#الشيخ _وبنت بغداد

♥بارت الثالث♥

(#الشيخ_ وبنت بغداد)

♠[البارت الثالث]♠

صارت الفاتحة وكلهة انگلبت علينة ناس بحياتي مشايفتهم اهل ابوية كلهم جوي جديتي وجدي وعمامي   ال6  وولد عمامي وعماتي واهل امي
فوتو التابوت للبيت الزلم علمود جديتي تودعه قبل لايدفنوا
فتت للخطار بنص الناس والزلم وهدومي مشككة وشعري جان طويل كلش مفلول ونازل عى وجهي
نزلت يم التابوت حضنتة وابجي واصيح واعيط
ارجووان...بابا گووم عفية واني انام ابمكانك بابا كووم
لا تعوفني اتيتم والله صغيرة بعدني ماشفت شي من

الدنيا وعدتني اتفرني العالم كلة وجنت تريد تقدملي
على الكلية ردت اتزوجني بأيدك گووم لاتعوفني كوووم

اكعد حبيبي بابا منو بعد يحضني من اخاف ويحميني ومنو بعد يلزمني من ايدي من اعبر الشارع
منو راح ايكون سندي من بعدك مالي غيرك كوووم فدوووة لاتخليني ياربي لاتاخذة مني مالي غيرة بابا الدنيا صعبة وراح تضلمني وين انطي وجهي وانت ماكو صرت لاسند ولا اب جنت كلشي حتى صديق بالنسبة الي 
جان حاس راح يموت وصاني على نفسي وطلع ليش ماحضنتك حيل وماخليتك تطلع ليش ماكتلك ضل وياي ماريد اخسرك اوووووف ياربي صبرني 1
جرني النسوان الف دفرة دفرتهن وارجع احضن التابوت واصيح عووفوا لاتشيلو ابوية هنا مكانة مو جوة الگاع
ماحسيت غير الزلم شالو التابوت عمامي وولد عمامي
طلعوا من البيت يشيعوا
طلعت اركض وراهم مثل الخبلة ووكعت بنص الشارع وماكدرت اكوم بعد شعري فوك وجهي وعيوني كوة افتحهن من البجي يوجعني
ارجوان...وين ماخذين بابا رجعوا لاتدفنوا الله يخليكم رجعوا اريدة ابوية هذا مااكدر اعيش بدوونة امووت وراه اني مااتحمل الغيبة جان ينزل خفارة اسبوع امووت الف موتة النوب يروح مني للابد

ماحسيت غير ولد طويل وضخم لابس دشداشة سودة جرني من ايدي فوتني جوة ماانتبهت ع شكلة بس من جرني اني اغمى علية وفقدت
كضيت ايام الفاتحة بغرفة بابا حاضنة هدومة وصورة وابجي بس ادموعي ينزلن بس اني روحي احسها بغير عالم راحت وياه
مصدومة والي يحجي وياي ماجاوبة بالاصل ماركز شنو يحجون
ضليت على هاي الحالة شهر بلكوة الكمة اتفوت بحلگي
جنت كاعدة بغرفة امي وابوية كالعادة اشتم بعطر بابا ونايمة ع مخدتة فاتت امي
ام جوان..بنتي كافي حرام الي كاعد اتسوي بروحج
ماجاوبتها
ام جوان..بنتي بس جاوبيني اريداحجي وياج بموضوع
جوان..كولي اسمعج
ام جوان..اهل ابوج يريدون انروح انعيش يمهم من خلصت الفاتحة كلولي محمد اتوفة والبنية ضلت وحدها لاسند ولاولي امر ناخذها ويانة ورفضت كتلهم لا بنتي جبيرة ماتحتاج ولي امر كالولي تجين وياها بصراحة ماردت اطلع من البيت واعوفه فارغ بس اهلي هم رفضوا اكعد اني وياج وحدنة بالبيت واهل ابوج يريدوج يمهم واهلي كالو تعالي وحدج بنت شابة ومسؤلية اهل ابوها ياخذوها احسن
جوان..طلعة من البيت مااطلع لو يلطخون راسهم بألف حايط هيج سهلة عندج تتخلين عني من ورة اهلج الزبالة اخسر امي هم ورة ماخسرت ابوية
ام ارجوان..بنتي اني علية العدة وانتي ماتكدرين تطلعين وحدج من البيت اخاف عليج منو يتسوك منو يصرف ع بيت ماترهم حبيبتي
جواان ..طلعه مااطلع من البيت روحي وحدج لأهلج هذا بيتي مااطلع منة لو اموت
ضلينة بالبيت مدة شهرين اهل امي يجون واهل ابوية يريدون نطلع رافضة اني
لحد ما خلص المصرف والفلوس الي مخليهن النة ابوية كامت امي تريد اتبيع ذهبها الى متى انضل هيج وافقت نطلع من البيت لاچارة بس مؤقت كلت ابين ماتخلص عدتها لأمي وترجع تشتغل بالبنگ

اجة عمي ياخذني وياه اول مرة اشوفة يشبه بابا حيل من شفتة بجيت وحضنتة من ريحة الغالي

حضرت جنطي وغراضي واخذت من هدوم بابا وصورة
صعدت بالسيارة ودعت امي بدون كلام بس گلبي يوجعني عليها شلون اعوفها
عائلتنة كلها اتطشرت اتفرقنا الناس ضربتنة بعين على السعادة الجنة بيها اول شي اخوية وبعدين بابا وهسة اني بديرة وامي بديرة

💫💫💫💫💫💫💫💫

البارت الرابع حيكون احلا وبيه حتبدي القصه (inlove)اريد لايكاتكم حته انزل البارت

قراءه متتعه ♥
.