#طفلي_المفقود4
•••••••بقلم نورا•••••••
جاب الطفل الي علي .. باوعته مديت ايدي عليه .. كلبته اخذتني ايدي لرجلينه .. گلبتهم اثنينهم مااشفت اصابعه مثلما شفتهم بالاول الاصبع مطبوك بشكل ملفت للنظر .. گتلهم مو ابني .. ماصدگوني عبالهم اكذب او لان مصدومه .. دخلوني بالسياره شلشتهم بالصياح .. حركت السياره واني مصدومه ومحد مصدكني.. ودوني البيت دخلت منهاره ام علاوي وخالو جانو بالبيت شافوني بهالحاله محد مصدكني احلف الهم والله مو ابني ميصدكوني مرت عليه ... ساعات مثل السم
بعدهه اجه اليه علي اني نايمه ع السرير..
حظني دفعته.. گتله وينه دفنته تره مو ابني والله ...
علي ..ياعيني لعد اذا مو ابنج ابن منو ..
حور.. مو ابني گتلك مو ابني .. وبديت ادگ ع صدره قوي لزم ايديه .. وحظني بجيت الحد .. ماغفيت بحظنه... واحلم بابني يبجي بعيد عني .وبمكان مااعرفه ابد..صحيت لكيت نفسي الوحدي بالغرفه .. المن اشكي ياربي بس الك المشتكى.. سحبت نفسي من السرير ونزلت .. رحت للحمام نزعت وصب الماي عليه واني مجروحه ومتألمه من الولاده
بس بدون .. اي شي خاليه من الطفل الي من اباوع اله انسئ وجعي .. موجود بمكان بعيد وبايد مراه ثانيه هي مو امه ... بجيت ماتحملت .. بجيت بصوت عالي .. سمعت علي يم الباب يكولي افتحي الباب افتحي كتله .. روح وخر عني مااريدك مدام متصدگني ... بقه يضرب الباب ماافتحته اله حسيت بدوخه ونزف گوه لبست .. وفتحت اله الباب وگعت يمه .. فتحت عيني بالمستشفى والكانونه بايدي ويديرون الي بطل دم.. شفت امي يمي بجيت عدلت نفسي
ماما والله ابني عايش والله ماما
الام ... ياعايش يامي انت مو دفنو الله يعوضج بغيره ...
حور ... اني سمعت هيج تكول الي ضجت
حيل مرت كم يوم اني بالمستشفى .. اجت مريم واختها الي ليشوفوني كلت الها اروح وياج اني ماارجع وياهم .. كالت شون ترحين ويايه اخاف ميقبلون وتصير مشاكل .. كلتلهه اني احاجي ابويه .. حاجيته وحاجه علي
علي .. حور دائما تردد ان ابنه مو ميت . اني
توقعت من الصدمه هيج تحجي .. رحت دفنته واني عذابي مو اقل منهاا .. بعدها سائت حالتها دخلناهه المستشفى .. اجه الي ابوها .. وگال هي نفسيتها تعبانه هسه راح اخذهه ويايه بلكي ترتاح .. بعد معارضة عمتي ام حور وامي وابويه واني هم ممرتاح الهالقرار وافقت وگلت اله ميخالف فد كم يوم واجي عليها •••••
حور°°° مرت كم يوم واني يم بابا الدنيا ماسايعتني قلبي معصور .. ثالث يوم اجه يمي علي ...كنت بالغرفه كاعده اجه دخل عليه °°بوسني ع راسي°حظني بس اني تعاملي ويا بارد حييل°لان مدايصدگني واني صادقه گال °هاا حوري ترجعين ويايه°♪
حور °ماارجع علي وانت تعرف ليش ...
علي .يعني انت عبالج اني مرتاح الهالشي
مو داتعذب وياج .. لج مو دفنته بيدي
حور .بس اني صادقه علي ومدداكذب الطفل مو الي دفنته .. كنت نايمه .. منتكيه ع السرير ...كمت عدلت كعدتي ...واتقربت اله لزمته من ذقنه .. اني مو زوجتك باع العيوني علي .. هذا مو ابني والله موابني
أنت تقرأ
طفلي المفقود
ChickLitقصه منقوله للكاتبه نورا ناصر ام تلد طفلها واثناء الولاده. يقال لها بانه ميت لتكتشف بعدها انه ليس طفلها وتبدأ رحله البحث عن الطفل ....
