مجهولة النسب للكاتبة أم مصطفى

١٣

#مجهولة_النسب
للكاتبة أم مصطفى

البارت الثالث عشر
اني  اسمع بس مابيه احجي
دايخه  من الضربه  جانت  كلش قويه
اثرت هواي علي دوخه ولعبان نفس وراسي ثكيل كولش
اسمع عمي يتوسل بابوي حتى ما اشتكي عليه
وابوي اكيد راح يوافق
لان اكيد ميقبل اذب ابن اخوه بالسجن
ميهون عليه
اما اني فمو بنته عادي ا هون عليه
محجيت كلشي
لشويه طلع عمي وابوي
اجه الدكتور خلالي مغذي
وضربني ابره بالمغذي
اخس دخت ونمت

تعبانه كولش مااكدر اركز وابقى كاعده
اكعد شويه وارجع انام
يصير عندي وجع فضيع
يضربوني ابر مسكنه وانام
حتى الاكل ممنوع علي اكلات
بس السوائل
امي يمي معافتني ابد
اجه المحقق 
امي اجت يمي يمه كولي وكعت من الدرج
مجاوبتها 
سويت نفسي نمت مااريد اتنازل هيج بسهوله
كالتله امي نامت
لان تاخذ مسكنات ومنوم بعدها حالتها ممستقره
كالها حجيه ع باجر ان شالله  اجي
طلع
اني بقيت ع نومتي
حتى لامي مكلت شنو اريد اسوي
بالليل فزيت ع وجع قووي
خلاني اصرخ من الالم
وراسي كلش ثكيل جان عبالك شايلهة
طابوك فوك راسي
امي جانت نامه ع السرير البصفي
كعدت اصرخ فزت
هااا يمه اسم الله  عليج شبيج
وججج يمه الم موتني اخخخ راسي
الحكولي كمت اصرخ
ركضت ع الدكتور
جابته واجه
هم ضربني ابر  مسكنه
امي كالتله فدوه دكتور شبيها فهمني
كلها صدك تحجين شنو شبيها
البنيه مضروبه ضربت موت
الضربه مسويه مي براسها
وهذا المي يصاحبه الم قوي
مو زين مصارت معاقه مخبله
موزين مفقدت الذاكره

مفقدت بصرها  ضربه كلش قويه
الله يكون بعونها
هاي لازم تبقى تاخذ علاج طول عمرها

ع حجي الدكتور ضليت ابجي بصمت
يربي هنوب معاقه صرت
فوك الي بي اني
صار عوق براسي وين اروح
يربي ليش ما متت ليش بقيت عايشه
اني مالي مكان بهاي الدنيا
ربي اخذ امانتك وخلصني
واني ابجي نمت
كعدت ع صوت بهاء
يحجي وي امي
وامي تحجي عليه
وهو يتأسف ع اساس متندم
شافوني فتحت عيوني
اثنينهم تقربوا علي
بهاء...  الحمد للة ع السلامه جوري
اسف والله  مااعرف شلون سويت هيج سامحيني
والله الليل كله منايم ع مودج
اني غلطان بحقج هواي
والله لو صايرلج شي جان موتت نفسي وراج
كلت لامي يوم عوفيني اني وياه
كالت انت مريضه مابيج تحجين
كتلها بس دقايق عوفيني
طلعت امي
كتله بهاء  اعرف انت اجيت لان خايف اشتكي عليك
تره اني مو غبيه وافتهم كلشي
لا تسوي نفسك متندم وع اساس مقهور علي
كال لا والله  مو ع هاي اني صدك مقهور ومتندم ومكانج خالي بالبيت
واني تعودت عليج
والله بس اطلعين اعوضج عن كل الي شفتيه
كتله واني كولشي مااريد منك
بس اطلكني لان اكرهك مااريد اشوفك كدامي ابد
كال لا دكولين هيج
كتله من الاخير  بهاء اذا عندك  احساس طلكني تره اكرهك اني ومااريدك
انت مفروض علي
خليك رجال وطلكني
واني اتنازل راح بشرط اطلكني
واذا رفضت راح اشتكي عليك
واول ع اخر اطلك منك
كال شتحجين انت منو علمج هالحجي
الدنيا علمتني كولشي
كتله طلكني اكرهك
اندار راد يطلع
تالي رجع كال راح اطلكج
بس مو لان خايف
بس لان هواي ضلمتج 
كتله واني راح اتنازل
وراح اعتبرها كلمه رجال
اطلك
وياريت لادكول اني طلبت اطلك
لان اكيد ابوي وعمي راح يضغطون علي
انت رجال تكدر اخذ قرار
هز راسه وطلع
احس ارتاحيت
من هيج كتله 
امي فاتت كالت شصار
غطيت راسي
كالت يمه كولي شصار
شبي طلع حتى مسلم علي
كتلها طبه مرض
بهاء ورقه وشكستها من كتاب حياتي
بعد مااريده
يااا ولج وابوج
خلي شيسوي يسوي
متردوني اروح منكم
اكتل نفسي واخلص كافي موتوني
شكو اخذتوني من اهلي
ضليت اصرخ
وهي تسكت بيه يمه مو زين ع راسج لا يطكن الخياطات
كتلها عوفيني حتى انت مااريدج
يا شجاج تخبلتي شنو
ع صوتي دخل الدكتور
شكو ليش تصرخ
امي كالتله هي صارت عصبيه
طرد امي كلها اطلعي بره
كال اهدي بنيتي  شبيج يوجعج شي
كتله راسي راح اموت
اي من الصياح اكيد يوجعج
ميصير تحجين هواي راسج مخيط بابا
ارتاحي ونامي ..

ثاني يوم اجه المحقق
وتنازلت  ابوي كيف
وعمي باسني عفيه بالسباعيه بنيتي
والله انت بت حلال وماتهون العشره عليج
محد يعرف بالاتفاق الي صار بينه
عمي كال بس اطلعين اعزلج بيت وحدج انت وياه
كتله الله كريم.
وره اسبوعين من ضربتي طلعت
والدكتور سجلي

علاج ابقى مستمره عليه للابد
ومراجعه كل شهر
عمي وابوي رادوا ارجع للبيت عمي راسا
بس اني كتلهم
هسه مااريد ارجع خلوني فترة
كلت خلي اشوف شيسوي راح
واذا خلف بوعده
قررت انهزم واروح  وين ماكان

طلعت لبيت اهلي 
امي خطيه دارتني وتحتار شنو توكلني
وشجيبلي
وتحجي وياي  يمه هذا قدرج وهاي قسمتج من الدنيا
وربما ضره نافعه
يجوز ربج رادها تصير حتى يصيرلج حل
وهاي رويه راح تنكلع
بعد اكيد راح ينعدل ويرجع الج
والولد متندم تره
اكلها الله كريم يصير خير
اجن حمواتي يشوفني
ويتحمدلي بالسلامه
هبه نزلت ع رويه غلط وحجي
الحيه الحقيره ام المصايب ام الولد... الخ
ومن هذا الحجي
شلون ضحكت ع اخوي خبلته وتالي طلعت تحب
واحد وعدها علاقه بي صار سنتين
وتسحب فلوس من بهاء وترجع ليوره
كتلها اخوج هو مضحك
كالت اي والله  من امداه
ضل يركض وراها لحد ما  عافته وشافت غيره..
ضلت تتوسل بيه ارجع للبيت
والله البيت خالي خلافي
واحنه نريدج انت ام البيت
منو النه غيرج انت تتلكينه
وتقومين بواجبنا
ومن هذا الحجي
كتلها الله كريم
راحن
وره عشرة ايام بيت عمي سالم
عزموا امي ع عرس رويه
امي كالت ولا يستحون
عازمينه جنهم كلشي ميعرفون
عساها ماتهنه ابد
وره كم يوم اندك باب اهلي
امي طلعت
ابوي جان مو هنا
واجت شايطه وحلكها يابس
وتصيح الله لا يوفقه كون
كتلها منو شكو.
كالت بهيي طلكج  غيابي
اني فرحت كلش
اول مره يسوي شي الي بي خير
امي ضلت تلطم
وتحجي 
لحد ما وكعت  رحت اكعدها
يمه شبيج
اشو كطعت النقس لا حس ولا نفس
ضليت اصرخ
طبوا الجوارين
اخذوا امي للمستشفى
خابرت ع ابوي
اجه ورانه
دخلوا امي للطواري
وابوي يسئلني شكو ولج فهميني شصار
كتله بهاء طلكني غيابي
وامي سمعت وانقهرت ووكعت
كال شلووون
ايا كلب يا حقير
دك التليفون ع عمي ضل يصيح
ويغلط عليه وهواي حجي
وسده
طلعت الدكتوره
كتلها ها دكتوره
كالت مضروبه جلطه  ادعولها تصير زينه
ولازم تبقى عدنا
لان نخاف لا تنضرب ثانيه
ادعولها
ابوي من سمع هيج ضل يغلط علي
كله من وراج الله يوفقج
ساعة السوده عليج
المره راح تروح من  ادي
من وره مشاكلج
يابه اني شعلي
شلون شعليج
منو اطلك غير انتي
غير انقهرت عليج وانجلطت
ضل يحجي
واني فوك قهري ع امي
ابوي جملني
كمت املخ بنفسي  ياربي موتني وخلصني اريد اموت
اذا امي يصير بيها شي وين اولي

بقت امي بالمستشفى ابوي بالليل يروح
واني بايته يمها ليل نهار
رغم اني بعدني مريضه
ولازم ابقى ع العلاج
بس هملت نفسي كله لخاطر امي
بدت تتحسن شويه انتبهت
طلعت  اروح اجيب مي و فواكه الها
سديت الباب
وجان يصير وائل بوجهي
شلون حليان وكبران
شافني والضحكه شكت حلكه
جوووررررري
وللحكاية بقية
ام مصطفى 
بارت هديه الكم مثل ما وعدتكم