زوجتي الريفية

البارت الخامس والسادس

/////البارت الخامس /////
#زوجتي_الريفية !!
#بقلم_الكاتبة_شمس ..

ماشاء الله احنا عائله .. نحب الضحك والمزح متفائلين..
سلموا عمامي عليه ..
واني عبالك حاكمين عليه بالاعدام ...
واجه الفلاح يحظن بيه ويگلي .. وليدي علاوي دير بالك ع فرحه ..
انطيتك كنز اني وراح تشوف الخير ع عينها ..

علي .. اي كلش خاف تجيبلي الفگر ( احجي بداخلي) عفته وطلعت .. عمامي هم سلموا وطلعنا ..
ردنا نصعد بالسيارات .. اشوف بنيه وي ابويه تمشي .. ولازمه علاگه مال ملابس ومنصيه راسهه ولابسه حجاب حتى ماشفت شكلها بس هي طويله ولابسه جبه ..

صعدها ابويه بالسياره . گالها يالله بنيتي اصعدي أكعدي يم زوجج ..
هي صعدت ماصدگت ..
علي .. يابه اشو جبتها ليش ؟؟
ابويه .. لك غير صارت زوجتك لعد نعوفها عند اهلها  .. وابوها گال صارت بنتكم اخذوها بعبايتها ..
علي .. قصدك بجبتها مو بعبايتها ..
ابويه .. لك صاير تحشش دصعد اصعد .. انت اصلا ماالك حق تحجي .. والبنيه ماطلبت شي اني گلت حيستغلونه .. بس طلعت ماتدور فلوس ..

علي .. هههه اي طبعا مايطلبون لان ضامنه نفسها ماخذه واحد مثلي بحلمها مشايفته .. ونسيت الغايب .. الفرحه تريد تحج بيت الله براسي هههه

ابويه .. تصعد لو اتركك هنا وامشي ..

اشو حتى ابوي صار ضدي وي فرحة ..
صعدت يمها بالسياره .. وحتى مااتباوعتلها .. الطريق كوله هي ساكته ولاتحركت عبالك صنم وتباوع للشباك عبالك مشايفه حاضنه الشبك حضن ..!!

ابويه اتصل بأمي . وخبرها انه اني عقدت وگللها ع كولشي وعرفت جبنا البنيه ويانه ..

وصلنا البيت اهلي .. عمامي راحوا لبيوتهم واحنه رجعنا وي عمي رافد لان ابويه اجه وياه بسيارته فهو رجعنا ..

دخلنا .. هي بقت واكفه .. گلتلها متدخلين گالت انت بالاول اتباوعتلها هي منصيه راسها .  هزيت ايدي وعفتها ودخلت .
تلگتني امي بالمطبخ ماخذه ع خاطرها لان ماحضرت عقدي ..
علي .. هههههه يمه شبيج اشو عايشه الدور هو كوله عقد كلاوات .. صدگتي اني اتزوج بهاي ..
امي .. لعد وينها البنيه مو گال ابوك اجت ويانا ..
علي .. ذيج واكفه بالشمس مثل الفزاعة ..تنتضر امر الدخول الخبله ..
امي .. لا يوم عيب .. خطيه البنيه ليش هيج تعاملها
علي .. لعد وين رسل ورفل شعجب .. ماردحن هنا ..
امي .. ههههه تعبانات اجن من الدوام ونامن ..
وعبالنه تتأخرون ..

شفت ابويه دخلها .. دخلت للبيت بعدني اريد اصعد اول درجه سمعت امي .. اللهم صل ع محمد وال محمد . سبحان الخالق والمصور هلو حبيبتي دخلي ماما ..

علي .. يووووه اشتغلت .. امي گامت تصلي ع محمد اخواتي الله اليستر شراح يسون اذا گعدن .. خلي اصعد انام احسن ..
دخلت سبحت ونمت لان حيل تعبان ..
بعدني بس غفيت .. اجه حيدر فتح الباب .. اتباوعتله بعين وحده .. گوتله حيدر مو وكتك اطلع .. لان اعرف يريد يضحك وينصب عليه ..
حيدر .. اجيت طفرت عليه وحضنته .. وگتله مبروك ضلعي فرحتلك وربي  ..
علي .. يله مشكور ماقصرت امشي اطلع اريد انام ..
حيدر .. ههههه ياله طالع .. بس انت شگد اثول .. اكو واحد عنده هيج مره صاكه وعايفها ونايم وحده..
ولو شفتها هيج خطف بس تخبل لك شگد محضوظ