وهم الحياه

الفصل التالت

مالك:هقولك كل حاجه بس عايز اطلع من هنا
نور:هطلعك ازاي يامالك معتقدش ان المدير هيرضي
مالك:مدير ايه يانور ،انتي سألتيني مره انا ايه اللي جابني هنا اللي وصلني اهنا مراتي او طليقتي وصديق عمري ومتفقين مع دكاتره هنا بانهم يحطولي دوا معين يبوظ اعصابي عشان يبان انها نوبه ولو فضلت هنا هيخلص عليا بمجرد انو يحصل علي اللي هو عاوزه هيموتني عشان كده لو مش ناويه تساعديني يانور اني اهرب فمش مشكله...
نور بصدمه:بص يامالك انا هساعدك وفي شخص بثق فيه وهو هيساعدني اطلعك من هنا وبالنسبه لدوا اللي كنت بتاخده فمصيري اعرفه واكيد ليه علاج
مالك:اقصدك مين يانور
نور:دكتور شريف متاكد انو هيساعدك متقلقش هروح اكلمه وشويه وارجعلك، دكتور شريف عايزه اكلمك
شريف:في ايه يانور كل حاجه كويسه
نور:بص يادكتور انا هقولك وحكتله موضوع مالك هااايادكتور هتساعدنا
شريف:موافق اساعدكم بس هنهربه ازاي وهيروح فين وبعدين
نور:انا عندي خطه وهيفضل في بيتي وانا اللي هتحمل كل المسئوليه متقلقش ايه رأيك
شريف:اوكيه يانور قولي خطتك
نور:قولتله الخطه نتقابل بعد ساعه عند الباب الخلفي لمستشفي طبعا انا هعمل نفسي روحت عشان محدش يشك فيا وتقابلني بمالك عند الباب الخلفي وانا هتولي الباقي
بعد ساعه
شريف:خد يامالك غير هدومك بده بسرعه قبل ماحد يجي بره
مالك:خدت الهدوم ولبستها انا جاهزه يادكتور وشكرا
شريف:العفو يلا بسرعه قبل ماحد ياخد باله ومشينا لحد الباب الخلفي نور بسرعه خديه وتيجي في معادك بكره
نور:اوكيه وشكرا اوي يلا يامالك،اركب بسرعه
مالك:احنا هنروح علي فين يانور
نور:احم علي بيتي متخفش محدش هيعرف وكمان اعده لوحدي ومحدش هيشوفك لان لسه الدنيا ضلمه
مالك:نور انا مش عايز اعملك مشاكل وكمان
نور:متكملش يامالك اولا مينفعش اسيبك لوحدك لانك مسؤليتي وصحتك كمان مش كويسه اخيرا... وصلنا مفيش حد تعالي براحه فتحت الشقه ودخلنا اتحدفت علي الكنبه اخيرا ياه حسيت اني في فيلم اكشن.😂😂لقيته لسه واقف ماتعد لازم اعزم يعني عالموم اعتبره بيتك رغم ان اكيد مش شبه بيتك وصغير 😅
مالك:لأ علفكره جميل جدا
نور بابتسامه:طيب انا هقوم احط عصير واجيب اكل عشان جعانه وزمانك انت كمان
مالك:طيب يانور بس اساعدك عشان محسش اني تقيل عليكي وكمان انا بعرف اطبخ
نور بضحك:طيب خلاص اعمل اللي يريحك تعالي المطبخ من هنا.😂😂هنعمل ايه بقي بص عندي فكره فيه بانيه نحمره ونعمل جانبه مكرونه ايه رأيك يامالك وادي العصير وبعد نص ساعه كنا خلصنا ياه اخيرا انا جعانه اوي 😋😌
مالك بضحكه خفيفه:اه واضح انك جعانه بزياده 😅
نور:امممم فعلا ايه رأيك بالاكل
مالك بأبتسامه حزينه:حلو جدا بس هو انتي ليه ساعدتيني رغم ان لو حد عرف هتحصلك مشاكل
نور:بص يامالك انا دايما بعمل اللي بيشوفه قلبي صح وقلبي قالي ان لازم اساعدك وكمان لو معملتش كده كنت هندم طول حياتي وهفضل اغلط نفسي
مالك:انتي انسانه كويسه جدا وانا اسف لان اليومين اللي فاتوا عاملتك بطريقه وحشه وائذيتك بس انا كنت فكرك زيهم  😓
نور:بص اوعي تفكر اني هسيبك بس هكمل علاجك في البيت لحد ماترجع زي الاول وبالنسبه لو عايز تقولي اي حاجه في اي وقت متترددش لاني هسمعك
بالمناسبه لو عايز تنام في الاوضه اللي هناك متوضبه هتنام فيها ولو احتجت حاجه انا في الاوضه اللي جنبك واه صحيح انا مش هزعجك وعشان خطري بلاش تقرب من الشبابيك والبلكونه ومتعملش صوت عالي اوكيه لان مش هبقي موجوده الصبح وفي موبيل سبته فيه رقمي علي التربيزه لو احتجت اي حاجه وانابره او تعبت مثلا
مالك:ماشي شكرا يانور ودخلت انام
نور:ازيك ياخالوا بجد اسفه بس كان ورايا شغل كتير
احمد:يانور انتي عارفه انك لوحدك فبقلق عليكي
نور:انا كويسه ياخالوا بس متأسفه مضطره اقفل عشان انام
احمد:ولايهمك ياحبيبتي😊
نور:نمت محستش بنفسي غير بالمنبه بيرن فقفلته وقمت جهزت وشربت قهوتي وقررت اطمن عليه وانزل ففتحت الباب بهدوء لقيته نايم وكأنه بقاله فتره طويله منمش فمردتش ازعجه ومشيت من البيت وقفلته كويس ورحت علي المستشفي
دكتور ماهر:كنتي فين يادكتوره نور مريضك هرب ومنعرفش ازاي
نور بتمثيل:هرب ازاي ده اخر مره شوفته كان نايم وبعدين ازاي الكاميرات مصورتهوش كله بسببك كان لازم تخدوا بالكم ولو جراله اي حاجه ده هيبقي تحت مسئوليتكم واحمد ربنا يادكتور اني مش هبلغ واقفل المستشفي ديه
ماهر بعصبيه:خلاص اسكتي احنا لازم نلقيه بأي طريقه لحسن لو استاذ هشام عرف هيبهدلنا كل واحد علي شغله يلا
شريف:نور تعالي عايزك
نور:نعم يادكتور
شريف:هو عامل ايه دالوقتي
نور:كويس بس انت عارف اني عايزه اعرف الدوا اللي كان بيخده هو ايه ياريت تعرفه
شريف:نور انا عرفت انو كان بيتعرض لبعض الاحيان لصدمات كهرباء وتعذيب بس معرفش السبب ايه
نور:طيب شكرا علي الملاحظه ديه انا هروح اخلص شغلي عشان تعبانه وعايزه اروح خلصت شغلي وروحت بس قبلها كنت جبتله هدوم وروحت علي البيت لقيته اعد ايده صحيت امتي
مالك:من شويه بس واضح انك تعبانه
نور:مش اوي متقلقش قله نوم وانا متعوده بقالك ايه انا جبتلك هدوم ومترفضش ولاتتكلم نهائيا عشان مضايقش بس المشكله ان متطلعش مقاسك
مالك:نور كده كتير الصراحه
نور:بس اسكت خدهم يلا ابدء بالقمصان
مالك:طيب دخلت الاوضه عشان اجرب القميص لسه كنت هلبسه لقيت نور دخلت في حد يدخل كده يانور😶
نور بصدمه:انت ازاي سايب نفسك كده انت مجنون يعني لو مكنتش عرفت انك اتعرضت لتعذيب كنت هتفضل بالحاله ديه ورحت جبت المعقم ولاصق طبي
اقعد يامالك
مالك بضيق:نور مفيش داعي وياريت تطلعي وتسبيني انا كده كويس
نور بعصبيه:اقعد يامالك ومن غير مناقشه جروحك دي لازم تتعالج وبعد معاناه قعد بص هي هتوجعك شويه
مالك:انا معدتش بتوجع يانور فعادي
نور بحزن:ضمدتله جروحه كان بيتألم بس متكلمش مالك انت كويس 😧
مالك:انا كويس يانور فاجئه لقيتها بتعيط مالك في ايه
نوربعياط:انا اسفه انا مكنتش عارفه انك بتتألم كده وساكت وتحملت كل ده انا مش قدره اتصور ان في حد بيأذي حد لدرجه ديه او حتي ليه عمل كده 😭
مالك بحزن:مسحتلها دموعها ممكن متعيطيش طيب انا كويس يانور
نور:ايه اللي حصل يامالك اللي وصلك لكل ده معتقدش انك تقدر تأذي حد عشان يأذيك كده
مالك بحزن:هقولك يانور انا تقريبا اتجوزت من تلت سنين من بنت حبيتها ووثقت فيها وهي وهمتني انها بتحبني كانت دايما بترفض الخلفه عشان ان هي مش مستعده تتحمل مسئوليه طفل فمردتش اضغط عليها بس هي خانتني مع صديق عمري اللي كنت بعتبره اخويا واكتر وكان يعرف غني كل حاجه ولما اكتشفت ده وواجهتها هي وهشام اعترفت بانها كان كل اللي عملته ده مخطط اننا نتقابل صدفه وكل ده وانها كانت تعرف هشام من قبل ماتعرفني وكانوا بيحبوا بعض وان هما اتفقوا علي انها تخدعني ونتجوز لحد الوقت المناسب اللي تقدر فيه تستولي علي املاكي وصدمتي التانيه انها كانت حامل منه انا من ساعت ماعرفت انها بتخني وطلقتها بس مكنتش تعرف وطبعا تأثير الدوا كان ليه عامل بانهم يزوروا ورق اني عندي مشكله نفسيه مأثره علي عبلي وفيها رحت المصحه وطبعا مين كانوا اقرب ناس ليا فهم اللي بيديروا الشركه وبالنسبه لتعذيبي فكان عشان اوقع علي ورق بتنازل عن كل املاكي بس لما رفضت بقي بيعذبني بالشكل ده وامبارح لما اتعصبت وكسرت حاجات كتير فكان بسببه لان مبقدرش اتحكم في اعصابي وبتجيلي نوبات بسبب الدوا
نور بصدمه:انت ازاي استحملت كل ده وازاي في شخص يقدر يعمل كده عشان الفلوس بس بالمناسبه انا عرفت ايه الدوا اللي كنت بتاخده ولقيت علاجه بس هو هيستمر بتاع شهر عشان تتحسن شويه وبعد كده هتاخده بس فترات بعيده عن بعض لحد ماتتحسن خالص
مالك:عارفه يانور انك اثبتيلي ان الناس مش زي بعضها ولسه فيه الكويس وكمان انتي وقفتي جنبي وساعدتيني مش عارف اشكرك ازاي بس بعد شهر هرجع كل اللي ليا لأن استحاله اسيبهم غير لما ارجع حجتي وانتقم للي عملوه فيا وانتي هتساعديني فده يانور حتي لو كنت هموت بس مش هسيبهم يعيشوا بسعاده
نور بقلق:مالك انت هتعمل ايه وبعدين انت مش هتتعافي بشكل كامل خلال شهر وكمان انت بتقول ايه انت مش هيجرالك حاجه طول مانا موجوده وبعدين انا الدكتوره بتاعتك وبمنعك من اي مخاطره والمفروض تسمع كلامي
مالك:موعدكيش يانور بأي حاجه وعالموم سبيها علي ربنا............
يكمل