حكاية_عهد_واسامه
البارت_الرابع_شغلت_تفكيري
#بقلم_LamarAlzankna
#الناشربارق_العراقي
سدينة الخط منهم بعد ما اتشكرنة منهم سرمد: ها اسامة شقررت
اسامة : والله مادري خليني أسال بعد اتاكد هذا زواج مو لعب جهال
سرمد: حقك اني اية بت خالتي وسألت عليها
اسامة : يلة كوم جوة عيب من زلم خواتك
طبينة وياهم كاعدين نسولف احنه الزلم ع الشغل والنسوان كل وحدة كاعدة تكشر فواكه لرجلها واني صافن عليهم
اميرة( بت سجى عمرها ١٨ سنة) : هاي شنو كل وحدة تذكر رجلها وخالي عايفي هاك خالو اني اذكرك
اسامة : والله محد يحس بية غيرج ي يروح خالج
ضحى: يوم الي نشوف مرتك تكشرلك
اسامة : هههههههه عاد انتن النسوان من تلكفن سالفة تلزكن بيها لزك
سجى : دحجي يول منو هية سعيدة الحظ هاية وشسمها ووين بيتهم
اسامة : ما احجي شي
ربى : عليك الله اسامة
اسامة : اووف شتريدون تعرفون عنها
اميرة: كلشي كلشي حلوة اسمها عمرها شتدرس كلشي عفية خالو كلشي
اسامة : ماشي ماشي على كيفكم وياية ماكوللكم شي بس لخاطر اميرة لان كشرتلي برتقالة راح اكوللها بكدج تقريبآ راح تجيج صديقة
اميرة: عزززززا
سجى دفرتها : وسم شبيج
اميرة: حيللللل خالو صغيرة خطية
مصطفى ( رجل ضحى) :يا صغيرة
اسامة : لحضة لحضة انطوها مجال تكمل
ضحى : معليك بهاي الغبية كمل
اسامة: ضححى انطيني مجال كملي اميرة شنو قصدج
اميرة: اسفة خالو مو قصدي شي
اسامة : لتخافين خالو بس اريد اخذ رأيج لان مقاربة لعمرج تعاي كعدي بصفي تعاي
ردت افهم وجهة نظرها اكيد ثنينهن نفس التفكير لان نفس العمر صحتها بصفي بهدوء جتي خايفة
اسامة: اي كملي شكلتي
اميرة : مقصدي شي بس فرق بينكم ١٢ سنة كللش هواي شلون راح تاخذها صص غيرة
صفنت شلون مفكرت بهاي السالفة اني
اسامة : يعني اميرة هسه لو انتي بدالها متاخذيني
اميرة: هههه خالو اني بت اختك ميصير
اسامة : لتصيرين غبية لو بدالها متاخذين واحد اكبر منج ب ١٢ سنة
هزت براسها بمعنى لا صفنت بدماغي صدك حجي اميرة شنو الي يخليها تاخذ واحد اكبر منها ١١ لو ١٢ سنة وهي حلوة وصغيرة شيجيبها علية قطع تفكيري صوت اميرة: الوووو خالو وين صرت
اسامة: هاا خالو
طلعت من جيبي ١٠ الالاف ونطيتها باستني بخدي وكامت
اميرة: ان شاء الله تتزوجون وتصير صديقتي
مرت نص ساعة واني افكر بهل موضوع انقطعت وياهم وضلن خواتي يحجن لتصدك بيها هاي غبية ومن هل سوالف حتى يقنعني بس صراحة الموضوع صدك حجي اميرة عين العقل استأذنت منهم وطلعت وصلت لبيتي نزلت تمددت ع التخم وضليت افكر هاي شلون اني خليت ببالي وحدة بعمر بت اختي قررت انسى الموضوع مرت ٣ ايام واني احاول انساها بس مكدرت اطلعها من بالي ساعة اكول اتقدملها وساعة اكول لا ساعة اكول اتقدم شخسران وساعة اكول لا تنكسر كرامتي اذا رفضت خصوصآ بعد ما سأجلت وسمعت هواي متقدميلها ورافضة وهمة اصغر مني بالاخير كلت الخيرة فيما اختاره الله اتقدم ويحلها الف حلال بس انتضرها تكمل امتحانها وتطلع نتيجتها ماريد اشغل تفكيرها
-------
بعد ما استلمت النتيجة واكعة بل تاريخ ضليت بس اقرة فد يوم جتي ام علاء جوارينة تضرب ابرة يم ماما سادين الباب دتضربها الابرة واني ورا الباب داجيبلها مي سمعتها تكوللها سألو علاء على عهد بس مكالت منو اني مهتميت صح انشغل تفكيري منو ومنين يعرفني بنية بعد واحد ناوي يتقدملها لازم يشغل تفكيرها هل موضوع بس اني مخلية معايير خاصة ل فارس احلامي رغم الكل يضحكون علية وعلى فارس احلامي بس مو مهم متخلفين ماعلية بيهم امي مفتحت الموضوع وياي تدري بية ارفض كالعادة المهم مرت فترة امتحانات الدور الثاني خلصت وطلعت نتيجتي نجحت الحمد لله معدلي نزل لل٦٥ ٣ ايام الناس تجي يجيبون فضل وهل سوالف ويباركولي نجاحي وكلها تسأل شتقدمين ياكلية واني اكوللهم فنون جميلة وصدك قدمت الف الحمد لله انقبلت
&&&&&&&&&&&&&&&&&&&&&&&
YOU ARE READING
عهد واسامه بقلم Lamar Alzankna الناشربارق العراقي
General Fictionانا تلك الفتاة التي لا أومن بوجود الحب نهائيآ..عهد... انا ذلك الشاب الذي لا أومن الا بحبها ....أسامة.... كيف سيستطيع اسامة تغيير نضرة عهد عن الحب تابعوو القصة لتعرفون قرأءة ممتعة (( باللهجة العراقية))...... لا احلل لأي شخص بأعادة نشر القصة بدون ذ...
