البارت 4 عشڪ الجبل...🌹
#عشك الجبل2
#حور حيدر
البارت الرابع جزء 2
دخلت واني ااشر لجماعتي وممنتبه لاحد بلقاعه...
سمعت صوت ناعم يحجي بحده ...
اذا خلص الاستعراض مال حضرتك ... اتفضل برره
بقيت واكف ابمكاني بثقه ...
عيني التفت ادور بسرعه وفضول على مصدر الصوت ...
بس اريد اشوفهاا هاي العجيز ...
سمعت صوت كعب رن باذني باوعت لاخر لستيج الكل ساكت والابره اذا ذبها ينسمع صوتها استغربت هذه الشي لهل درجه تخوف هاي العجوز ...
انصدمت من الاشوفه ...
نازله من المدرجات الاخيره بثقه عيونها اجت بعيني لعيون جنهاا عيون صقر سود وتجدح نار والحواجب سيوف ومرفوعه ...كمت اباوعلها من فوك لجوه ...بدون ما حس على روحي...
شكد مرو بحياتي بنات بس مثل هيج نضرات مليانه قوه وغرور وتحدي ...
ما هتميت لاحد ...ممصدك هاي هيه نفسها الدكتور الي وصفتهاا نغم اتخيلتها عجوز وتخوف ...
انعل بليسج نغم..لج هاي الجكمه
لابسه تنوره سوده قصيره حاضنه وركهاا وطالعه تحفه فنيه ...وفوكاها قميص ابيض وستره لبستها مستور بس المشكله جسمها شتلبس على هذه الجسم ...
يجذب النظر ويطلع عباره عن كارثه...
مررت اديه بشعري واني ابتسم وعيني تلاحكها من فاتت مني ولا كاني موجود ...
كالت بنفس النبره وضهرها موجهته اليه ..
لضيعون وقت اكثر من المحاظره ...اخذهاا واطلع مثل ما دخلت ..
وراحت لمكتبها مقابل السبوره ...
وكملت وهيه تشيل الكتاب وتكلب بي ...
ويا ريت تسد الباب وراك ...
افتحو صفحه 54...
ما بينت الها شي بس من جوه بركان كايد شون تجرائت تطردني وتحاول اتوجهلي اهانه ...
اتقدمت الهاا وعمدتا وعفت نغم ابمكانها ...
كتلهاا واني انتجي كدامها على مكتبها ...
نعم ...كلامج هذه موجهته اليه
رفعت راسها من الكتاب ...
كالت ابرود وهيه تقلب الصفحه ...كنوع من التجاهل
وليش اكو غيرك اتطفل ودخل بهل طريقه ...على القاعه
لا اراديا عيوني راحت على شفايفهاا خرب اهلج هلااك ...بس نبرتهاا مستفزه
فارس واني راص على سنوني وقابض اديه كوه لازم اعصابي عنها...
ادخل وكت اليعجبني وحده اليرفع صوته ويكلي لا ...
جان نظراته حسستني ملابسه شي ...شكد عسبني وحاولت ابين هادئه حته لا افقد اعصابي ...
كتله واني ااشر على اديه ...
شيل ايدك من مكتبي وعدل وكفتك ...لتنسه انته طالب هنا واني الدكتوره ...
واذا جان غيري يمشي عليه كلامك ...فاني لا
ومتهمني وعندي الكل سوه ...والكل يتعاقب
ابتسمت واني اعصابي بارود صارت ...كتلهاا بصوت محد يسمعه غيرها...واني اسحب الكتاب من ايدها بقوه ...
اعصابي فورتهاا ...
مو فارس التحجين وياه بهل نبره ...
واخاف بعدج صغيره ومحد علمج شون تتعاملين ويه لشيوخ ...فاني موجود اعلمج
واذا جنتي انتي دكتوره فاني الشيخ فارس ...
عفتها وطلعت وركعت الباب وراي ...
طلعت صاير نار ما شوف كدامي من العصبيه يسلمون عليه واني مو يمهم ...
ضربت الحايط وصحت بقهر ..بس اريد اطلع حركه كلبي ...
اووف لو جانت زلمه ...
اجه صوت نغم ورايه وايدها على جتفي...
اهده اعصابك خل تولي هل مغروره مدري على شنو شايفه نفسها ...مو كتلك لتروح هاي ماتحترم احد
شوف شلون طردتك كدام كل الطلاب...
عطت بيها...كافي نغم لا هيه ولا الاكبر منها يكدر يطردني..
ولو اريد وعلي هسه ادخل غصبن عليهاا ...
بس مزاجي اتعكر ومالي خلك ...
نغم بتودد وهيه تجر ايده ...بما انه مزاجك معكر محد
راح يحسنه غير النسكافيه...
امشي عازمتك ..
فارس جريت ايدي منها...لا ما ريد مالي خلك اروح لمكان انتي روحي...
اني انتظر الولد ...
نغم بإصرار ...لعد ابقه هنا اروح اجيبها واجي امانه لتكلي لا...ولتردني
فارس مردت افشلها من شفت اصرارها ...كوه ضحكت
وكتلهاا بكيفج يله انتظرج هنا ...
نغم بفرح من شافت فارس ضحك الهاا وقبل ...
ثواني واحله نسكافيه لاحلى فارس ...
وراحت بسرعه ...
شويه واجوي جماعتي ...يضحكون ويصنفون عليه
فارس ... شبيكم كتلتو نفسكم علمحاظره ...من شوكت صايرين سجاجه ...
نور ...انه حبيت المحاظرات والاساتذه من يوم الشفتها ...ولك بس اسمها قصه وحده
