🔥👿في قبضة الطاغوت 😡👿🔥

البارت التاسع 💕

تتقاذفني أمواج البحر الهائجة نحو جزيرة الطاغوت ...طاغوت قاس ذو قلب جليدي لم تستطع انوثتي إذابته ...طاغوت لا يعرف الرحمة ..قاس ...متبلد المشاعر ....هي ضحية لعبة المافيا في خضم الإنتقام ....
تغزر مالشباك ..دنيا خلاوقي فار..ملا إختيار للديار عندو سي حيدر....ميعرف كان الغابات...هي وحيدر توة في أمريكا ..تحديدا في دار وسط الغابة..الحراسة مشددة ..رجال حيدر دايرين بالدار من كل شيرة وجانب...افكارها مظطربة وعقلها مشوش...خايفة ملي يستني فيها..
حسب كلام حيدر إلي هوما بعد ثلاثة ايام بش يبداو في مهمتهم....حست بباب بيتها كيف تحلّ..عرفتو هو...بقي يغزرلها سارحة ..حس بخوفها..بيأسها ...حياتها إلي تشوشت ملي دخللها هو...قطع حبل أفكارو صوتها الرقيق ( هاك مبطيتش ليوم )
دخل وقعد مقابلها ..(ريهام شببك مكش تقري في الدوسيات إلي فالبيسي ..شتفاهمنا ؟؟)
ڨحرتلو وقالت( سايس علينا سي حيدر...شفتهم وحفظتهم وفهمتهم ...)
تبسم بغزول وقال(لسانك طويل يا طفلة....اي وشنوة فهمت؟؟)
-(باهي....بعد ثلاثة آيام بش نمشيو لأوتيل *****
فما حفلة تضم اهم المستثمرين وكبار رجال الأعمال وبس بكون بيناتهم هدف محدد إلي هو نسيم بن****
إلي عرفتو إنو هو راجل اعمال عندةو شركات متع إستثمار لكن هي الستار إلي يخفي بيه جرايمو وتدخلاتو مع المافيا يعني نجموا نقولو إلي هو وسيلة بش نوصلو لأعضاء المافيا الكبيرة....)
غزرلعا بإعجاب. فيسع مفهمت الخدمة..قال ( برافو ريهام ...)
غزرتلو وقالت بهدوء (حيدر انا مش فاهمة شنوة بش نعمل غادي راك مفهمتني شي)
غزر للشباك وقال ( مش قتلك متسألش برشا..توة نقلك شتعمل في الوقت المناسب...وتوة هيا نتعشاو ..)
مستنهاش تجاوب ..جبدها من يدها ...الطقس كان باهي....ياخي حط الطاولة لبرة...