«احببت قلبه وليس شكله 💔»

البارت التاسع

💫#احببت قلبه وليس شكله 💫✨

#البارت الاول …………✨

بقلمي #ﻧۆشـھَہ………ّ 🌟

_____________________________
#اين  اخبيك عن عيون الناس فاريدك لي فقط لا يلمسك غيري
اين اذهب واخذك معي في عالم خالي من الكلام الناس فقط انا وانت يا عالمي وسعادتي يا جنتي وروحي احبك يا اغلا ما في الكون

#إهـمال عـنيد و كـبرياء مـقيت جـعل الـحب بـينهم اخـرس
لا يـتكلم إلا بـ الـعيون...!

#يقولون ان العشق أعلى
أعلى   درجات  الحب
وأن كان حبي لك يفوق
العشق فماذا يسمى أااآذا

هشام : اني هشام الابن الثاني العائلتي ابوي تاجر معروف بلمحافظات واله كلمة ومكانتة

مانحتاج شي بسبب عمل ابوي من الصغر واحنه مدللين الي انريده انحصله لو ندفع ثمنه غالي

جدي ابو امي  رجل غني عن جد وارث ورث اجداده من قبل
وابوي كدر يكون شخصيته بمال جدي

صح جنت مدلل والي اريده اخذه بس كل هذا مصنع عدي التكبر ع الاخرين ع الناس الي اقل مني مستوى

عمري 29 سنه طويل وجسمي زين مليان بس مو سمين ها هههه

من صغري جنت سبورتي اضحك واشااقه هواي ضحكتي مفاركت وجهي ابد الى ان صار الحادث

الحادث الي كلب كل حياتي فوك جوه الي متوقعته

قبل 7 سنين حبيت رزان بت عمو محمد الي رباني وتعب عليه حيل من جان ابويه يسافر بشغله

جان عمو محمد هو المسؤل عناا حبيته حيل وصار اله معزه بكلبي اخوي الجبير همام مسافر من زمان

وابوي متبري منه بسبب حبه لابنية اقل من مستواناا بس علاقتي بي ابد ماقطعتها

اخوي علي الاصغر مني بسنة
جانت علاقتي بي كولش قوية بعد ما فارقت همام من 10 سنين

قوت علاقتي بعلي حيل صار الي الاخ والصديق وكل شي جنت اسولفله حته ع حبي الرزان الي محد يعرف بي

جان ينصحني اعوفهاا لان اقل من مستواناا ولا مصيري يصير مثل همام

بس اني عنيددددد حيل هههه مثل ماتكول امي طالع ع جدي ابو امي عنيدددد حيل والي براسي اسوي

لهذا اهلي كلهم ميردولي طلب
جنت اشوف نضرات بعيون علي من اسولفله عن رزان مجنت اعرف شنو بس اني غبي وثقت بي

الى درجة كبيره حيل وبسبب هلثقه هاي خسرت كولشي املكه كولشي ليش اقرب ناسي

خانوني اقرب اشخاص الي خايينين مايردون غير مصلحتهم من يوم الحادث الي صار وياي

مثقيت باي احد بعد غير همام هو الوحيد الي مخاني مو مثلهم ابوي امي علي امير وحته رزان