#العقائد
سؤال #عقائدي...
واحد يكول ..ليش الله راد يلفت نظرنا ويبهرنا بمخلوقاته بالقران؟ يعني انظروا للشمس انظروا للقمر انظروا للجبال كيف سيرناها ....الخ
ليش راد يلفت نظرنا ع رغم هالاشياء بالنسبة لقدرته بسيطة جداً يكدر يخلقها بثانية او اقل! شنو الغاية!
نجي نجاوبه ونكله هي الغاية مو ليش راد يبهرنا بس الغاية ليش انت بالذات راد يبهرك!! !! ليش انت بالذات راد يلفت نظرك!!
يعني اليوم يجي حيدر العبادي ينطيني مليون
اني مااستغرب ليش حيدر العبادي انطاني مليون لان المليون عنده مثل الربع
بس استغرب ليش اني بالذات انطاني!!
كذلك رب العالمين...تخيلوا شكد الله مسويلنه اهمية وقدر بحيث سخّر كل مخلوقاته لخدمتنه!! ! لا موبس هيج وجعلنا خلفاء هم!! ويجي واحد يكول لو الله مخالقني احسن بس اصرف اوكسجين! ! لا يااخي اكو غاية من خلقك انت ماانخلقت عبث!!
زين يجي هنا السؤال
#لماذا خلقنا الله؟
اي واحد اسأله راح يكول للعبادة بدليل (وماخلقت الجن والانس الا ليعبدون)
وصحيح جوابه للعبادة وطبعا العبادة مو لازم يكون صايم نهاره مصلي الليل ...لا ...الكلمة الطيبة عبادة والابتسامة عبادة والمساعدة عبادة!!
لكن ايضاً موبس لهالشي الله خلقنا
لان منكدر نعبد بدون منطيع
ومنكدر نطيع بدون منحب
ومنكدر نحب بدون منعرف!! !
يعني شنو! يعني بالاصل احنه انخلقنا للمعرفة...لمعرفة الله... وبس راح نعرفه راح نحبه وبس نحبه راح نطيعه واذا طعناه راح نعبده حق عبادته! !💚
زين وبعدين؟ حبيته وعرفته واطعته؟ شيصير! !
تجينا الجائزة هنا ...( عبدي أطعني تكُن مَثَلي تقل للشيء كن فيكون)
يعني يااخي ياعزيزي انت بس انوي توجه مسارك لرب العالمين وهو راح يساعدك ويعينك ويخليك تحبه ويساعدك ع معرفته وطاعته.♥
YOU ARE READING
فــآئدٍةّ💎(الجزء الثاني)
General Fiction💜كل مايذكر منقول~~~ • ﺣﻴﻦ ﻧﺮﺳﻞ ﺑﺎﻟﻨﺼﺢ ﻭﺍﻟﺘﺬﻛﻴﺮ ﻻ ﻳﻌﻨﻲ ﺃﻧﻨﺎ ﻓﻲ ﻗﻤﺔ ﺍﻟﺘﺪﻳﻦ. .ﺃﻭ ﺍﻟﻤﺜﺎﻟﻴﻪ ﺃﻭ ﺍﻟﻜﻤﺎﻝ .. ﺑﻞ ﻫﻲ ﺭﺳﺎﺋﻞ ﻧﻮﺟﻬﻬﺎ ﻷﻧﻔﺴﻨﺎ ﻗﺒﻠﻜﻢ . ﻟﻌﻠﻨﺎ ﻭﺍﻳﺎﻛﻢ ﻧﺮﺗﻘﻲ ﻭﻧﺠﺎﻫﺪ ﺍﻟﻬﻮﻯ .ﻣﻬﻤﺎ ﺑﻠﻐﻨﺎ ﻣﻦ ﺍﻟﻌﻠﻢ ﻭﺍﻟﺘﺪﻳﻦ ﺃﻭ ﺍﻟﺠﻬﻞ ﻭﺍﻟﻤﻌﺎﺻﻲ ﻓﻨﺤﻦ ﺑﺤﺎﺟﺔ ﻟﻠﺘﻮﺍﺻﻲ ﻭﺍﻟﺘﻨﺎﺻﺢ ﻓﻴﻤﺎ ﺑ...
