" الم فتاة 💔 ... "

الكاتبة✒ : عاشقة الصمت 🐼💛

الحلقة "2 "

من رواية الم فتاة

للكاتبة ( عاشقة الصمت) ممنوع تحريك الاسم من مكانه 🐼💛.
----------------------------------------
ماريا: مدام الفطور جاهز .

فطرت و مشيت لقيت مراد يراجي و معاه نورسين .
نورسين: حياة هيا اطلعي (انا و مراد و نورسين في مدرسة وحده تانويه ) .
انا: هيا مشينا لي المدرسة و كنت حاسه بي خوف و توتر انا معنديش صحبات حبيت هذي المره ندير صديقه مقربه ليا خشيت و لقيت بنت مقمعز بروحه قمعزت معاه عجبتني و كويسه و باين عليها شاطره .

البنت : ممكن نتعرف .
انا: عادي انا حياة مواليد 95 و انتي
البنت :انا دعاء مواليد 95 يعني من عمر واحد انا و انتي .
انا: ابتسمتله دعاء حسيت روحي كاني نعرفها قريبه من القلب واجد .
دعاء:اول سنة ليك هنا .
انا: لا من اوله ثانوي هنا .
دعاء: انا اول سنة هنا كنت نقراء في مدرسة تانيه.

تم الدوام و خدينا حصص ... رن جرس المرواح.
انا: هيا نتلاقو بنروح.
دعاء: باتك جاء.
انا: اهلي متوفين بنروح مع ولد عمي .
دعاء: اسفه حياة مش قصدي.
انا: لا عادي ولا يهمك.
طلع مراد و نورسين و روحنا .
.
.
.
اول موصل رقيت درت حمام و بدلت و بديت نقراء مليت نزلت بي كراستي لي الحديقة انتمشا طبعا الحديقة كبيره و فيها أشجار و ازهار كلهن مناظر و كلها عشب و فيها طاولة و كراسي ندهور و نقراء و بعدها قمعزت رن هاتفي رديت
دعاء: الو
انا: الوهات .
دعاء: هههه كيف حالك حياة و شن اخبارك .
انا: تمام و انتي .
دعاء: بخير شن اديري.
انا: مقمعزه في الحديقة متاعت حوشنا حقا تعالي هدرزي يوم من الايام .
دعاء: انشاء الله تعرفي حاجة .
انا بستغراب: شن .
دعاء: انحس فيك مختلفه عن كل بنت و حبيتك واجد و انشاء نكون مع بعض ديما.
انا: انشاء الله و انا حسيتك صديقه وفيا.

هدرزنا و فات الوقت رقيت رتبت دبشي و ادواتي لي بكرا و فتحت نت
بعد مرور الشهور وجاء نهاية العام الامتحانات  علاقتي بي دعاء قويه و صارت اختي نشكيها همي نكلمها في اي وقت و هيا ايضا .
(ملاحظة الاحدات و التطورات كلهن بعد تخش حياة الجامعة و رح تكون الرواية احلى)

اخر يوم في الامتحانات متاع الشهادة

انا: واخير اخرى يوم .
دعاء: الي يسمعك يقول دارت حرب مش امتحان .
انا: ههههه اسمعي تعالي اليوم عندي .
دعاء: اممم توا نشوف صهيب .
انا: مدخلنيش دبري راسك اهم شي اتجي .
دعاء: باهي اهو صهيب جاء سلام.
انا: حتى انا بنروح جاء مراد.
«نعرفكم بي دعاء صديقتي المقربه زي اختي بنت عسل مواليد 95م مش طويل و لا قصير عيونها خضر شعرها اسود و قصير و بشرتها بيضا هيا معندهاش خوات عندها خو اسمه صهيب مواليد 91 م مهندس امها نسرين و بوها محمد »
.
.
.
روحت و درت حمام و رقدت و نضت الساعة 2:00 م خشيت الحمام (حشاكم) و نزلت لقيت الغداء واتي و سالمة مصبيه و قارنه حواجبها .
سالمة : وينك معاد تنزلي على شوي تموتي من هل القرايه راه غير تنحولي بعدها ما يشبح فيك واحد.
انا: قرايتي فوق كل شي يعني وقتي كله له و كان نحولت انا مليون واحد يتمنا غير نعطيه وجه .
سيبتها وعديت لي عيت عمي عبد السلام ندق حل الباب مسعود .
مسعود : اووو حياة شن الجو
انا: تمام التمام مراد وين .
مسعود : في داره جوه خشي .
انا: مشيت خشيت لقيت راقد انوض فيه مراد مراد .
مراد: اممم نعم .
انا: نوض نبيك في حاجة .
مراد : اوف ما تخلي واحد يرقد .
انا: اهيا ورقه فيها حاجات جيبهن فيسع صحبتي جايه .
مراد : افففف منك انتي و صحبتك.
انا: غير هيا بسرعه.
مراد : متخلو واحد يرقد و ناض.
.
.
عديت درت كيكه و رقيت درت حمام و بدلت لبست ديشرت ابيض و سروال ابيض في الاسود و شعري رفعته فوق و نزلت قمعزت جنب النفوره و مكسده على الاب توب وبعدها جت عمتكن دعاء.
انا: واخير جيتي و حضنتها .
دعاء: صهيب توا طلع .
انا: حيوانة نراجي نحسابك غير ما تجيش.
دعاء: اوكي المره الجايه عليك تعالي لي حوشنا.
وقعدنا نمشو وبعدها قتله خلينا نخشو .
انا: دودي باتي هنا و نقول لي بنات عمي يجو نهدرزو و جو .
دعاء: ياريت بس امي وريفت ع البنات.
انا: عطيني نكلمها.
دعاء: باهي انشاء الله توافق.
عطتني حكيت مع امها و بعد صعوبه قالت باهي انا فرحت.
انا: شن رايك تمشي معايه غادي .
دعاء: قالت باهي .
عدينا نديناهن و روحنا لي الفيله متاع امي و رقينا لي جناحي .
خشو لي داري هيا خشينا قمعزنا انا نزلت جبت كيكه و عصير و شبس و شكلاطة انواع واجد و قمعزنه
انا: كل شي موجود مفيش داعي نطلعو من هنا "انا حبيت نقوي علاقتي بي بنات عمي لذلك خليت دودي تبات علشان نهدرزو و هكي"
البنات قعدن يضحكن عليا .
سلسبيل : حياة امتى جامعتك .
انا: لا اعلم .
دعاء: حيوته قالو شهر 11
انا: افففف مزال شويه و تبدا .
دعاء: مزال 4 شهور .
انا: بنسافر لي ماليزيا شبحت معهد متاع دورات انجليزي بنعدي .
دعاء: بنقعد بدونك .
انا: اطلعي معاي 3 شهور و نروحو .
سلسبيل : قلتي لي حد.