اراك بقلبي

زواج ..اجباري

#اراك_بقلبي#البارت الثالث

💐🌸💮🏵🌹🥀🌹🌹🏵
صباح العسل ...  جمعه مباركه .. 
غدير   وسام ....
مياسه ...خاب  ماتسكتين .. شتزوج .منه شايفته انتي
حلا ..  صايره مااعرفج
مياسه ..شبيج حلا .ليش اتزوج واحد مثل ازاد شناقصني .  كافي رحمه لاهلج ..رجعت ابويه دز عليه .
....بابا .جوي عليج ناس واني دزيت عليهم موافق
مياسه ...ليش بابا اني ماريد اتزوج
...مو كيفح اني وافقت والخميس المشيه والعقد وتلبيسه الذهب 
مياسه ...ماريده بابا .فدوة .لاتجبرني .والله اكتل نفسي
لزمني راشديات اني اكتلج لاتكتلين نفسج .تردين تكسرين راسي .لو تسويلج مكسوره .
مياسه .. شمسويه .من مكسوره بابا .اتقي الله بيه
...تنلصمين .وتحمدين الله ناس مرتاحين وفلوسهم تسد عين الشمس وقبلو ب
مياسه ...شسوي بفلوسهم انت شايف شكله يخوف والله اخاف منه
(((غدير وسام)))
...اها .تردين . حلو من ذول المايعين وتتمعشكين  ..الخميس خطوبتج ومن الله اريد واحد منهم يشتكي منج .لو يكول .حجت لو كلبت الوجه
دفرني وطلع .. الثلاثاء .جتي امه تاخذني .نشتري ذهب .وفستان . راحن نجاة ومريم وياي 
ام ازاد ..اخذي الي يعجبج لاتهتمين للسعر
مياسه .. تمنيت خاله اسراء وياي توسلت بابويه مقبل  اني ماعرف خاله .
نجاة ... هي وين شايفه ذهب وتعرفله .اني اختار .من شفتها حجت  هيج ..كتلها ..لا اني اختار ليش مشايفه شبيه اختاريت تخم . وحلقه .حلوة .  وهي جابتلي سوارات ٦ .فوك الي اختاريته . ومحبس فص ازرك . واخذت محبس لنجاة .ولمريم تراجي . طلعنه من الصايغ .اشترولي فستان . احمر .  كلش حلو . وحجزت  صالون . رجعت هلكانه ومريم وامها يعاملني بشكل ثاني . هههه سبجان مغير الاحوال .  ثاني يوم داومت جابت هيام التلفون     كالت بعلم ابوج ازاد كايله وموافق  اخذته . منها .رجعت  وبلخميس  مداومت . اجتي اخته الجبيره وهيام  رحنه للصالون . حفتلي وجي  وهنه اختارن التسريحن والمكياج .بس ذواقات . وراقيات .  من خلصت .  وئام طلعن  كلاده بفص ازرك لبستنيا كالت لايحسدوج .  من فتت للبيت لكيت خاله اسراء جايه هي .ونسوان خوالي و ريتاج .مشتاقتلهم بوستهم فرحت بجيتهم اكثر من خطوبتي .  اجوي اهل . ازاد هواي ناس بحيث الصاله انملت .  من اقربائهم وكلهن مستوا  وراقيات ..  والذهب واللبس كله راقي . عقدولنه .واجه ازاد  يلبسني .    شفت نظرات  خالاتي اله وبنات عمي . عرفت  يضحكن عليه  هو  رغم هيج ممستحي ولاخجلان يتصرف باريحيه وعده حس فكاهة يتشاقه 
شلونج .مياستي .
ميس ...الحمد لله ..
ازاد ..شنو  هاي الجمال كله الي
مياسه ..خرب .هم يلوك .هذا عايش الدور    درت وجهي .
ازاد ...لاتستحين بعد صرتي حلالي .
مياسه ..شوف هذا .ميدري مطايقته . عباله خجلانه .خاب ماطير  .
ازاد ... الاحمر عليك ويبطل .بعد ميلوك لاحد . اريد اكلج 
مياسه ..ليش تخيلتني ثريد .. 
ازاد ...ههههه لا فراوله .  مو شفتيني سمين عبالج من جماعة الثريد .
مياسه ..حسيت  بي ضاج بس اخذها بلضحك ..  يطبه مرض .  مصدكت .طلعو ..
خاله اسيل ..الولد يريد يكعد وياج
مياسه ..اكلج شو هذا مصدك روحه وعايش اللحضه خلي يولي ويه اهله .
اسيل ...شنو هذا الكلام مارايدته احجي ليش تورطين الولد
مياسه .. والله كتلهم بس محد سمع .
اسيل   ليش مكتيله هو مبين حباب كعدت ويا وحجيت .ااالشكل مو قياس بنتي .  اهم  شي الكلب وهو كليه ابيض .والله مقاصر بلحلا لج تدرين اذا ضعف .متكدرين تلحكين على المعجبات بعد
مياسه ...يبوووو دخيلج . 
اسيل ..ولج والله يجنن  اشكراني  وعيونه ملونه .
مياسه ...شبيج خاله .عليمن تجذبين  عموما ريحي نفسج تورطت بعد . 
اسيل ..يله  رايحه اني .ابو ريتاج كوه خلاني اجي .  شتحتاجين خابريني .وبزواجج اجي .
مياسه ...الله وياج . غسلت . همزين باجر جمعه .  غفيت فزيت رجه بلتلفون .مكتوب ازاد  💓 مياستي .
مجاوبته ونمت .  الصبح جاني مسج .صباح العسل مياستي  . مو مال اغلس بعد 
صباح الخير . راسا ..دك . جاوبت  الو
ازاد ..الله .كلشي بيج حلو صوتج .شكلج اني شمسوي زين وصرتي قسمتي
مياسه ...شكرا .. رايد شي
ازاد ..بس ردت اصبح عليج .  واكلج بعد  باجر .نعقد محكمه وغداج يم اهلي .
مياسه ...شكو .مستعجل .
ازاد ...  لازم نستعجل زواجنه  بعطلة  نصف  السنه مبقى شي .
(((غدير وسام))))
مياسه ..ليش مستعجل .هيج  خلي بنهايه السنه
ازاد ...وعيونج مااتحمل .اني اريد اليوم نتزوج 
مياسه ...اففف . الله كريم .يله اروح بابا يصيحني .سديته 
نجاة ...خالتج  خابرت تكول الاحد العقد حضري نفسج
مياسه ...ادري . كعدت اتريك .
بيوم الاحد ..لبست . بنطرون ابيض وقميص وردي  وحجاب وردي وابيض بوتين وحذاء وردي . مكياج خفيف  
ازاد ..لابس .قميص  نيلي .وجينز ثلجي . وبوتين .  نفس الرهبه بس كلي صباح الخير  وحسيت اريد اتقيأ     واختنكت . امه وابو .  بسيارته وسياره  ثانيه ابويه ونجاة    ومريم .  عقدولنه .وامه ونجاة خبصن المحكمه بلهلاهل وهو فرحان ..رحنه لبيتهم . ممخلين شي ممسوي بيتهم جبير  كلش  .بس الصاله بكد بيت اهلي   مسويلي جناح   خاص .  حتى خدم عدهم . فكيت حلكي . على الترتيب .الي شفته
شفته الكل يحترمه .واله كلمه عكس متوقعت  ماعرف ليش فكرت ماعنده شخصيه  شفت ابو يحجي بشغلة سياره وهو من كال لا . ابو جاوب لا بدون ميفكر . اخواته من يباوع عليهم يسكتون 
ازاد ...مياستي .تشوفين  غرفتج
مياسه ..بابا خزرني مكدرت ارفض صعدت .هيام اجي وياج .خزرها رجعت كعدت . غرفتي . لونه بيج  تركيه .كلش حلوة 
ازاد ..اذا معجبج شي اغيره .
مياسه ...لا حلوة . عاش ذوقك
ازاد ... اكيد ..لاتستحين .
مياسه ...بس ماريد تستعجل بلزواج انطيني مجال  حسيت بي تقرب عليه متحملت ابتعدت . لزم ايدي
ازاد ...ليش  خايفه .لو مغصوبه عليه
مياسه ...لا .ممغصوبه بس  اريد بعد اتعرف عليك
ازاد ...  بلزواج نتعرف .اخذج شهر عسل لاربيل . لو تركيا .وهناك  نتعرف زين .
مياسه ...يعني .مابيها مجال
ازاد .. وعيونج لا هاي نهايتهة .هههه دتحسسيني بايعلج سياره وتعامليني  
مياسه ..  هههه  ننزل .
ازاد ... طيرتي كل الافكار السوده الي جنت افكر بيها  يله  ازاد ممصدك هي حلالي شرعا وقانونا   ردت احضنهة .ابوسهة بس شفت خجلها عفتها    تغدو وصلتهم لبيتهم وطلعت للمعرض . الكل باركلي . اكو عائله فقراء اساعدهم اليوم  دزيتلهم مسواك ومصرف وكتلهة تدعي لمياستي  بدت مياسه  تمتحن   واني جهزت لزواجي وسويت رجيم .  مع العلم اني مو اكال سجلت بجيم .بس مالتزمت لان اتعب بسرعه .
مياسه ..بالي مو يم الدراسه ابد . كوه اقرا للامتحانات .  اليوم اخير امتحان ..وباجر . يجون ام ازاد  ياخذوني اشوف فساتين واجهز .  اني تركتلهم  كلشي   يشترون براحتهم .   ازاد  ماتصل ابد بامتحاناتي  ماراد يشغلني .    دك عليه . مشتااااق
مياسه ..هلو .ازاد شلونك
ازاد ... موزين بفراكج  والايام متمشي   الي مصبرني صور  خطوبتنه .
مياسه .  غير عدي امتحانات .
ازاد ... المهم خلصنه .  من تطلعين اشتري شيعجبج ميهمج احد زين حبيبي .
مياسه ...ان شاء الله .
ازاد ... محتاجه شي . اني مشغول  وابد مفارغ وماتصلت لان محبيت اشغلج لاتعتبري .قلة اهتمام
.مياسه ...عادي .
ازاد ...اروح اني . مع السلامه
مياسه ...الله وياك . اوووف .يبرر على اساس كاتله روحي عليك .
نجاة ...مياسه ..وين صرتي
مياسه ..نعم باجي
نجاة ..الناس بلطريق جهزتي نفسج .وانتي هم مريم .ههه خلي نشوف هلمره شتاخذلنه ولج
مريم ..اي اني هم افكر
مياسه ...استغفر الله يردن كل طلعه تشتريلهن .كبور شكد ماديات . رجت لغرفتي لبست .نفنوف  مشجر . وبدي  نيلي جوا . رتبت مكياجي وحجابي    وصلو طلعت .
ام ازاد ... شلونج ميس .شو ضعفانه ولج
مياسه ..من الدراسه خاله .
..... فدوة لعينج .ان شاء الله تنجحين وميضيع تعبج . اشو هيومه ولاالهة شغله تاخذ بلعرض
نجاة ... حلوة هيام ..والله اني رايدتها لابني محمد
ام ازاد ... شكو بيها نتشرف حبيبه  خلي نكمل زواج .ازودي  ويصير خير 
نجاة .. الله يتمم بخير 
مياسه  ...نزلنه ..اختاريت فساتين .للحنة والعرس .
ام ازاد ...اخذيها مستره لان  قاعه واصدقائه جايين  ومختلط وصاني   اكلج خابرج البارحه بس استحه يكلج
مياسه ...صار خاله بعيني   اختاريتها ردن كيبور   بس خفيف . وطرحة مالت محجبات . ومن مشينه صارت معاصم بيض بوجي اخذتهم اخليهم جوة الردن .لان من خذت   بليره طلعت محلوة  رجعت هلكانه تعب .  خاله اسيل تكفلت بشغلة  تنظيف الجسم .وتخصيل الشعر والحفافه لان معجبهة الشغل بلخطوبه . كامت تجي من الباب تاخذني اكمل اموري ليوم الحنه  عزمت بس الاقرباء وحلا  هيام جتي يمي . وصارت ليله  حلوة  لبست . فستان   ليموني    كلش نازك وحلو  اجه ازاد واهلة  يحنوني  شفته شويه ضعفان ..يلوكله الضعف  شبي لعد  ماعنده اراده 
ازاد ... طالعه حلوة
مياسه ... شكرا .شكد حاولت اجامله اكله انت هم او عيونك الحلوة ماكدر  مو طبعي  اجامل او انافق  سكتت
ازاد ...بس الليله وتجين يمي .اعوضج كل الي شفتي واخليج اسعد انسانه
مياسه ...ان شاء الله .اخاف منه كلش . ضخامته وصوته ترهبني . وامه البارحه زيدتها عليه اخذتني تكلي صدك يضحك ويشاقه بس عصبي تحملي .واسمعي كلامه . اباوع لازم ايدي جف ايده جبير وسمين يمكن اذا يضربني راشدي يوكع مخي بحلكي  امه جتي .خلتلي حنه بايدي وخلت  ليره ذهب .ولفتهة اليه  هو اصبعه الصغير محني .اصدقائه   طلعو . التفكير  كتلني لايمي ام وتعلمني ولاخالتي خلوها يمي .حتى اليوم ماجت وباجر تطلع ويا الزفه  لان بلخطبه نجاة مسمعتهة حجي   بجيت ..محتاجتكم ماما .بيبي .فات ابويه ..كاعده ميوسه
مياسه..اي بابا كاعده مسحت دموعي
....تبجين ..حضني .ولااول مره احس عندي اب حضنته وبجيت .
....لاتتصورين سهلة عليه جبرتج  بس يابنتي احسنلج .اني اطلع وبالي يمج اخاف ياساعه هذا الناقص يكسرني  بيج
والولد .حباب .اجه وحاجاني . يابنتي الرجال مو شكل .الرجال سند وضهر وكلب وحضن .تلكين نفسج بيهن وكل ذني عد ازاد .  شوفي ياما بنات خذو شباب حلوين وتالي  شحصلو   ماريدج تفشليني وياهم 
مياسه ... ان شاء الله بابا .
....محتاجه شي
مياسه ...لا