يا محلا ذيج ايامنا الماترد
همس القوارير
البارت ١١
بعد ما اتفقنا على موعد الجلسه اول ما بده السيد صاحلنا كولنا طبعا اخو هيثم اجه يمنا هو واخوي گالو لازم تجيبون قطعه بيضه مثل الكفن طولها مترتين حتى نخليها على هيثم وفعلا راح اخو هيثم اشتراله وكال اريد فحم للبخور واجينا كعدنا
السيد : يالله هيثم لازم تنام هسه واغطيك بالكفن
تدرون الصدك متت من الخوف حسيت اكو شي غريب نرعبت اشو هذا السيد التفت عليه وگالي اختي لا تخافين ماكو شي ان شاءالله
جوري : ياا عزه هذا شلون عرف اني خايفه
وبده يقره كلمات ما افهمها لو بعد سنه ما اعرف الفضها وبعدين يقره قرأن وبعدين رجع يقره كلمات وشغل الفحم وشعل بخور بحيث الغرفه كولش انملت دخان وصارت خنگه وبده يحجي
السيد : اخرج من هذا الجسد لقد اذيته
ما احس اله هيثم كام يحجي حجي مينفهم ولا صوته ولا هو الي ديحجي يمه عزه العزاني شنو هذا رجلي شبيه مو هوه ولا صوته ولا كلام مفهوم وبعدين بده يحجون فصحه وبده اخويه يصور بيهم
السيد : من انت
هيثم : لا تأذوني واتركوني
السيد : من اين اتيت
هيثم : لقد سخرتني امرأه لهذا الجسد اللعين
السيد : يجب عليك ان تخرج
هيثم : ههههههه انا اريدك ان تخرجني من هذا الجسد الموالي لعلي وفاطمه واهل البيت
كام السيد وضربه لهيثم بصدره ضربه قويه
السيد : انا الذي سوف اخرجك ولكن عليك قبل الخروج ان تنطق الشهادتين
گام السيد وجابله ورقه وقصها على شكل انسان وخلاها على جسم هيثم اقصد صدره
السيد : اخرج وادخل هذه الورقه وقبل ان تخرج قل اشهد ان لا اله الا الله
هيثم : اشهد ان لا اله الا الله
السيد : اشهد ان محمد رسول الله
هيثم : اشهد ان محمد رسول الله
السيد : اشهد ان عليا ولي الله
هيثم : لا ما اكول اله هذه ما اگولها
السيد : گول اشهد ان عليا ولي الله
هيثم: لا ما اكول خلاص
السيد : اذا متگول راح اقره عليك سورة الفيل
هيثم : مستحيل اگولها
السيد : بسم الله الرحمن الرحيم الم ترى
هيثم : خلاص خلاص اشهد ان عليا ولي الله
وبعدها بده السيد يقره كلمات وبعدها قرأن وبعدها كلمات وبعدها قرأن وبد يلزم الورقه بأيده
بصراحه كل هذا گدام عيني واني بغايه من الذهول رغم اني ما استعقد بهذه الامور بس بعد الي شفته اليوم مستحيل يكدر الانسان يصدكه لو ما هذا الموقف صاير بزوجي وگدام عيني مستحيل اصدك المهم خلوني اكمل الباقي وانتم شوفوا
