Oops! This image does not follow our content guidelines. To continue publishing, please remove it or upload a different image.
اهلًا اهلًا
حبيبي هدي هدي شويه انتِ توك تحضيري واتوقع هذا اول ترم لك صح؟ جو جديد عليك ومواد بتدرسينها غير يوم كنتِ في الثانوي
حبيبي ماراح اقول عادي انقصي والعبي في درجاتك بس انو لازم تحلين مشكله في طريقه مذاكرتك كيف نسيتي كل القوانين؟ لخصي صح وراجعي بروقان وذاكري بهدوء وبدون توتر اشربي شي يخفف من روعتك قبل الاختبار وفي طريقك للجامعه تنفسي بعمق خمس دقايق عشان مخك يصير مستعد ، ذاكري قبل زين واستعدي صح يمكن فيه خلل في طريقتك للمذاكره فبعد ماتخلصي مذاكره نامي شوي وبعدين قومي راجعي وخلي احد يكتب لك لو سؤال واحد عشان تتاكدين من حفظك للقوانين .
كلنا نتوتر وقت الاختبار بس تحكمي في نفسك واستوعبي انو التوتر شي سلبي فكري في حل الاسئله وابدأي بالأكثر توزيع في الدرجات راجعي زين واقرأي زين الاسئله اذا حسيتي عقلك قاعد يضيعك تنفسي بعمق لو دقيقه عشان ترجعين لوعيك
شوفي حبيبي اذا بس ناقصه ١٢ درجه فيه وودك تكملين وتعب السنه مايروح اضغطي على نفسك في الفاينال والميد الثاني وحاولي ماتنقصي كثير . درجتك فيه بتصير ب + ولك لين ٢٠ درجه ويصير ب المواد الي وقتها طويل اضغطي نفسك وحاولي ماتنقصين فيهم كثير
اذا التخصص الي تبغينه ماتقدرين تدخلينه عشان معدلك بيصير اقل من درجه قبوله استخيري وفكري زين هل اوقف ولا لا وابدأ من جديد ؟ شوفي متى تقدرين تحذفين الترم وجربي اختبري الميد الثاني وشوفي كيف الوضع .
اذكر قد نقصت ١١ درجه في ميد ماده وقلت خلاص ماراح اعديها لان اساسًا هو ميد واحد وكذا انخسفت وغير المشاركه الي هي ماتعلمنا درجتها فيه قلت انو الفاينال بنقص فيه دبل الدبل بعد ويمكن ما اعديها واحملها والاستاذه مره كلبه ونذله مستقعده لي كل ترم تلعب في درجاتي :( بس الحمدلله عديتها بمعدل حلو جيد جدًا فيها واللحين تخرجت بمرتبة شرف أولى ومعدلي عالي وحسبي الله عليها الي خلتني اتعذب وقت الدراسه
مقدر اقرر عنك انا ولا اقول لك سوي هذا ولا هذا لانك الشخص الي يبختار في النهايه ادري عشانها سنه تحضيريه لازم الواحد يضغط نفسه عشان يطلع بمعدل حلو في النهايه استخيري وشوفي وش الي يريحك
والله يريحك يارب ويسهل عليك ويوفقك وكل مسلم لا يضيق صدرك حبيبي والصياح ماراح يرجع شي وماخيبتي ظن أحد هذا مكتوب بيصير ولا احد بيقدر يوقفه ولنرضى فيه ونتعلم منه ونعتبره خيره اختارها الله لنا
