Hindi Kita Gusto Kasi..... (One-shot)

Hindi Kita Gusto Kasi.....

"Haysst! Kailan mo kaya ako mamahalin or magustuhan man lang?" Tanong ko sa  tulog na si Cedric habang ini-t'trace ang perfect jawline niya.

Nandito ako ngayon sa secret tambayan ng "oh-so-famous-na-crush-ng-bayan" na si Cedric. Ultimate crush ko yan simula pa lang nung una kaming nagkita. And as usual, tulog na naman sya. Kaya ito ako, taking advantage of him. Ehem! Hindi yung rape ha! Yung ano lang.... rape na sa mata lang naman. ^_^

"Hmp! Buti pa si Kerby! Pogi na nga, hindi pa snobber. Ehh ikaw naman! Laging nakakunot ang noo kapag nakikita ako" medyo may pagtatampo kong saad. 'Oh? Bakit ka naman magtatampo? Sino ka ba para paglaanan niya ng oras' What the heck is that?

"Hmmmmm...." paktay! Nagising ata.

'Takbo na Ichelle! Takbo' sigaw ng utak ko pero yung katawan ko, uh-oh, nag-f'feeling. Kunwari, gusto daw ako ang unang makita ni Cedric sa pagmulat ng kanyang mata. Kikiligin na sana ako sa thoughts ko kundi ko lang naalala yung pang-unang word, kunwari. Huhuhu shaklap!

"What the fuck are you doing here?!" Napapitlag ako sa mura nya.  Ooh! Maka-wat da pak naman, wagas.

At ayun, nakita ko ang love of my life ko, looking at me with his brown eyes. Jusko! Panty ko. Tinititigan nya ako!

'Assumera!' Paki-alalahanan nyo nga na papatanggal ko 'tong nagsasalita sa utak ko ha!

"Hoy! Umalis ka nga dito!" Bakit ganun? Ang wafu pa rin niya kahit nakakunot ang noo.

"Hoy! Bingi ka ba?!"

"A-ah oo, a-alis na nga. Eto na oh! A-ayy hindi pala! Dito lang ako hanggang sa magustuhan mo ako!"

Sinamaan nya ako ng tingin bago tumayo sa pagkakahiga nya sa damuhan. At lumabas sa kanyang secret tambayan. Ayy? Nag-Walk-out? Tumayo ako at hinabol sya na currently ay tumatawid sa kalsada. Luh? Paano ako makakasunod? Hindi ako maalam tumawid. Yeah right! 19 years old na pero 'di pa rin maalam. Poor me!

"Hooooy! Cedriiiiiic!" Sigaw ko at the top of my lungs. Halos tumalsik na yung esophagus ko.

Thankfully, lumingon naman sya pero sinamaan lang ako ng tingin at pinagpatuloy ang paglalakad.

"Aba't! Gago 'to ahhh! Hooooy! CEDRIC! KAPAG HINDI KA PUMUNTA DITO, PAPASAGASA AKO!" Sakto kulay green na ang traffic light, meaning go na ang mga sasakyan.

Ang saya ko nang lumingon sya pero halos gumunaw ang mundo ko nang sumigaw din siya nang....

"Oh!? Pake ko?!" Halos maiyak na ako sa sagot niya.

Itinuntong ko ang paa ko sa kalsada.

"Beep! Beep!" Napa-atras ulit ng may motor na dumaan sa gilid. Hmp! Ini-try ko ulit. Lumampas na ako sa white lane, which means kalsada na talaga to para sa mga sasakyan. Tumingin ako kay Cedric na nakamasid lang pala sa akin. Tangina nya! Kapag lang nakatawid ako dito, sinusumpa ko na i-u'uncrush ko na sya! 'As if kaya mo' the fudge!

Nasa gitna na ako ng kalsada nang may humaharurot na sasakyan ang paparating. Tumingin ulit ako kay Cedric, at kita ko na ang pangamba sa mukha niya pero nang nakita nya na nakatingin ako sa kanya ay back to poker face ulit. Aba, sinusubok talaga ako ng gagong to!

Malapit na talaga yung kotse, pick-up truck pa. Pero hindi naman ako tanga na katulad ng iba na nasa ganitong sitwasyon na matutulala at ma-s'starstruck pa sa ilaw nung sasakyan. Bobo! Marami kaming lusis sa bahay kaya 'di ko kailangan na ma-amaze sa ilaw ng sasakyan. Syempre nag-ala-little red riding hood ako na patalon-talon pa papunta sa kabilang daanan.

Yeey! Marunong pala ako tumawid, okay.... back to business. Tiningnan ko si Cedric, aba ang loko mukhang namangha sa performance ko. Oo, tatawagin ko na syang ganun kasi i-u'uncrush ko na nga sya diba? Nakabuka pa ang bunganga nya. Parang malag!