عشق فصليتي 😍

الحلقه السادسه

سلام عليكم شخباركم عساكم كلكم بخير لا تنسون تصويت وتعليق وصلو هاي الحلقه 20 تصويت انزل حلقه سابعه واكو شغله ثانيه بعد مانزل كل جمعه صارت ضروف عندي شوكت ماعندي فراق انزل اووك شباب بنات اي واحد عنده قصه حاب يحجيه يجيني خااص انشره اله بالحرف عادي اذا جريئه ماشي يله

عدنان.وليدي اكعد خويه هذا طلبنه وهيه ماضل يمنه هواي مده سنه وترجع الكم سالمه

شيخ عشيره رهف. لاخويه موهيج الحجي ومو مثل مااسمعتو ماعدهم بنات بس وحده زغير وتريد تكمل والبنيه مالهة ذنب

محمد.من سمعت هيج فار دمي كمت بعصبيه ماعدنه بنات تردون فلوس ع عيني وراسي غير هذاا ماكو

اسد..كمت وكضيته من ياخه مال قميصه انت هم الك عيني تحجي مثل ماا كتلت ابوي اني اريد اختك

ابو رهف.اكعد محمد بويه كافي هذا قدر الله هوه الكاتب هيج يصير

اسد.مااكو لو فصليه لو دم

شيخ عشيره اسد.ااي بعد ماكو اي نقاش الي عدنه كلنااا خلاص هيج تنحل ااسالفه

ابو رهف. خويه شنو سالفه خل نحلهة بفلوس وطرفين راضين وهو مامتقصد يضربه الله يرحمه

اسد.دم ابوي مايروح هيج انطونه فصليه لو دم هذاا اخر شي عدنه

ابو رهف..حاولنه شكد بس لاسف ماكو نتيجه اؤؤؤف انطونه مهله يومين ونرجع خبر بس مده سنه وترجع

عشيره اسد.هذاهو مده سنه ترجع يومين وترجعون خبر واذ رفضتو يصير غير شي دم للركب

ابو رهف. كولو يااا الله ان شاء الله خير طلعنه وحنى الهم والقهر بينه شلون راح انطي بت گلبـ💙ي وبنتي الوحيده رهـف

محمد.طلعنه وحنى كل الئلم بينه حسيت بالندم وكمت اكل بروحي وشلون الي عين اباوع بعين اختي الي بسبي راح تروح فصليه وتتعذب من هذاا الوحش وراح ينتقم من اختي حتى يكسر خشمي بس اني ماراح اخلي يئذيهه

رهف. راحو اهلي ودينه ع كلوبنه ندعي ان شاء الله ماكو شي وتنحل امي تبجي وعماتي يخافن مايقبلون ويكتلون محمد وره شويه سمعنه الباب اندك كلنه گمزنه امي فتحت الباب

ام رهف..منو

خال رهف.. اني ابو حسين خيتي

ام رهف. هاا هلا خويه تفضل

خال رهف. زاد فضلج هاا خيتي اتصلو شصار

ام رهف. والله ماعرف شكلك بعد  ماكو شي ومحد اتصل علينه

خال رهف.راح اتصل بيهم وعرف شصار

ام رهف.. اي خويه فدوه طمني

ابو رهف. طلعنه من بيتهم 4 سيارات شويه ودگ جهازي يا الله الوو

خال رهف. الوو شلونك ابو رهف

ابو رهف. هلا ابو حسين ماشي الحال انت شلونك

خال رهف. الحمد الله اي شكو ان شاء الله نحلت شقله

ابو رهف.. والله ابو حسين ماعرف شكول خل نرجع ونسؤلف حنى جاين بطريق راح نوصل بعد مسافه

خال رهف..خير يا ربي ترجعون بسلامه يله منتضريكم

ابو رهف. الله يسلمك ابو حسين يله ثيمالا

خال رهف.هلا الله وياك ام رهف خويه جاين بطريق
ام رهف. الحمد الله يا الله

رهف. سمعت خالي يكول رجعو كلت اكيد نحلت صعدت الغرفتي حضرت دروسي راسلت شويه صديقتي زينب !!!!هلو زنوبه
زينب .!!هلوات حبي شلونج
رهف.(بصوت تعبان )ع الله وانتي
زينب.خير شبيج شو مو ع بعضج
رهف. اؤؤؤف مختنكه وسؤالفت زينب كلشي صار وهسه جاين بطريق والله يستر
زينب.اؤؤؤف خطيه ان شاء الله يرجع كلشي طبيعي ويرجعون بالخبر الحلو
رهف. امين الله يسمع منج اسمع امي صيحني زينب شوي وراسلج
زينب .ماشي دير بالج ع نفسج
رهف. اووك باي
زينب.الله وياج  يروحي
رهف. هااا ماما صحتيني
ام رهف..ااي حبيبتي تعالي ساعديني نسوي عشه راح يجون ابوج واخوانج
رهف. ااي ماشي جايه

اسد.جماعه طلعو وضلو بس الكبار مالتنه شويه والكل اترخصت ماقبلو يضلون ع عشه عمي عدنان وين ضل تعشه وروح
عدنان..لا وليدي مشكور عندي شغل لازم اروح
اسد.براحتك عمي هذاا بيتك
عدنان.تسلم وليدي يله اسلم عليك
اسد.الله وياك !!!فرق البيت طبيت جوه شفت امي حالتهة تكسر الخاطر كعدت يمهة هيه وملاك ماعرف شسوي خليت ايدي على وجهي واسي بالكاع
ام اسد. يمه شسوي بالفصليه حرام وليدي هاي بنيه تخرب حياته ماله ذنب بالي صاار
اسد.لا يمه اريد اعلم اخوهة على سوه مانطيت فرصه تحجي امي كمت اجيت اصعد الغرفتي شفت غرفت ابوي مفتوحه دخلت واني كلشي اذكر بي وين كاعد وين يحجي شفت صورته بالحايط شبكت صوره وضليت ابجي بسكوت اشم بدشداشه وحجي وياهة فراق الاب محد يحس بي غير من اليفقده حالتي دمرت جان كلشي بحياتي هوه جنت من اضوج اروح يمه هوه الي يسمعني ينومني ع رجله ويگلي نسر اني اعرف بيك قوي وما تنهز سؤلف الي بگلبك بعد المن اسؤالف ياربي صبرني مالي غيرك طلعت من الغرفه وصعدت الغرفتي قفلت الباب وخليت راسي ع مخده ونمت لصبح !!!!؟

رهف. رجعو اهلي من العالم وجوهم تنطي الوان

ام رهف. يمه محمد وليدي شصار كولي مو راح يوكف گلبي

محمد.(يحجي وراسه بالكاع ) اؤؤؤف والله يا يمه ماعرف شكولج خله وصعد الغرفته وقفل الباب عليه

خال رهف. كوولو يمعودين شكو مو دمنه يبس

ابو رهف. يردون فصليه وذا مانطيهم يصير دم للركب

ام رهف. وعماتي.كامن يبجن

ابو رهف. حاط ايده ع خده وصافن وعيونه حمر دمعه بطرف عينه

رهف.. شنوو لا يمه كلشي. ولا محمد اخوي  بس لا يكتلو ماعندي غيره هئ هئ

لهنا ينتهي الحلقه ان شاء الله عجبتكم ولعيونكم طويله سويته لا تنسون تصويت وتعليق  واذا اكو اغلاط اسفه اني كتلكم  تنزل بس نزلته ب 5 ونص ماحبيت اخليكم تنتضرون اكثر

الكاتبه رهف....... احبكم 😘😘😘