#زوجي_يعشق_اخرى
19_20_21
الكاتبة سارة الخفاجي
ها وقعت.
-اي موكتلك ظامنتهة .
-اي همزين راح نستفاد هواي منهة .
-اي ،وهية مالهة احد نكدر نسيطر عليهة بسهولة.
-اكلج رحتي للسجن على مود رأفت .
-اي مريت ،وكالو اذا ننطي 20ورقة يطلعوا .
-باجر روحي وية المحامي القديم بعدهة سمر جديدة متدبرهة.
-خوش ،تدلل .
...
طبيت لغرفتي وظليت افكر بسمر هاي هم حظهة ذبهة بطريقي اني تورطت وماكو مهرب اذا اخوية ورطني هاي شون حتطلع منهة.
اذكرت اول ايام بالجامعة شون جانت حبابة ومتفهمة وجذبت عليهم وكتلهم اخوية بالاستخبارت شيخلصني إذا عرفوا شغلة بالميلشيات والعصابات .
ومشت عليه هالسالفة ومن خابرتني سمر دز اخوية جماعة كتلو كتلة زينة ولو ما سمر تمشي وتوصي ميصير بي شي جان كتلوا خلاص ،جان اخوية يريد يكسب سمر لصفنة لان شغلتهة تفيدنة واهم شي ماعدهة احد يسال عليهة اذا تختفي .
ظلينة نسحبهة شوية شوية ويوم ورة يوم إلى أن وثقت بينة لدرجة عمية وگامت متسأل شنو هذا وليش .
....
ظليت يوم ورة يوم احجي وية امي بلكي الله يهديهة مر شهر وامي نفس قرارهة ومتقبل تتنازل ...
سمر بدت تبتعد وتتغير مااعرف شبيهة شكد احاول وياهة متحجي لو تتحجج باعذار سخيفة .
جان وجهة اصفر اكلهة قليل تصفن هواية احس اكو خوف بداخلهة بس مدافتهم سببة.
......
بديت اول اسبوع وية نبراس واني فرحانة كلش وأشياء طبيعية يستشيروني بيهة ثاني اسبوع گامت تأخذني المنظمة الي هية عبارة عن بيت طابقين مقسمين الغرف على أساس مكاتب وبكل غرفة مكاتب واوراق وناس تطلع وطب اطمئنيت مدام اكو مكتب معناها الشغل قانوني وراهة بدت الاستشارات على اشياء وجرائم مخيفة وصلت بيهم أنه ادافع عن واحد متهم بتجارة الأعضاء طبعا ميحتاج اكول منيلي شهادة كلة زورو وحظرو گبالي حتى ارافع ومحد يفك حلگة اني مقبلت ورفضت بس اخو نبراس وگف گبالي وخلة المسدس على راسي وهددني ياما اوافق على شروطهم أو انقتل وهية تايهة محد شاف ومحد يدري واذا بلغت احد راح ينكتل وياية اضطريت ارافع وطلع بكفالة مؤقتا وهمة هربوا خارج البلد بلمح البصر طول شهر اني ادافع عن مجرمين وقتلة فقدت شهيتي بالحياة وبكلشي حلو اني شورطني وية هاي العالم الي ماعدهم رحمة عالاساس شغل بي خير للعالم طلع كلة مضرة ياربي شون اخلص نفسي والمن احجي عادل اخاف يكتلوا ويسووهة .
وبيوم طلبوا مني اسافر لتركيا ومن ارجع التقي بشخص ينطيني غراض ارجعهة وياية وهوة يعلمني على طريقة احتفظ بيهن بحيث ماانكشف.
اني هنا جمدت خايفة ..
لااكدر ارفض انكتل واذا اقبل معرضة انلزم من الشرطة واروح بالرجلين شون اتصرف يالله.
سكتت لان هوة أمر مااكدر اعترض رجعت للبيت واني مأيسة من حياتي وأنه ماكو نهاية لكل الي ديصير بيه بهالاثناء خابرت فاتن حست من صوتي اكو شي بيه سولفتلهة على كلشي اني راح من بالي أنه رجلهة ضابط بالجيش .
ورة مسديت التلفون اذكرت ،گمت الطم على وجهي اذا صار بيهم شي شسوي اني وشكول شون حجيت وين جان عقلي ...
جنت محتاجة انسان احجيلة لان حسيت دماغي حينفجر اذا أظل ساكتة بس غلطت من حجيت لفاتن ..
رجعت اتصلت بيهة وحذرتهة تحجي لأحد لان تعرض حياتها وحياه البقية للخطر والموت اكيد لان شفتهم بعيني يكتلون بدم بارد ...
