★ نـصـفـان و يـكـتـمـل الـقـمـر ★
الـــكـــاتـــبـــة : #ســلــﭬــيــا
البارت الثاني
احمد: طلعت داروح ع مروان دنيه حاره وجان اشوف بنيه حلوه بس وجها شاحب انيقه كلش مبين متحرره بنطرون و توينك طويل فوكا وشالها يسمو توربان شفتها مو ع طبيعتها جنها تريد توكع ركضت بعدني مواصل وكعت......
ماكدر اطخها خرب... يا بنيه .. يابنيه كعدي يمعوده ...
ناز( عمرها٢٨ سنه حلوه كلش عيونها كبار عسليات بيضة ،،معلمة بمدرسة اهلية )
الله يخليك ساعدني بيتنه ذاك(اشرت ع سادس بيت بسايد بيت احمد)
احمد: ماريد اطخج ميصير اختي اتحملي رح ادك بابكم واهلج يشيلوج.
ناز: محد اكو بلبيت بس عمتي ومريضه مابيه بعد رح افقد وعيي
احمد اصبري بس اصيح امي الله يرضه عنج
ركضت صحت امي لان البنيه وكعت قريب من بيتنه .. يمه يووووم تعالي فدوه
ام احمد: ياساتر شبيك يمه (طلعت شفت بنيه واكعه بلكاع يا رحمن دخيلك ركضت عليها ) ليش عايفها بلكاع يحظي
احمد: ميصير اطخها يمه يمعوده
ام احمد: ربك مكال تقفلها بشر ديموت تعوفه يموت صدك جذب احمد شبيك يوم
ساعدني .. يمه وين بيتج يا الله صارت فدنوب متجاوب يارب رحمتك
احمد : يمه البيت السادس تعالي
طبينه الباب ممقفوله .. سويت صوت علمود عمتها تحس بينه.. نصدمت عمتها مقعده ع كرسي متحرك هاي شتسويلها وهي بهيج حاله
ام احمد: عيني خيه بنتج بشارع وكعت فدوه شبيها خطيه صايره كركم سوده عليه
منى:(عمة ناز الاخت الوحيدة لابوها مقعدة يعني رجلها شلل قصتها بمرور الوقت رح تنعرف)
اوي عيني عمه ناز شبيج فدواتج لا تسوين بيه هيج محد الي كعدي عيوني .. جيب مي خاله خل اغسل وجها واكو دوه بلمجر ذاك جيبه فدوه
احمد: صار خاله .. ركضت جبت مي عمتها غسلت وجها و رجلها وايدها و نطيتها دوه شربتهيا بلكوه .. بنيه مثل الورده تشرب ادويه خطيه شبيها!
ام احمد : طلعت عمتها شكد عيب واني كتلها بنتج شمدريني) عيني خيه ميصير وحدكم اخلي يمكم احمد خاف تعتازون شي .. احمد يمه ضل يمهم خاف يصير شي والمره ماتكدر تتحرك
احمد: صار يمه بعيني ..
رجعت ام احمد للبيت ..
مها: هاي شكو شصاير طلعتي ركض واحمد يصيح!
ام احمد: وج عيني خطيه هاي بنيه بيتهم براس الفرع وكعت من طولها و اخيج الطابع كتب الدين بمخه نسختين مرضه يطخها جان ماتت وهو يكولي حرام اطخها
مها: عاد وبعدين شصار
ام احمد: طببناها للبيت و طلعت عايشه ويه عمتها شلل . الله يكون بعونهن شعدهن من اسرار وعايشات وحدهن انقهرت عليهن
بس البنيه اية من الجمال بس لا احسدها استغفر الله توبه
أنت تقرأ
نصفان ويكتمل القمر
Romanceقصه منقوله للكاتبه سلڤيا ★ نـصـفـان و يـكـتـمـل الـقـمـر ★ الـــكـــاتـــبـــة : #ســلــﭬــيــا قصة واقعية " احمد " خريج جامعي يعمل في محل ملابس نسائية .. احمد شخصية انطوائية .. لا يجد في النساء من تتمكن من امتلاك قلبه .. من تلك التي تتمكن منه...
