كتهدر هاد القصة على واحد البنت طايحة فالدري اللي حلمت بيه زوج تلمرات فحياتها😍😍،مرة مين كانت كتقرا فالخامس و مرة مين كانت كتقرا التاسعة 😭ماعاودت حلمات بيه و ماكتقدش تصاحب مع شي دري حيت كتعابر راسها خانتو 😘 كنتمنى تعجبكم ،و بالطبع مع مغرفة السفالة...
ملاك:(بصوت ناعس) ألو... -:معاك محمد بن حفيظ... ملاك : آه...السلام كيداير لاباس... محمد : الحمد الله... المهم طلبتي مني عام و العام سالا...خاصك ضروري تجي دابا.... ملاك : واخا...أنا غنشوف كيفاش....و شحال غيدي ديال الوقت محمد: على الاقل... خمس شهور... ملاك :(بيأس) صافي فهمت... محمد: بعدا ماكاتحسي بوالو... ملاك : لا... محمد : بعد على راسك المشاكيل... و وياك تبغي شي واحد راكي عارفة العواقب ملاك : يالاه خليتك على خير محمد: امين قطعات عليه...و جلسات حزينة ملاك : صافي جا الوقت باش نسالي هادشي... ناضت بياس بدلات عليها ونزلات عندهم لقاتهم كيفطرو... صيحات عليهم و جلسات حداهم كتاكل و كلشي لاحظ بلي ميزاجها متقلب كنزة : بنتي...مالكي مقلقة... ملاك :( ضحكة صفرا خدعات كلشي الا اسامة )لا الحمد الله... كملات فطورها و ناضت ركبات مع اسامة باش يوصلها معاه....الطريق كلها و هوما ساكتين...تانطقات.. ملاك : انا.... اسامة : مالكي ملاك : انا غانمشي... اسامة : ماعندك فين غادي تمشي... ملاك : لا عندي...اه عندي واحد البلاصة اللي كتسناني بأحر من الجمر... اسامة : هضري بلا ألغاز ملاك :(بحزن) القبر... اسامة :( تصدم) شنو... ملاك :(ضحكة صفرا) ههه غير كنضحك....بغيت نقول غانمشي عندي عمتي فسبانيا توحشاتني...وغادي تصايب ليا الوراق غانكمل حياتي تما... اسامة :(حبس اللوطو بالجهد) شنو.....(غوت) ماغاتمشي لتا بلاصة....بلاصتك فقلبي فهمتي...انا ما تسنيتش 11 عام باش تقولي ليا غانمشي فحالي...مين كنت صغير كنت فينما نحلم بيك نبقا فايق الليل كامل باش مانتوحشكش..... وليت شاك أن وحيد القرن حس بيا عليك نتيا...(زدح الفولون ) ماغاتمشي لتا بلاصة... ملاك :(مصدومة).... كتشوف فيه بصدمة...مامتيقاش باللي لقاتو....تابغات تعنقو و اذكرات الاتصال ديال الصباح... رجعات باللور و قلبها كيحرقها شدات فيه.... ملاك :(جبدات كينة بلا غشا شرباتها) مزيان اللي لقيتك...اذا نتا فارس احلامي..(ببرود) ولكن هادشي ماغايبدل والو.... نزلات من اللوطو و خلاتو مصدوم...حيث ماتوقعش تعاملوا بهاء البرود...ظنها غادي تفرح مين يعتارف ليها...لكن وقع العكس...اما هي فمشات نيشان لبيرو ديالها سدات عليه و بقات تبكي... ملاك : اهئ سمحليا اأسامة..ولكن منقدش نعطيك امل... اهئ انا ماتخلقتش ليك.... كملات النهار كلو بكا... --------------------------- نمشيو عند واحد الناس نسيناهم.... صفاء :(صرفقاتو) نتا ماكتستاحقش هادشي اللي كنعطيك...ههه نتا احقر انسان شتو فحياتي كلها....ماكفاكش اني صابرة على التعامل ديالك باغي تخوني... ايمن : ههه علاش حنا بيناتنا شي حاجة باش نتسما خنتك ههه. صفاء :( بحزن) آه بصح...مابيناتنا والو...سمح ليا.. و كنواعدك تكون آخر مرة تشوف فيها وجهك خرجات و الدموع عمرو ووجها وهو ضرب البيرو بجهد ايمن : علاش كنعاملها هكا علاش..... ------------- جالس بالكورنيش و زكرياء حداها... الهام : نقوليك واحد الحاجة و متقلقش زكرياء : ههه غادوي ولفت المفاجئات الهام : انا بلا منحس لقيت راسي وليت كنبغيك.. زكرياء :(تصدم) وايلي الهام : والله... زكرياء : قرصيني...اييي غابشويا الهام : تيقتي دابا... زكرياء : واو ها النهار زوين الهام : مازيد نرجعو را الحداش ديال الليل زكرياء : يلاه واخا ماسخيتش... ------------------------------------------------------- كانت كتجمع حوايجها و كتبكي....كتبات رسالة و خلاتها ليهم.....وهبطات كتسلل لقات محمد كيتسناها ركبات معاه... محمد:بنتي مايبقاش فيك الحال ان شاء الله كلشي غيكون بيخير ملاك :(كتبكي ) الصمت بعد مدة كانو وصلوا لمطار...ركبو فالطيارة اللي غادا لفرانسا و ملاك حلفات لا بغات تسكت...اما محمد قطعات ليه فقلبوا ------------------------------------------------- قلبو عليها الدار كلها تاتمات هابطة هازة الرسالة اللي خلات ملاك... [شكرا على كلشي عمري نسا خيركم...عطيتوني داكشي اللي ماعطاتوش ليا عائلتي....و لكن أنا كنت مخبية عليكم واحد الحاجة....أنا مريضة بالقلب فمراحيلو لأخيرة...دابا مين غتكونو نتوما كتقراو هاد الرسالة غنكون أنا كندوز العملية اللي غتقرر مصيري يا إما نعيش...يا إما القبر... شكرا على كلشي...و بغيت نقوليك اأسامة بلي تا إنا كنبغيك بزاااف كثر ماتصور و قبل من عرف بلي نتا فارس أحلامي... و عندي طلب أخير...ماتنساونيش عفاكم..🤗] اسامة طاح مصدوم و كلشي فالدار بدا يبكي كنزة : بنتي مسكينة...خازنا هادشي كلو فقلبها...ياربي ترجع سليمة رامية : اهئ اهئ فوزية : ان شاء الله ترجع بيخير... حسام :نوض اصاحبي...نوض نقلبو عليها... اسامة وجهو خالي من اي تعابير....ناض عيط رجالو يقلب عليها و مشا لبيتوا جبد الشراب كيشرب و يبكي... ✅الحياة عكس المدرسة...فالمدرسة تعلمك ثم تختبرك ✅اما الحياة فتخترك ثم تعلمك ------------------------------------------------------ عمروها غير خيوطة...و هي كتشهد و كتشوف الحياة لآخر مرة..... محمد:( دار الكمامة فوجهو) ماتخافيش ابنتي ان شاء غاتكوني بيخير ملاك : كنتمنا..... بعد مدة ديال العملية.....خرج الطبيب مصدوم محمد : مامكنش ---------------------------------------------------- اسامة : الو : الو سيدي.. عرفت فيناهيا... اسامة :(ناض وقف فرحان و ماقاداه فرحة ) فين هي : ففرانسا بمستشفى*** قطع و تاجه لمطار ركب فاول طائرة لفرانسا...بعد مدة من تحليق مشا نيشان لمستشفى... اسامة : ملاك عياش..... الريسبسيون : آه...(بدات تقلب تالقات الملف ديالها شافت فيه بخيبة امل و قلبها ضرها عليه....بقات مدة ساكتة كدير راسها كتقلب و هو حاضيها بلا ياس) ماتت طاح الارض مصدوم عينيه ماكتحركش.... ناض خارج للجردة و الحزن غار فقلبوا.... ---------------------------------------------- محمد : شنو قلت ليك.... ملاك : هههههه يعني...الحمد الله تكتب ليا عمر جديد.... محمد : آه و الحمد الله... ملاك :عاوني نخرج للجردة...تخنقت... محمد : غير بشوية عليك... ناض عونها تاخرجو...شافت واحد الراجل جالس فالارض مصدوم و قلبها بدا يضرب بزاف...تقادات فالكرسي المتحرك و كلما كتزيد تقرب قلبها كيبغي يخرج من بلاصتوا حتى وصلات حداه قاس ليه راسو برفق و لكن ماتحركش... ملاك : خويا مالك هاكدا... سمع صوتها دار مصدوم كيقرص و يعاود لا علا و عاسا يتيق... و هي نفس الشعور...فرحانة بزاف.. بغا يعنقها و هي تبعد... ملاك : انا مقصحة فصدري.. يالاه درت العملية... اسامة : ما حرامش عليك بغيت تمشي بوحدك...انا نفضل نتبعك لقبر على نعيش بلا بيك املاك ملاك : ماكيهمش...كلشي سالا احبيبي...دابا كاينين غير انا و نتا شي حاجة خرى ماكتهمش... اسامة : يالاه ندخلوا..لبرد عليك.... ملاك : واخا... دخلها و قادها ففراشها و تكا حداها مزير عليها فحالا غادي تهرب.... ✅هما خلقا لبعضهما البعض لن يبتعدا ابدا....
Oops! This image does not follow our content guidelines. To continue publishing, please remove it or upload a different image.
