القرية الملعونه

القصه كامله

تبدا حكايتي من فترة مش فاكر هي قد انا فاكر بس البدايه وباقي احداث الي حصل معايا  انا مين انا احمد طالب فكلية اداب جامعة المنصوره طالب في سنه ٣ كنت فيوم نايم لقيت تليفوني بيرن بصيت فالتليفون لقيتني متاخر عل سامح ، سامح مين سامح ده صحبي معايا فالكليه واحنا مع بعض من ايام ثانوي المهم رديت عليه
سامح: ايوه يبني انت فين انا واقف تحت البيت اهو
انا : بلبس الشراب ونازلك
سامح :بتلبس الشراب طيب انا قاعد عل قهوه الي هنا وقدامك ربع ساعه عشان انت مقومتش من عل سرير
انا : حاضر يسطا مش هتاخر عن ربع ساعه 😂😂
قومت بقا انا خدت شاور ولبست ونزلته
انا:اهلااااا معلش عل تاخير يسطي وبعدين انت مش قولت ربعايه وهتسيبني اي الي مقعدك 😂😂😂
سامح : تصدق اني غلطان اني عبرتك وبعدين انا مش مستنيك انا كنت مستني اخلص حجر شيشه ده
انا : طب يلا بقا عشان هتاخرني
سامح : يلا قبل ما اقوم ازعلك
روحنا وصلنا الجامعه وقبيلنا ادهم و مالك مين ادهم ومالك اتنين صحبنا هما مع بعض من ايام الثانوي واحنا اتعرفنا عل بعض اول يوم فالجامعه فسنه اولي والمهم وقفنا شوية مع بعض لقينا ادهم بيقولنا اي رأيكوا تيجوا نعمل مغامره جديده تعالوا نروح قريه هنا فالصحراء عل طريق الواحات القريه دي قريت عليها من عل نت كلام عجب ونشوف اي الي بيحصل هناك 
انا : هيكون اي الي بيحصل هناك يعني
ادهم : عفاريييت ، جن ، اشبااااااح
سامح : انت عبيط يبني واقع عل دماغك واحنا كدا المفروض نخاف بقا
مالك : الصراحه اه المفروض تخافوا طلاما جن يبقا المفروض نخاف . (للعلم بس مالك بيخاف من خياله اصلا بس رغم كدا بيحب المغامره هو بيحب يخاف)
انا : يامي يامي يامي لا خوفت انت وهو خلاص اشطا يا ادهم هنيجي انا وسامح
سامح : اشطا تمام
ادهم : خلاص نخلص اليوم وتيجبوا هدومكوا وتيجوا عل عندي قولناله اشطا خلصنا اليوم ورحنا انا وسامح جبنا هدومنا وللمعلومات انا وسامح ساكنين فنفس الشارع جبنا هدومنا واتصلنا ب ادهم قالنا هنتقابل عل بداية الطريق ونروح مع بعض للعلم قريتهم تعتبر في واحة فالصحرا المهم اتقبلنا وطلعنا عل قريه قبل ما نوصلنا القريه حسينا ان في حاجه حاجه تخليك مقبوض يمكن عشان المكان فحته مقطوعه او ان الطريق ليها مفيهوش ولا عمود نور  ولا تقريبا شوفلنا ولا عربيه ماشيه من جمبنا
انا : ولا يا ادهم انت متنيل عارف الطريق ولا انت تايه ولا اي نظامك
ادهم : ايوه ياعم  خلاص اصلاوصلنا خلاص وصلنا
سامح : يبني هو انت بتحب اشتمك وصلنا فين احنا فوسط الصحراه ووحيات اهلك شكلك تايه وهتودينا فداهيه
ادهم : لا خلاص اهي شايف النور الي هناك ده هي دي ا سامح : طيب تمام
وصلنا القريه القريه فيها ناس وشكلهم عادين يعني بني ادمين
انا ببص لادهم : ها يسطي في العفريت والاشباح مش شايفهم يعني
سامح : انتو مشكلتكوا العفريت يعني طيب هنشوف حوار العفريت ده بعد ما نتنيل نعرف هنبات فين ولا ناوي ياعم ادهم تبيتنا فالشارع
مالك : لاااا شارع اي ياجدعان انا جي عل مغامره مش مرمطه انا ابن ناس
انا : اه ابن ناس يلا يا اترمي ورا وخليك فالصمت زي ما انت ساكت من اول الطريق
ادهم : ملكوش دعوه بالواد قدكوا ده 😂😂😂😂لا يا حبيبي متخافش مش هبيتك فالشارع الي عرفته ان في استراحه هنا بتاعت واحد اسمه عم سيد هنسال اي حد عليها وقفنا بالعربيه وسالنا واحد فين استراحة عم سيد  لقيناه بصلنا بقرف كدا وقال عندكوا فاخر الشارع ده شمال وبيقول بصوت واطي ادي اخرة الفضول قاله ادهم تشكر اعم الحج وسيبناه ومشينا وبالفعل وصلنا استراحة عم سيد
وبعد ما وصلنا الاستراحه دخلنا هوصفلكوا ريسيبشن الاستراحه الريسيبشن كان واسع حاجه زي صاله هي اصلا شكلها من بره شبه الدوار الي كان بيبقا بتاع عمدة القريه مكونه من ٣ ادوار الدور الاول في الريسيبشن والدور التاني فيه اوض والدور التالت اوض بردو الريسيبشن كان فيه تراب التراب واضح وكان في حد بينضف هنا المهم هوصفلكوا الحد الي كان بينضف ده هو قصير حبتين يعني يجيلوا ١٤٥ سنتي مثلا ضهره محني شوية زي ما يكون عنده اتب واضح من شكله انو شباب قاله سامح السلام عليكم بصله الراجل ومردش هو مش المشكله فانو مردش المشكله فان كان عنده عين بيضاء تماما والعين التانيه عاديه فضلنا واقفين شويه بصين للراجل ده وفجأه سمعنا صوت من ورانا تؤمروا باي خدمه يا بشوات كلنا اتخضينا لئن الصوت كان غليظ بس الي خضنا ده كان كفيل ان مالك صوت قام الراجل اعتذر بكل احترام وقال انا عم سيد صاحب الاستراحه الي انتو فيها ووالله مكنش قصدي نهائي اني اخضكوا رد عليه ادهم ولا يهمك اعم سيد احنا بس كنا سمعنا.....قطعوا عم سيد وقاله سمعتوا عل قريه من عل نت وكنتوا جاين تشوفوا اي الي بيحصل بس صدقوني الفضول مش حلو قال مالك وهو بيتهته واوا وا والله قلتلهم ملناش دعوه مسممممعوش الكلام قاله عم سيد وانت جيت معاهم وانا حذرتكوا وانتو مش هتسمعوا التحذير خلاص رد ادهم ما خلاص بقا يا عم سيد احنا عايزين اوضتين احمد وسامح فاوضه وانا وانا ومالك فاوضه قولنا تمام واشطا وخدما مفاتيح الاوض من عم سيد وطلع معانا عشان يعرفنا الاوض بالظبت دخلنا اوضتنا انا وسامح وطلعت عل سريري ونمت زي ما انا بهدومي وحلمت حلم غريب الحلم كان كالآتي عباره عن اانا احنا الاربعه واقفين عند بحيرة وكنا واقفين بننهج زي ما يكون كونا بنجري وبعدين لقينا حاجه بتعوم زي ما تقول تمساح او حرباية المهم الغريب انها مكنتش بتعوم نحيتنا هي كانت بتعوم عكس اتجهنا بمعني انها بتعوم للناحية التانيه الاغرب من كدا سمعت صوت همس ورانا بنتلفت ورانا نشوف مصدر الصوت ورجيعنا نبص تاني لقينا الراجل الي كان بينضف هو الي خارج من المايه او يدوب خارج من المايه وبصلنا بس المره دي لما بصلنا لقينه عل حواجبه علمات تشبه حرف الاكس باللغة الانجليزيه والمره دي عينيه الاتنين واحده كانت بيضاء تمام والتانيه سوداء كامله بصيلنا وابنسم وهز راسه زي ما يكون بيقولنا ايوه هو انا الي هكون كابوسكوا الاسود فالقرية دي ومشي وسابنا.
  صوت الاشجار كان مرعب من حولينا وبداء مالك يرتعش خوفا وسامح بيجاول يهديه  وانا حسس بخوف سامح نفسه وانه مجرد بيتظاهر بالتماسك المهم قلتلهم يلا طيب نتمشي شوية حولين البحية يمكن نلاقي طريقة لتعديتها وفعلا اتمشينا فالمكان حبه لحد ما لقيت ادهم وقف فجاة بيقول سامعين الي انا سامعه فرديت قلتله ايوه انا سامع صوت خنافس بس عالي قوي وفجأه لقين مجموعات ضخمه من الحشرات الي شبه الخنافس بتهجم علينا لي بقول شبه الخنافس لئن هي شبها شكلنا لكن فالحجم ضعفها عشارات المرات وفي اللحظه دي بدأنا جري النحية المعاكسه للخنافس الضخمه دي وفضلنا نجري نجري نجري لحد ما مالك وقع مننا فالارض جينا نقرب عشان نقومه كانت الخنافس نزلت وبدئت تاكل فيه واحنا سامعين صوته وهو عمال يصرخ ومش عارفين نعمل حاجه ووقع ادهم عل الارض بيعيط ويقول انا السبب وبعدين سمعنا صوت رفرفة طيور الصوت كان جاي من فوقينا بصينا لقيناه سرب غربان وبدأ ياكل فالحشرات نفسها وبدأنا نشوف ملامح جسم مالك بعد ما بقيت مشهوهه وهو كان شبه متاكل وقولنا الحمدلله الغربان دي جتلنا نجده من ربنا برغم من لونا الاسود ولكن بسرعه بدئت اعداد الخنافس تزيد وبئت تلتهم فالغربان كمان وبعدين هجمت علينا فالحظة دي انا قومت مفزوع من النوم ببص فالموبيل ملقتش شبكة وبصيت لقيت الساعه ١:٥٩ بعد منتصف الليل وتمت ٢:٠٠ وانا لسا باصص فالموبيل لقيت ان مفيش شبكة قلت يا حلاوه مفيش شبكه فالمكان يعني مقطوعين عن العالم الخارجي سامح مرمي عل سرير زي ما هو شبه قتلي الحرب 😂😂😂المهم بدأت افتكر حبه حبه الي حصل معايا والي حلمت بيه بس قطع تفكيريالصوت الس سمعته فالحلم صوت ورق الشجر الصوت كان جاي من ناحية الشباك قومت بصيت من الشبكه سمعت الصوت بس المشكله مش شايف اي شجر للصوت ده يمكن كانت رساله عشان اخرج للشباك واشوف الي شوفته طبعا كلو بيسأل شوفت اي انا هوصفلكوا الي شوفته بالتفصيل انا شايف قدام الفندق ولا بتاعه الاستراحه الي احنا فيها دي منطقة واسعه وفاضية وبعديها البحيره او البركه الي كنا واقفين عندها فالحلم ركزت شوية لقيت حاجه بتخرج من المايه الحاجه دي كانت نفس الشخص ولا العفريت الي كان بينظف بس لا لا هو شكله شخص يعني مش عفاريت بس وهو طالع من المايه مش طالع عل رجليه زي البني ادمين لكن طالع علي ايديه ورجليه مش عارف متخيلين بس هو اقرب وصف للطلوعه انه زي ما بيكون سلحفه خارجه من المايه بس الحجم اقبر شويتين تلاته ولما خرج بدأ يقف ويعدل هو المفروض خارج مدي ضهره للفندق بعد ما يقف بدأ يبص نحية الاستراحه ومره واحده وعل عكس حركاته البطيئه عموما حرك راسه ورقبته بسرعه مهوله وفجأه بقيت عيني فعينه انا اتخضيت من السرعه لا مش من شكل عنيه او اللونين المختلفين لكل عين لكن الي فجئتني هي السرعه وده خلاني اتحركت حركه لا ارادية واستخبيت ورا الحيطه الي فيها الشباك زي ما اكون بقول يارب يكون مشافنيش ويكون كانت بصه عاديه مش مركز فيها ومش قصده يشوفني وبعدين ببص بطرف عيني كدا عل مكان الي كان واقف فيه لقيته لسا باصص نحيتي واول ما بصيتله قام مبتسم جه فبالي احساس انو عايز يعرفني ان ايوه انا عارف انك شايفني غمضت وفتحت عنيه لقيت اختفي رجعت قعدت عل سرير وبدأت افكر هل الي انا شوفته ده حقيقي ولا من الحلم ومجرد تخيل هديت وقولت هدخل الحمام اغسل وشي وافوق وكدا فتحت الباب ونورت النور النور فالاول بدأ يرقص او الي هو بدأ ينور ويطفي بس النور سِبت وبعدين دخلت الحمام المهم انا قفلت الباب وريحت نفسي عشان ميحصلش الي بيحصل والباب بيترزع وكدا وبعدين وانا جواه سمعت صوت الشجر المخيف ولما ركزت الصوت جاي من فين لقيته جاي من شباك الحمام ولما بصيت من الشباك بتاع الحمام لقيت نفس المنظر الي كنت شوفته من شباك الاوضه وبردو مفيش شجر بس ازاي نفس المنظر واصلا شباك الحمام والاوضه مش فنفس الاتجاه نهائي يمكن يكون النحيتين شبه بعض للدرجه دي وحصل نفس الي المره الي فاتت لما خرجت وبصيت من شباك الاوضه ساعتها صوت الشجر المخيف وقف لما بصيت بردو هنا لما بصيت شباك الحمام المهم مخدتش فبالي قوي وقلت انا هغسل وشي واخرج لما فتحت المايه فالاول المايه كانت بارده بشكل رهيب وحبه فحبه بدئت تبقي احسن غسلت ووشي وانا مغمض عنيا سمعت صوت الشجر تاني انا حاولت افتح عيني وهي عليها الصابون لقيت الكهربه قطعه والمكان ضلمه كحل انا ساعتها غمضت عيني تاني وبدأت اغسل وشي وصوت الشجر عمال يعلي بشكل كبير جدا وفجأه لقيت المايه بدئت درجتها ترتفع بشكل رهيب لدرجة اني بعد ما خلصت لقيت في بخار بيطلع منها المهم افتكرت انا ازاي شايف البخار بعد ما النور طفي والصوت الشجر ده المره دي مش جي من الشباك الصوت جاي من مراية الحوض بدأت ارفع راسي بوراحه عشان متوقع اني هشوف نفس المنظر بتاع الشباك لكن مشوفتش كدا انا شوفت الراجل الغريب فوشي وعنيه فعنيا بمنظرها البشع وسنانه الي بشكل غريب والي اول مره اشوفها من قريب مع شفته الي مشقوقه من النص وبعدين لقيته بيبتسم وبيبص ورايا انا خوفت ابص ورايا وبعدها بدأت صورته تختفي وبدأر اظهر انا بس مش لوحدي لقيته واقف وفجأه النور الي كان طالع من المرايه اختفي وبقا الحمام ضلمه وانا حاسس بنفس فضهري وخايف ااتلفت وفجأه ايد متلجه اتحطيت عل كتفي فانا خبط الايد ولفيت بسرع سمعت صرخه ترعب القلوب كفيلة انها تخلع قلبك من مكانه وفالحظه دي انا وقعت انا من طولي لقيت نفسي فمكان تاني  المكان التاني ده عباره عن حاجه شبه القريه الي  احنا فيها دي بس القريه واضح ان كان لسا فيها حياه يعني تحس ان البيوت لسا جديده مش بالشكل الي شوفناه  الناس تحس ان شكلهم بشوش وفي ابتسامه واضحه عل وشوشهم بس من الواضح ان محدش شايفني او  حاسين بيا واضح ان في حاجه  حشوفها او هفهمها عن القريه  الغريبه الي احنا فيها دي ياما انا شايف ماضي  القريه دي ياما شايف مستقبلها  حاجه زي كدا لسا هعرف اكيد مع الوقت  هعرف وهفهم الي بيجري فضلت بتمشي فالقريه  لحد ما سمعت فبيت من البيوت  او مش فبيت بالتحديد هو حاجه زي حوش لبيت من البيوت دخلت ولقيت في اتنين سيدات  قعدين بيتكلموا كانت واحده فيهم بتحكي للتانيه وبتقولها قبل ما اقولكم كانت بتقولها اي هما كانوا تقريبا فالتلاتينات او في اواخر العشرينات والواضح انهم كانو اصحاب بدأت تكلمها وتقولها انتي سمعتي عن الشيخ الي جيه للقرية  قلتلها اه سمعت ده بيقوله عنه مبروك ومفيش حد بيروحله محتاج حاجه الا لما بينفذها له يعني فاكراه جمايل بنت الحج اشرف الجزار فردت قلتلها مش دي الي مكنتش بتخلف قلتلها ايوه هي تعرفي انها راحت للشيخ وحاليا بقت حامل ردت عليها وقالت بركاتك يا سيدنا الراجل ده شكله مبروك بجد طب تفتكري حنان بنت عم جمال قلتلها ايوه فاكرها مش دي الي كان مفيش حد بيتقدملها والي فكر يتقدملها مات  بشكل غريب اوعي تقولي ان في حد اتقدملها وهيتجوزوا قلتلها بالظبت ده الي حصل هي راحت للشيخ من هنا مفيش تاني يوم جالها عريس وكان فرحهم الاسبوع الي فات انا واقف وبقول فنفسي ها وبعدين هقعد اتفرج عل الهبل ده كتير وبعدين شيخ اي وبتاع اي ده دجال وكل الي حصل مجرد قدر من عند ربنا وصدفت انها جت فنفس الوقت خرجت وسيبت حوش المنزل ده ورجعت اتمشي تاني ف شواع القريه لحد لما سمعت من ٢ رجاله كبار فالسن ممكن خمسينات بيتكلموا عن  الست الي طلبها الجن من الشيخ والشيخ كانوا بيقولوا عليه مرزوق المهم الاتنين الرجاله دول فيهم واحد اسمه فضل والتاني اسمه ابراهيم وده عرفته من سلماتهم  عل بعض ودار بينهم الحوار الاتي
فضل: شوفت الي حصل مع مرات الاستاذ عادل
ابراهيم : سمعت عن الي حصل بس معرفتش بالظبت ومفهمتش حاجه ياريت تعرفني القصه كامله يا حج فضل
فضل: انا هحكيلك يا سيدي بس صلي عل نبي واستعيذ بالله من الشياطين عشان دول بيجوا عل سيره
انا واقف وبقول هيهأ بيجوا عل سيره هنبتدي نهزر
ابرهيم :عليه افضل صلاه واطيب السلام و اعوذ بالله من همزات الشياطين وعوذ بك ربي ان يحضرون
فضل :الحكايه بتبدأ فبيت الاستاذ عادل الاستاذ عدل عايش هو ومراته سناء وابنه علي وبنته اسماء عايشين زي اي اسره عاديه فبيتهم وفحالهم لحد ما جيه الشيخ مرزوق ده للقريه فنفس الفتره دي اسماء الي عمرها ٤ سنين كانت تقعد تحكي لولدتها عن انسان لونه اسود بيبقا موجود عل حيطه لما بتغير بعني لما اسماء بتلاقي ولدتها بتغير بتلاقي كائن اسود فالاوضه مع ولدتها طبعا سناء مخدتش بكلام البنت عيله صغير وبتقول اي كلام فقلتلها متقليش يا حبيبتي ده الظل بتاعي فاسماء بكل براءه يعني اي ظل يا ماما قلتله الظل هو شيء اسود بيبقا ورا الانسان ومفيش حاجه تخوف دي حاجه طبيعيه فاليوم ده سناء وديت بنتها لاوضيتها وقفل وطلعت اوضيتها هي فتاني يوم الصبح  اسماءسالت مامتها ماما هو الظل بيحبك اوي كدا لي فردت عليها سناء يعني اي بيحبيني قلتلها بعد ما انتي مشيتي ظهرلي وانا شوفته وقالي انا بحب سناء وعايزها معايا بس انتي بتحبيها قلتله ايوه جدا سناء دي مامتي قالي خلاص يبقا هتقوليللها الي هقولك عليه قولتله  حاضر رديت عليها سناء وقالك اي يا حبيبتي  ردت اسماء قلتي قالي احكي لسناء الي حصل وهي مش هتصدقك بردو وقوليلها انا لو عايزه تشوفني كل الي عليها تقري الكلام الي فالورقه دي  وهي لوحدها