غلطة عمر
همس القوارير
البارت ٧
طبعا بقت علاقتنا لحد ما جابت ناديه جابتلنا ملوكه وكنت كولش فرحان بيها كانت تخبل حبيبتي تشبه زينه اختي ذكرتني بيها صدك البنيه نعمه فرحتها بالنسبه الي كبيره وطلعت ناديه من المستشفى والحمدلله وهمين اخذت امومه بقت علاقتي بمروه سنه ونص كوله وما حست ناديه بأي شي
بقينا على حالنا واحد يحب الخ واحد يداري الخ صداقه وحب وحنيه هيج احس عبالك ما حاب من قبل بس هي شايله روح ربي يستر عليها فد يوم احنا كاعدين بالكافتريا وصار حوار بينا
مروه : حمودي حبيبي بس سؤال ولا تضوج لشوكت نبقى هالشكل واحد يتمنى الخ
محمد : والله ما اعرف تدرين بيه اتمنى هاليوم اكثر منج انتي شوري عليه شنو اسوي
مروه : والله ما اعرف بس تعبت من وضعنا اتمنى اكون الك لوحدك وانام يمك واشبع منك ما اريد ابقى هالشكل مثل الحراميه
محمد : شوفي اليوم عدنا شغل بالمعرض صبريلي يومين وافاتح اخوي بالموضوع
مروه:حمودي اذا تريد تفتح موضوع لازم تخلي كولشي كدامك راح نصارع المشاكل اني وياك لحد ما نكون سوه
محمد : اوكي ماشي خليني فد يومين واشوف
وطبعا بقينا هاليومين على تواصل ونحضر شنو نحجي وشنو نگول وشنو نتوقع ودخنا من التفكير وخلينها على الله وقررت اصارح اهلي وابدي باخوي باسم واخذ رأيه بالموضوع لان رايه يهمني
المهم رحت للمعرض كالعاده العصر
محمد : خويه من رخصتك اريدك بموضوع
باسم: اي خويه تفضل شنو محتاج
محمد : اريدك سالم خويه بس محتاج استشيرك بشغله
باسم : اي عادي تفضل
محمد : والله ما اعرف منين ابدي وياك خويه والله اني كلش ما ممرتاح بزواجي ومن اخذتها لناديه ما شفت راحه كوله مشاكل الحجي بينا وهامله نفسها اكثر من الف مره حجيت وياها واكثر من الف مره نصحتها وتغير نفسها وماكو فايده واني تعبت ياخوي
باسم : والله يا خويه گلنالك اني وامي انت الي ردتها
محمد : خويه حقك بس لا تلومني اني مناقص وداعتك البيه مكفيني ومحتار بزماني
باسم : والحل شنو
محمد : اريد اتزوج اني احب وحده وياي واريدها وميت عليها شنو رايك انت اريدك همين تفكر بيه شويه هذا عمر يا خويه
باسم : والله يا خوي ما اشجعك عالهفكره لان راح تهجم بيتك وما اتصور اكو مره تقبل بهالوضع على الاقل فكر باطفالك وراجع نفسك
محمد : اني اعرف ناديه تحبني وما تحرمني من اطفالي خلي اجرب واحجي شتگول
باسم : لا ما انصحك لان تصير مشاكل لازم تفكر وتفتح على نفسك باب ما تگدر تسده
محمد : ماكو غير حل ولازم احجي لازم الگي حل ميصير نبقى هيج لا احنا لسما ولا لگاع
باسم : والله براحتك يا خوي وتحمل العواقب واني عن نفسي ما اشجعك عالزواج
محمد
رحت للبيت وضليت محتار لا اعرف افكر ولا اركز حتى من يحجون وياي مرتين يعودون السؤال كولش دخت وضليت اخير نفسي احجي لو ما احجي اخاف اسكت وشلون تاليها نبقى هالشكل واخاف احجي وتنگلب الدنيا على راسي
ثاني يوم رحت للدوام وشفت مروه حجيتلها على الي صار ويه اخوي ما علقت ضلت ساكته وكالت بكيفك الخيار الك لان اني همين دخت وما اريدك تخسر بيتك وعائلتك لان فعلا الموضوع يحير
تعبت حيل تعبت وخلص الدوام ورجعت للبيت
