زهرة ..

ج 24

مساء العافيه

زهرة
الفصل الثاني
ج 24

سمعت صوت ناعم جاوب

يازهرة هاي ..

من خوفي بسرعه سديته ..

ورفعت السماعه اخاف ادك مرة ثانيه وتسمع صوتي ..يبوو اخاف ازوج وهسة سويتله مشكله ..واكيد عمه غنيه حاجيه عليه كدامها ..

وهاي مرته ..

بقيت الوب والوم بنفسي ع الي سويته ..

اكيد سويتله مشكله

هسة اني شعندي اخابرة شريد منه ..

هسة شتكول عليه ...

اف ياربي ..

شوية ورجعت السماعه ..
بس سديتها دك ..

فزيت من مكاني،..

بقيت اباوع ع التليفون اجاوب لو لا..

اجاوب ..يبو اخاف مرته ..هاي ..

لا ماجاوب ..سكت ورجع دك من جديد ..
دك مرة ثاتيه ..

جاوبت وبقيت ساكته ..

اسمع الو الو ..

صوت مراة ..

الو عيني ..مو بيت الحجي ..

يمه هاي فصحتني يبوو سديته وشلت الفيشة ..

واخدت الفون شمرته بطن الغسالة ..

وسديته ورحت ع دموع..كعدت يمها ..

طبت عليه ام رند ..

زهرة
ها ..

ولج مو داصيح عليج وينج

شكو ..

كالت هاي خالتج ادك علينا ..

ياخاله ..

هاي شبيج خالتج ..نهلة

كتلها شتريد مني ..

كالت والله مادري وتكول شغله مهمة

عزة بعينج زهرة هاي اكيد مرت منير دكت ع خالتج ..

يبوو شراح اسوي ..

وهسة خالتي تحجي كدام الحجي ..

كالت زهرة وين التليفون ..

شبيج صفرة ..

كتلها دموع كسرته ..

شكسرة ..

ها مادري شلت دموع ..ورحت لبيتهم ..

وشلت السماعه ..

بقيت ساكته ..
اسمعها تسولف ..

كلت الو ..
كالت زهرة ..

اي ..

وجعي شبيج مخرسة مجاوبين

مو كتلج الو ..ها شتريدين ..