شهوة جسد

تكمله البارت الثاني

..ولكيت شغل بشركه.. كل الموظفين بيهه حبابين كلش.. وبيوم اجه المدير مالت الشركه.. وصاح عليه وكالي...نسرين تعاي للمكتب رايدج ابشغله...بصراحه اني اخاف من لقاء المكاتب... كملت كل شغلي على اتم وجه.. دخلت للمكتب مالته.. وجهني ع كم شغله..وكملتهن اله... علاقتي بالمدير شويه شويه كامت تتطور.. كام يعزمني على الغدة ..وشويه شويه علاقتنه قوت..اخذ رقم تلفوني ونطاني رقم تلفونه .. وكمنه نتواصل .. كالي اريدج تصيرين حبيبتي...اني كتله اعتذر هذا الباب قفلته من زمان وما افكر بيه..كالي زين اكدر اجي اخطبج من اهلج... رسمي.. اني فرحت وماصدكت روحي..وكلت همزين الله عوضني خير...رحت لابويه وكتله ..اوافق بدون مايتردد او يتشرط...وفعلا ورة اسبوع اجه وخطبني..بس اني اشترطت عليه العرس يكون بعد ما اتخرج من الجامعه.. الحمد لله بعد صبري الله عوضني.. بهل شخص.. ايامي وياه جانت كلش حلوة وسعيدة.. فتحت كلبي اله بعد ما جنت قافلته..وخاتمته بالشمع الاحمر.. اتعلقت بيه وكمت ما اشوف دربي بدونه..حبيته من كل كلبي.. وكل يوم يزيد حبي اله اكثر واكثر..
جان الوحيد الامه... امه برة كاعدة بالكويت...وهوة يشتغل هنا ابغداد...وبين فترة وفترة يسافر يشوف امه ويرجع...
بيوم من الايام اني كاعدة وياه وطلب مني..امشي وياه لبيته حتى اطبخله.. اني كتله لا.. بالبدايه..بس بعدين كلت هوة خطيبي.. بعد منيش اخاف... رحت وياه لبيته وطبختله.. الوقت اتاخر بالليل كالي ابقي باتي يمي... كتله ماشي... بس انته تنام بغرفه واني انام بغرفه ثانيه... تعشينه.. وكملنه دخلت الحمام سبحت ولبست بجامه وفانيله من ملاته.. ولو كبار هواي بس يوفن بالغرض ..كفيت البجامه والفانيله ...وكعدنه تفرجنه ع التلفزيون وتونسنه ...عيوني قفلن واجاني سلطان النوم...كمت وكتله واني اثاوب بعد ما اكدر اسيطر على عيوني راح ادخل الغرفه حتى انام...دخلت الغرفه...لحكني.. والشيطان شاطر.. ضمني عليه.. وكام يبوس بيه.. ويحضن.. اني انتهيت وكمت اتفاعل وياه بكل حركاته وبدون وعي مني سلمته نفسي..وسوينه هواي اشياء موزينه.. ومن ضمنهه مارسنه العيب...ما حسيت على نفسي اله شفت الدم يسيل مني.. ما صدكت ..كلت هاي شنو ياربي..كمت اصرخ واعيط احمد خطيبي كالي اسكتي لا صيحين.. جان يحضني حيل واني ابجي.. كالي لاتخافين انتي خطيبتي.. واني زوجج.. شنو اللي يبجيج بعد...
كلتلهه لا..لا...لا..بس هذا اللي سويناه..غلط..مسح دموعي بايدة..وبعد كم ساعه.. هديت شويه..وجاب حبايه مسكن.. وبلعتهه..النوم اخذني وغفيت ..ونسيت وجعي ونسيت عذريتي ونسيت الدنيا كلهه..كعدت الصبح واني مصخنه..وجسمي مكسر وما اكدر اتحرك..باوعت عليه..وكتله احمد ما اريد اشوف وجهك نهائيا... انت السبب بكل اللي صار..اجه ولزم ايدي وكالي انتي مخبله.. انتي مرتي وبالحلال.. افتهمي...كتله يعني.. مراح تعوفني.. كالي ياخبله..اكو واحد يعوف روحه..اني اسف اعرف اللي سويناه غلط جبير ومايرضي ربنا.. بس انتي كلش حلوة ...اني ابتسمت..وخجلت ودنكت راسي.. كالي راح اروح للشغل..وبعدين ارجعلج.. طلع وخلاني وحدي ..كمت ابجي واعاتب بروحي على اللي سويته بحالي.. وكلت مستحيل احمد يزوجني.. بعد كل اللي صار.. وقررت من يرجع افسخ الخطوبه.. احسن ميعوفني ويذلني.. ويكسر كلبي....بالليل اجه ..احمد ..كام يسمعني كلام رومانسي وصار بقمه الرقه..وجايبلي وياه حلويات وهدايا.. بس اني جنت معبسه وكالبه خلقتي.. كلتله ..باوع احمد اللي بيناتنه انتهى.. اني اريدك تفسخ الخطوبه..ما اكدر اصير الك بعد اللي صار..ردلي بكل برود وكالي.. انتي مالتي نسرين..ما اعوفج للموت.. عوفي هل حجي وكومي اغسلي ايدج ووجهج.. حتى ناكل لكمه.. كلتلهه ما اريد ما الي نفس اكل.. كام جاب الاكل وكعد بصفي وكام يوكلني بايدة.. وراهه شالني ونومني ع السرير وغطاني ..كالي نامي ارتاحي والصباح رباح...هوة راح نام برة الغرفه ع القنفه...كعدت الصبح.. وجان نطلع سوة.. رحنه للشركه.. كل دقيقه يتصل بيه.. اني قررت ما ارد عليه ابد..