هدى
بدت امتحانات علي يقرة خطية كلش تعب صار اول يوم كعدت من الصبح سويتلة ريوك وكعدتة اكل وسبح وبدل وعدل شعرة
علي\ها عيني محتاجة شي.
هدى\لا ربي يوفقك وتنجح
علي ببتسامة \يلة تعالي سدي الباب
راح وقريت ورا اية الكرسي وكمت انظف البيت ولفيت الدولمة وطبيت سبحت وصارت ال1 صليت وطب علي
هدى\ها الله يساعدك. شلونه امتحانك؟
علي وهو يكعد على التخم\زين يلة صبيلي غدة اريد انام دكعد اقرة
هدى\ان شاء الله وهدومك محظرة
علي\مشكورة وكام للغرفة
هدى طبيت ثرمت زلاطة وصبيت الدولمة وحطيت لبن اجة علي
علي\اووووفيش عاشت ايدج
هدى ببتسامة \الف عافية
علي\هدى بعد 3 ايام ونرجع
هدى\ليش صاير شي؟؟
علي\لالا بس الشيخ احمد عرسه
هدى\فدوووة ان شاء الله
--------------------------------------
الشيخ احمد
دنحظر لعرسي اسبوع الاخ اتصلت بعلي احسه مرتاح وية هدى ابتسمت وكتله اذا تكدر ارجع كال اووك نهيت ويا طبيت للديوان حليت قضية صبو الغدة وكملنا رحت للبيت غسلت وصليت طلعت شفت عماتي هاي عدنة عادة من واحد يتزوج قبل اسبوع البيت ينخبص المهم سلمت عليهم وطلعت رحنة طبعنا البطايق والولد عزمو العالم كل العشيرة لان الشيخ بعد رحت لبيت عمي كعدت وية قمر
الشيخ احمد\حبيبي محتاجة شي رايدتة للعرس
قمر بخجل\لاحبيبي انتة كلشي سويت
الشيخ احمد \درفعي راسج دهل اشوف القمر
قمر رفعت راسها
الشيخ احمد \فدوة وباسها
قمر\اااحم احمد تريد مي
الشيخ احمد\ههههههه اي
كامت تركض طب عمي وكال
عمي\ها شيخنا شلونك
الشيخ احمد كام وباس راسه \زين عمي الحمدلله انتة شلونك عمتي شلونها
عمي\الحمدلله .عمي اريدك تدير بالك على قمر لان متدري الله شوكت ياخذ امانتة
الشيخ احمد\لا عمي عمرك طويل وقمر حتصير مرتي وامانة بركبتي ولتحجي هيج ان شالله عمرك طويل
فاتت قمر وزعت الجاي وطلعت واني هم طلعت صار الغروب طبيت البيت مليان نسوان وجهال صعدت لغرفتي لاكاني خالد
الشيخ احمد\ها ابو الشباب شلونك
خالد بضحكة\احمد لح تصير عم
الشيخ احمد بتسم\ربي يحفظكم مبروك وطلع 200 هاك هاي فرحة البشارة
خالد باسة من راسه\ربي يحفظك ويطول بعمرك يوم الك
الشيخ احمد\ان شالله
-----------------------------------------------------------------------------
علي\كرار يلة عاد هل نطلع يلة هدى
هدى وكرار\جينااااا
خلصو ال3 الايام وامتحنوا وحيرجعون للعمارة
لل4 العصر وصلو
علي \يمنا لو بيتكم
كرار\لا يمكم.
علي\ خووش
وصلو فتحولهم البوابة طبكو هدى بسرعه فاتت لان اكو زلم برة
هدى\السلام عليكم
الحجية\وعليككم السلام هلا يمة هداوي
باستها وسلمت على الكل
نور\يلة ومدت ايديها
هدى رفعت حاجبها\شنوو
نور\الوصيتج علي
هدى\ههههه من يطب علي الجنط انطيجياهن
نور حظنتها حيل\شكرا وكامت تبوس بيها
هدى\هههه مصلحجة
-----------------------------------------------
علي وكرار طبو للديوان
السلام عليكم
الكل\وعليكم السلام
حضنهم الشيخ وبوسهم
كعدو وشوية وكامو علمود يرتاحون
--------------------------------------------------------------------
يوم الحنة
قمر
اليوم حنتي كمت طبعا بيتنه كلة خالاتي وعماتي وجهالهم
قمر\صباح الخير
الكل\ صباح النور يلة عروستنا تعالي اكلي علمود تروحين للصالون
قمر \ان شاء الله
وكعدت طبيت سبحت وطلعت بدلت اجونة خالد وصبا(مرتة) وهدى ونور ورحنة للصالون لل 5 العصر خلصنة
رجعنا تلكونة بالهلاهل كعدت بالكوشة وبدو العالم يجون نص ساعه ونترس البيت وكامو يفتحون الاغاني وكامو يركصون بس صبا كعدت يمي لان حامل شوية واجو اهل احمد طبت عمتي وكامت تهلهل وكالو حيطب العريس فات يمة كلبي لابس دشداشة نيلي وعكال وعباة مطرزة والسبحه بيدة والعطر يمشي كبالة باسني من راسي والكل يهلهل شوية ونور جابت الصينية مال حنة حناني وكامو يطكولنا صور
الخاتونة
