الوهم (مكتمله)

البارت 6

فجأه انفتح الباب بدون ميندك ...........

صارت عيني عل باب باوعت احمد والي بصفي احمد

ظليت اباوع هنا وهنا كمزت من مكاني

احمد الي يم الباب

شبيج خوما كمزتي

احمد الي عل جربايه

شبيج منار بيج

يارب شديصير ويايه منو منهم احمد منوو اني شديصير بيه اخذتلي ركن بعيده عن الاثنين

ماكو هيج شي اني دااتخايل

احمد الي بجهة الباب تقرب يمي

منار/وخررر وخرررر

احمد/منار شبيج غير افتهم

هذا احمد لو ادهم نفس كلشي حتى اللبس معقوله
اني تخبلت لو شنو بالضبط

احتاجيت للقوه بهاي اللحظه احتاجيت اشمر منار الضعيفه بهاي اللحظه

لازم اترك الخوف الي بكلبي

اعرف شلون اكشفك يا ادهم اعرف

بهاللحظه جانو اثنينهم قريبين مني نفس الكلام يتداولو

يسألوني اثنينهم شبيه واحد منهم يخدعني ويقنعني

شي واحد راح ينقذني االمنقذ الوحيد القرآن الكريم ايماني برب العالمين كولش قوي

بصوت عالي

بسم الله الرحمن الرحيم

اللَّهُ لَا إِلَٰهَ إِلَّا هُوَ الْحَيُّ الْقَيُّومُ ۚ لَا تَأْخُذُهُ سِنَةٌ وَلَا نَوْمٌ ۚ لَّهُ مَا فِي السَّمَاوَاتِ وَمَا فِي الْأَرْضِ ۗ مَن ذَا الَّذِي يَشْفَعُ عِندَهُ إِلَّا بِإِذْنِهِ ۚ يَعْلَمُ مَا بَيْنَ أَيْدِيهِمْ وَمَا خَلْفَهُمْ ۖ وَلَا يُحِيطُونَ بِشَيْءٍ مِّنْ عِلْمِهِ إِلَّا بِمَا شَاءَ ۚ وَسِعَ كُرْسِيُّهُ السَّمَاوَاتِ وَالْأَرْضَ ۖ وَلَا يَئُودُهُ حِفْظُهُمَا ۚ وَهُوَ الْعَلِيُّ الْعَظِيمُ

قريتهه من كلبي وبخشوع وايمان ودموع تنزل وبتوسل الرب العالمين

واحد منهم كام يرجع الي وره ويسد بأذانه وجهه كام يتغير يصير بشع صرخات تطلع منه اختفه رأسآ

ظليت اباوع على احمد واحمد يباوعلي وميعرف شيسوي جنت واكفه كمت انزل للكاع شويه شويه ودموعي تنزل وشفتي تنطق بالاية القرانيه كررتهه اكثر من مره واني كاعده واحمد واكف على نفس وكفته جنت مدنكه واقرا

حسيت على احمد كعد يمي ولزم ايدي

احمد/طلعلج بشكلي موو

بقيت اردد مسكتت لان القرآن الوحيد الي يحميني منه

هزيت راسي واني اقرا بمعنى نعم

طلع موبايله احمد وفتح سورة البقره بصوت قارئ وجان صوته يخبل