ko makatarung ug tanaw sa ilang duha labaw na ang kamot ni Danica nga naa sa kamot ni Ellis. Dili jud nako mapugngan ang kaguhot sa akong dughan tungod sa akong gibati nga kasakit.

Dali dali ug hinay hinay dayun ug hawa ni Ellis ang kamot ni Danica. Siguro, nabantayan niya akong pag tanaw mao sigurong gibuhat to niya. Nya si Danica kay murag wala rapud. Blind ra kaayo. Blind? Blind ra ba kaayo si Danica? Or ako ra ang blind sa among duha?

Unta no? Marealize unta sa mga lalaki kung unsa kasakit ang ma two time, or sadyang ako lang jud ang nagatuo nga gihigma pako niya? Gihigugma ba ko niya? Unsa na ba diay ko niya? Option? Third wheel? Third party? Fuck buddy?

Pareha raming tulo sa among atubangan mura ganig mga amang, halos di na muistorya. Si Danica sige rag ngisi sa akoa. Si Ellis murag wala ra sa akoang presensya. Ako? Maghulat kung unsa juy naa sa ilahang duha. Sakita ana no? Ayaw jud ug ka fall sa mali nga tao kay grabeng kasakit ana kay mao na akong nabatian karun.

Pero kung mali nga tao si Ellis para saakoa, unsa pamay rason nga niuli ko diri? Unsa pamay hinungdan nganong nibalik pako diri nga dili na dapat ko mouli diri. Kay siya mismo ang rason. Siya ra akong giulian.

"Maia, hmmn, pila namo ka tuig ni Ellis nga mag amigo? Wala man gud ka niya gina ingon sa akoa. Karun rapud diay ko kabalo nga dugay na gyud diay mo mag amigo." Nangutana si Danica sa akoa.

Wala jud diay ko niya gipa ila ila kay Danica? Kay halos mga nanguyab sako didtoa sa Canada kay akong gipang busted tungod ra sa isa ka tao. Tungod ra kay Ellis nga siya rajud akong gihigugma. Nagadahum man gud kog maayo.

Mutubag na unta ko sa pangutana ni Danica. Unya kay naunhan man ko ni Ellis, mura siyag nakuratan sakong iistorya unta. Ngano? Ngano Ellis? Nganong nakuratan ka?

"Unsaon man nako pag ingon sa imo Danica, nga wa man sad ka nangutana." Tubag ni Ellis

Ningsiga ang mga mata ni Danica. Ning siga among mga mata sa gitubag ni Ellis kay Danica. Maski si Danica dili katuo.

"Kinahanglan pa diay ko mangutana?" Ni ana si Danica.

Nisiga nasad akong mata sakong nadunggan nga giingon ni Danica. Naa siyay punto, Kung mangutana diay pud si Danica, naay posibilidad nga mo tubag si Ellis. Kung dili sad mangutana si Danica, dili pud mag share si Ellis. Sadyang dili lang siguro ganahan si Ellis nga iistorya ko kay Danica kay naa nay silay something.

"Mangaon sa tag usab." Ingon ni Ellis.

Seriously, Ellis? Nganong ginaiwasan man jud nimo ni among pag istorya. Nganong nakafeel man kog guilty ka? Wala siguro siya katubag kay siguro dili niya gusto ni istoryahon. Unsa diay gibuhat nako?

Si Danica nga murag wala rapud pero nakita sad nako iyang itsura nga natingala sa ginaasta ni Ellis karun sa among atubangan. Ako? Wala gihapon koy maistorya sa ilang atubangan. Unsa man sad akong iistorya?

Giaagda ko ni Danica nga mangaon na daw mi. Una nitindog si Ellis, sunod si Danica, sunod ako nga way duha duha nganong nisunod sad ko sa ilang duha.

Ang mama sad ni Ellis ug iyang manghud nga si Ella kay naa sa kusina nag andam nasad ug mga plato miskag humana silag kaon. Basin dili lang gusto si Ellis nga dili mukaon sakong giluto. Basin napugos lang sad siya. Pero dili nako na choice. Wala man sad ko namugos sa iyaha nga mukaon siya sakong giluto. Ang ako lang kay ma appreciate niya akong gibuhat ba.