رجل_تحت_الحظر
#الحلقة_الواحدة_وستون
#للكاتبة_ريم_محمد
#لايك_كومنت
عماذ:: تي حرام عَلِيك حاولي. تحنني. قلبي. مش هكي. عاد. بسبب. حقدك. عليهم شوفي عقاب. ربي. مرزقناش عيال. عشان نيتك
نجاح:: نيتي انت علرفها. كيف كانت وهما اللي يكرهوني وسبب. حرمانك. من العيال علاء اللي اليوم. مراته جابت يوسف متجيش تحط اللوم علّيا
~<~<<
محمد:: شن في احكيلي كنها رنده
ساره: اسمعني. واعذرني في الكلام اللي بتسمعه. بس مضطره نحكي
حسام يوم. الزفه بعد ما دخل علي رنده. اتهمها. انها مش بنت. وعيشها في كذبه. كبيره انك انت معتدي عليها. وحاط منوم وركبها توتر نفسي. شالها لدكاتره واكدو انها مدام. كرها . فيك وحاول يسيطر. عليها. كانت تخاف تجيب سيرتك غشان حسام المسكين. اللي ستر عليها ميزعلش. كان موهمها. انه هوا بس المنقذ لها من عيشتها حوشكم وانها كانت خدامه حسسسها. في الاول. بالامان والدلع وان بسسس الراحه عنده لين تورطت وحملت وبدت زي اي مرا. يجنها ظروف الحمل والوحم وطبعا
لين. بدا يبان عليها حاجات. شينه. يخون. فيها وصايع وسخ
وكل الحاجات. الشينه يدير. فيهن
امس قالتلي. مرت خوه فيروز. ان رنده. اكتشفت. انها ظهرت علي الفيلو وانه هوا داسه بالعاني ولما حاولت. تحكي. معاه حاول يمد يده. كالعاده لان ديما يضرب ويهدد فيها انها تقعد خدامه. في حوشكم. وانك. لما جيت بتجوز. فضلت بنت خالتك عليها. ولو فكرت تطلب الطلاق ياخد العيل عشان يبيش يتربي عندكم.
محمد:: الحيوان. المرا. هكي يدير. تي عليش كل هل الكره ليا. هذا مجنون. مش طبيعي.
ساره:: يكرهك. لان عارف رنده تحبك ومتعلقه بيك وايام. الخطبه. كل شي احميده وحمادي. وعارف اللي حساته في فرحك
وحتي قالت فيروز. انها تسمع. في رنده قبل تعزق روحها تعيط وتقول. اها نحب محمد ونادمه اني محاولتش. نكسب قلبه وهوا زاد عصب منها ومد يده عشان هكي. رمت روحها
محمد:: انتي كم مره. تعاودي في الكلام هذا رنده وحب شنو ياساره. تي كنك رنده. اختي ياناس.
ساره: رنده تحبك يامحمد ونعاود نقولها لك. حباتك اكثر. مني. حباتك. عن قرب. من العشره والغربه. وتصكير حوش عليكم. .
مش زي علاقتنا. اثنين انعجبو ببعضهم وصارحو بعضهم وكونو. قصه لالا رنده حباتك. بسكات. من طرف واحد. حباتك عن قرب. عاشت. فتره وتحملت مسؤوليتك. عاشت دور الزوجة مع وقف التنفيذ
كانت تحدد في دبشك واطيب في الاكل اللي تحبه واتضم . وتهدرز وتسهر معاك . وتاخد الاذن قبل تطلع وتخش
أنت تقرأ
رجل تحت الحظر"مكتمله"
Spiritualرواية منقوله من قبل الكاتبه ريم_محمد# رواية تمتلك أحداث رائعه@ أثمن لكم قراء ممتعه#
