هنيه ف مريكان

26

مجات عينها غير على سوبيرة لسخونة قلبتها عليه سلقت وجهو وصدرو وحتى حجرو.
جوني:واااااع واد افاك اشنو درتي.
هنية: (وقفت)باش تعلم تحط إديك علييا يا قليل الاداب بلاتي على مك بلاتي.
وزات كضربو بالمعالق و طباسل فوق راسو تجمعو ناس إفرقو و جات حتى سوزي معصبة من تصروف هنية 

مشات ليها نيشان دورتها بجهد و هزت إديها بغات تصليها معاها ساعة هنية كانت ليها واجداا تلقات لدها قبل متوصل حنكها و لواتها .
هنية: 
😈ولينا فتمرميق كع بلاتي:(جمعت جلايلها )نكفضو اه اه كولك معضمة نخاف غ نهرسك من شي قنت اه تعالي تعالي نبرد.
سوزي:
😨نونو نو بليز نو 
وجرتها الجيهت لبسين لحتها فيه ناس ملاهيا غير جوني لتسلق جابو تلج إبردوه.

جايا وكيمسح سروالو لطبع شوية كيشوف سربايا كيجرو هازين تلج ستغرب غير وصل بانتلو روينة قلب على هنية شافها يالله رمات سوزي فالبسين مشاليه
هارون:
😬اشنو درتي واش تصطيتي.
هنية: راهوما والله حتى هوما .
هارون:(جرها من إدها) اشنو غتكولي و لا تشرحي ديما المشاكيل فين مامشيتي و ديري عقلك ابنادم راك مرت هارون الادريسي.
هنية: انا انا....
هارون: منسمع حتى كلمة ....وجارها خارج اللوطو الكسوة تمرمدة و هنية سقلت ركبها بزعفة وركب كيسب و عرعر مرضاش .
هارون:(مكسيري )اش قربك ليهم ياك كتليك خليك بلاصتك ..
هنية:
😬ومالك كتغوت عليا غوت عليه هوا لقاصني فوجهي هوا لقرب ليا لمعندكش نفس على مرتك شغلك هداك انا عندي نفس على راسي ماشي بنت العربي لتقلل عليها الحياء و تسكت .
هارون يا هارون بمجرد مسمع كلامها فرانا بجهد مشاو ورجعو و دار ماشي غير دخان من الودنين بوركان و قليلة فحقو.
هارون:(شدها من زيفها حاكم شعرها) 
😬أشنو عاودي شنو كلتي .
هنية:(مقصحا و لكين العنين خارجين) ايه هوا لقلل عليا الحياء قصني هنا ....وراتو خدها .
نفضها من ادو ورجع كسيرا قالب ضورة المطعم غير وصل نزل طاير مخلي الباب وراه محلول تفكر شي حاجة و رجع .
هارون: تخرجي من هنا حسابي معاك بوحدو...ومشا داخل تور هايج.
هنية:(كتحك شعرها و تقاد زيفها) اححح شوية مطير راس والله حتى نزل نتبعو .
وهبطت المسخوطة تابعاه تشوف اش غدي إدير غير وصلات الداخل طوابل مقلوبين و ناس مجموعة وغوات مسموع هارون كان كتر من هايج شاد جوني ونازل عليه ضرابي و ركالي .
هنية:
😮والله حتى سلخو 
😍ياسعدي يافرحي بزماني سر بوه (كتشجعو ) زيد عطيه ليد ليد زيد المو 
شوياا حبست كتقلب براسها على موتو بانتليها يالله طلعها واحد سرباي ولوي عليها فوطة وشاد بيدها وقفت عليهم كي ملاك الموت مع قراب الابسين لحتهم بجوج.
هنية:
😈ودبا ابرد القلب يالله ....(.وبدات كتسوس فديها غير ضارت جمدت.)
😨انا انا
هارون:
😬ياك خليت......قبل ميكملها طاااارت من حداه
جالس على كرسيه الملكي بسروال سيرفيت نواغ و من الفوق عريان عضلاتو مفتولة وشم تنين الاحمر باين ..فديه شاد ماس حادين و بعنيه الغابرين كيحدد الهدف و صيفط .

كانت اديها و رجليها متبتين فقورص كبير من الخشب كيضور عيات من البكااا و سكتات سادا عنيها و كطلب الموس ميجي فيها براكة واحد جرحها فدراعها و تاني ففخضها مشرك سروالها لمن جلد .
البوص : 
😈صباط انا بغيت صباط اغذارك معندي مندير بيها.

صيااو جالساا على ركابيها وراسها الارض كطلبو ارحم ختها و عطيهم فرصة تانية .
صيااو : غير فرصة وحدا بوص غير فرصة وجيك صباط لقتلتيها دبا غنخسرو بزاف حيت هيا الوحيدة لعارفة وجهم .
بوص:ممم قربي.
صياااو قربت رجليها كيترعدو بشوفة منو مشات روحها تخرج.
بوص: هيا الوحيدة لعارفة وجهم غدي نطلقها اخير فرصة عندكم بغيت صباط اوكي.
صيااو:اوكي بوص
عطا الاشارة الرجالو اهبطوها مشات ختها تهزها و داويها المرا جايا مصيرهم بجوج غيكون محتوم و من نصيبهم ابشع موتا على يدين البوص الخبيت.
لكل همو صباط احضر .
~~~~~~~~~~~~~~
فشرجم بيتها واقفا و فبالها كيتعود فيلم صباح كيفاش قيس زعم و خطبها عمرو كال بغاها و لا عينو فيها ديما مدبزين متنكرش بلي لكانت قريباا ليه قلبها كيطير فرحة وباش تخبي مشاعيرها ديما كتشد معاه زكير.

خدات نفس عمييق طاردا بيه الفكار السلبية وبدا اشد فيها نعاس عيات اليوم ضحكو و قشبو داز الوقت كانت بغات تسنا هنية تجي و تعاود ليها ساعة باينا مطولين معليش .

بدات كتجبد وطلع اديها الفوق سادا عنيها و مستمعة بريح لكيضرب فوجها شوية كتجي شي حاجة قاسحة الجبينها مخربا لحطتها.
توبة:
😫اااي شهد المرض ...طلت التحت القاتو قيس واقف مخنزر وفيدو الحجار .
قيس:(قرب لشرجمها) 
😠دخلي الله إنعل حسك مخص مك غ تجباد و بوطك باين طالقها HD الكارد.
توبة: وديها فراسك و سير تنعس....عطاتو صبع و سدات جرشم مخلياه اتقلا فسمو.

بسم الي فيه نقز كي القرد و بدا إدق عليها شرجم من زهرها كان مسدود مزيان.
قيس:
😠حلي هذ زمر.
توبة: 
😈 لااااا ..وسدت ريدو مغطيا على خيالو ..تخشات فراشها ميتا عليه بضحك.

شاف حتى عياا و زاد بحالو حتى الغدا و شدها لمبان تاني باها.