وفي يوم الصبح كيونا نزل زي عادته يجري ..كان فاكر انه كده هينسي موري .. بس كان بيضحك على نفسه
وهو بيجري افتكر اوقات لما كانوا يتكلموا مع بعض .. غمض عينه وجري بسرعة اكبر عشان يشيل الأفكار دي من راسه
فجأة يخبط في حد ويقع.. لما وقع محسش ان الوقعة وجعته فتح عينه لقى بنت تحتيه
كيونا بصلها مستغرب : انتي ايه اللي جابك هنا!
البنت : نعم..كح كح وسع بقى ولا انت عجباك قعدتك فوقي ؟
كيونا قام من عليها وحتى مدهاش ايده مساعده
البنت قامت وقعدت تنفض في هدومها وضهرها وجعها من الوقعة
البنت : ااااااااه ...انت بجد غبي
كيونا: انا اللي غبي بردو ؟
البنت بصتله بغيظ : واعمي ..في حد يجري وهو مغمض عينه ايه التخلف ده
كيونا اتعصب : انتي اللي خبتطي فيا
البنت زعقت : انت بتقاوح وانت ...اااااه..بتقاوح وانت اللي غلطان
كيونا كان باصصلها بقرف واشمئزاز
البنت حطت ايديها على ضهرها وهي بتتوجع : يعني اروح شغلي ازااي وانا ضهري واجعني كدة
كيونا ببرود : وفيها ايه مش فاهم ايه العبط ده
البنت بغيظ من قلة ذوقه : فيها انك خبطتني ..انا شغلي مينفعش اروحه وانا تعبانة يا استاذ
كيونا نفسه بزهق : وانا اعملك اييه يعني
بصلها ببرود وبعدين حط السمعات في ودنه تاني وكمل جري وساب البنت تولع مع نفسها
البنت بصتله مستغربه تصرفه :
فعلا انسان قليل الذوق...ااااه اعمل انا اييه دلوقتي
ومشيت وهي شبه بتعرج من ضهرها ورجلها
..................................................
وفي المطعم
موري قربت من زينه
موري : روزيتا ...
زينه حست ان موري عاوزه تقول حاجه ومش عارفة تبتدي منين
زينه ابتسمت : اتكلمي على طول
موري : بصراحه مستغربه موقف حسن .. يعني المفروض انا اللي اتجنبه
YOU ARE READING
قصه واحده لا تكفي || ( مكتمله) SO I & DREAM & PAST WOUNDS
Fanfiction* ثلاث روايات بالعاميه المصريه * لكل منا حكاية هناك من حب وعشق وهناك من تألم وأفترق البعض منهم عانوا وسقطوا وقاموا ، والبعض الاخر لازالوا في بداية القصة ، والآخرون في نهايتها ...
