باااارت مفاجيء حبايبي منطاني كلبي اعووفكم لليل واشكركم على تعليقاتكم الي تخبل مثلكم والي تشجعني استمر وبارت الليل هم موجوود لاتخافون صووتوا ودعموني 😘متابعة طيبة
البارت الثامن عشر
فيّد عبدالله
درة:كعدت والبنية بس صافنة بوجهي حسيتها مو طبيعية سالتني امها شسمج يمة كتلها اسمي درة كالت عاشت الاسماء اسم على مسمى محظوظ ساهر بيج والله هالرجال دخل كلبي واحسة وليدي من صدك وكلت كون الله يريحة مثل ما مخلي الشيخ مرتاح وراسة بارد والله هالزلمة هدية والله دزها النا الشيخ من زمان بنفسة يخدم الفلح بمشروع ويطور هالقريةبس ينراد حيل ووكفة مال شباب وهو تعبان ومريض الله عوضة بساهر كتلها مشكورة والله يكدر ساهر على هالامانة ويخلي دووم بحسبة ابنكم اخذت فهد الي كام يبجي نعسان واترخصت انومة فوك صعدت واني صافنة بهالبنية ولانطقت حرف وبس تصفن شبيها معقولة معجبة بساهر ومتدري متزوج وانصدمت من عرفت، يصير هي الي تدك عليه بالليل كمت اربط اي هالاتصالات كامت تجي ورة مااشتغل يمهم بفترة فار دمي وكرهتها وجان بودي احركها لمجرد فكرت بزوجي وقطعة كلبي شوية واندكت الباب كمت فتحتها تفاجأت البنية كدامي وكالت ممكن ادخل جان بودي الزمها واملخها واكلها ابتعدي عن ساهر حتى بتفكيرج كتلها ببرود تفضلي دخلت وكعدت هالجرباية ومبتسمة كتلها شسمج كالت اسمي سمر كتلها عاشت الاسامي ضلت تباوع بالغرفة وكالت غرفت ساهر حلوة اتنرفزت من اسلوبها واتأكدت من نيتها وتفكيرها كتتلها قصدج غرفتنا اني وساهر باوعتلي وخزرتني وكامت كالت راح انزل كتلها اتفضلي وفتحت الباب الها هي حست بية افتهمت عليهة طلعت ونضرتها ابد مو مريحة واني احس نار واشتعلت بصدري شوكت تمشي معقولة ساهر هم يحبها لامستحيل اصلا مايرد عليها من تتصل هو وعدني ميحب غيري اوووف خل انزل عفت الباب مفتوح عالمود فهد اذا بجة اسمعة ونزلت احضر بالغدا شوية واذن الظهر صلينا وصبيت وساهر كلي صبي وكملي للنسوان وانوب للزلم كملي وطلعي من المطبخ اني وخواني ننقلهن كملت كلشي للنسوان والزلم وصحت ساهر رحت كعدت اتغدة وياهم وخالتي وام سمر مندمجات بالسوالف ومرات اشارك وياهم بس تركيزي كلة يم سمر الي جانت بس تتصفن وحتى مااكلت هواية
سمر:ضليت حسبة تجيبني وحسبة تاخذني من اسلوبها فهمت انه هي عرفتني احبة لساهر وهالشي يمكن شجعني اكمل فكرتي كملنا غدا ونقلت المواعين وصبت جاي اجيت وكفت يمها وهي تغسل مواعين واني اشرب جاي كتلها بستانكم حلوو كالت ماشايفتة كتلها شعجب الي عرفتة صارلج شهرين او اكثر هنا كالت ساهر
ميقبل اطلع كتلها شعجب مو شديد كلش هووة لاتظلمي وجنت متعمدة احجي هيج التفتت علية وكالت شمدريج مو شديد سويت روحي ارتبكت وكتلها ها اني كلت هيج مااتذكر ،اريد اطلع للبستان ورجعت لامي استاذنتها وطلعت رحت للبستان ودزيت مسج لساهر كتلة اذا متجي لبستانكم ورة نتفاهم الا افضحك
ساهر: جنت كاعد بالديوانية واجتي رسالة من سمر تريدني اروحلها للبستان تخبلت هاية ماردت اروح وطنشتها اجاني مسج ثاني والله اسويها واني مخبلة كلت هي صدك مخبلة لايطبكن وتخرب الاول والتالي ماعولت اني و درتي صفينةلهسة اتذكر حركتها مال اليوم وابتسم خررب بعشيرتج سمر شجابج وكتها اترخصت وطلعت واني افور منها
YOU ARE READING
لم يكن بالحسبان
Romanceهي لم تكن تحسب انها ستكون ضحية لعادات الظلم والجهل لتذهب (فصلية)لمصير مجهول هو لم يحسب ابدا انه سيتزوج بعد تجربة مأساوية لكنها يتجاوب مع رغبة والده دون قناعة منه ،كيف سيتعامل الاثنان مع ما لم يكن بالحسبان
