احببت أخو زوجي 💞

البارت 28

🌺صباح جديد🌺
فاقت دينيز كتكسل دورات وجها ملقات حتى واحد حداها و جاها احساس خايب يكون جسور خدا ليها ولدها لا لا ميمكنش كفاش قدر يدير ليها هاكا ناضت بزربة كتغوت لمينة هبطات لصالة لقات كلشي مجموع وكيشوفو فيها و كلهم حابسين ضحكة على حالتها و شعرها لي مشعكك مشعراتش حتى عنقات جسور و بقات كتبكي فحضنو
جسور ؛كالما اش واقع ليك ادينيز
دينيز ؛ انا ملي ملقيتكمش يحسابلي
جسور يحساب ليك انا عديم الضمير غناخد ولد صغير ونحرمو من الام ديالو ياك
دينيز؛ زات تخشات فيه كتر و هيا كتشهق) سمحليا عافاك را ملي ملقيتش سيف خفت عليه بزااف
جسور؛ نتي ديريها قد راسك و قولي سمح ليا ههه اجي تفطري اجي الهبيلة
دينيز؛ لا غير بصحة غنمشي نفيق ريم قارية مع ل 10
مينة؛ هيا فاقت را كتلبس فحوايجها شويا و تهبط
ريم؛ صباح لخير
الكل /صباح نور
دينيز؛ صباح لحب الحب كيف صبحتي مزيان
ريم؛ مزيان شكرا
دينيز؛ حبيبة واش مقلقة مني
ريم؛ اه مقلقة و بزااف نتي راك غوتي عليا وقدامهم (شافت فاشقر و جسور )
مينة ؛هادو مشي برانيين ابنتي
ريم ؛لا برانيين اصلا فين كنعرفوهم
جسور؛ انا راجل ريم و بابات سيف
ريم؛ سمحل ليا نتا راجل وصال َ و سيف خويا انا يعني ماشي ولدك نتا
جسور؛ ممم لسانك طويل و هدرتك كبر منك َلكن مزيان ملي جبتي هاد الموضوع باش نيت تعرفو بلي انا متزوجتش بوصال
دينيز؛ كفااش ولكن نتا داك النهار
اشقر ؛فاخر لحضة سيد دار لنا فحال الأفلام و تراجع ههه
دينيز؛ وعلاش كنتي غتزوج بيها من الاول اجي و انا مالي حياتك هاديك
جسور؛ (ضحك على هبالها) هيا قالت بلي الى تزوجت بيها غتوريني ماري فين كينة
دينيز؛ اويلي وديك ساعة تزوج بيها را بنتك هاديك خاصك ضحي على قبلها
جسور؛ سمعتها كتهدر مع باباها وقالت ليه

🌺فلاش باك🌺
وصال؛ بابا بغيت نهدر معاك
محمد؛ اشنو بغيتي وفين هو راجلك
وصال؛ انا معرفتش اش مزال كيدير مع اية لفوق
محمد؛ عنداك يكون عرف بلي حنا معارفينش بنتو فين كاينة
وصال؛ كون عرف كون حيح علينا هنا و فضحنا قدام الناس
جسور؛ لا حشومة نفضحك ههه طلعتي كتعرفي تلعبي ومزيان و لكن وياك تلعبي بموضوع بنتي مرة أخرى كنقسم ليك غنقتك واش فهمتي
..... 🌺الحاضر🌺
جسور؛ وهادشي لي وقع وملي بغيت نعود ليك اش وقع انا ملقيتكش فدار و من بعد قلبت عليك و ملقيت ليك حتى اثر كون مشفتكش فالغابة داك نهار مكنتش غنعرف فين كاينة
اشقر؛ واش نتي هيا البوص بصح ا دينيز حيث هادشي مدخلش ليا لراسي
دينيز؛ الله يخليك لبنت صغيرة متهدرش فموضوع فحال هاذا قدامها
مينة؛ انا غادي نوصلها لمدراستها
دينيز؛ ولكن هبا را مزال مكملات فطورها
مينة ؛ انا غناخد ليها شي حاجة فطريق ردي لبال لسيف
دينيز؛ واخة اماما مينة الله يعاونك عليها
مينة؛ امين
اشقر؛ وملي بقينا بوحدنا جوبيني
دينيز؛ اه انا علاش هادشي مدخلش ليك لراسك واش يحسابليك لمرة حياتها هيا الكوزينة را حتى هيا تقدر دير كلشي
جسور؛ و لكن مكتبيعش ضميرها و تولي مجرمة اولا
دينيز؛ هاديك حياتي انا و انا نقدر ندير فيها لي بغيت واش فهمتو و دابا الى شفتي ولدك تقدر تمشي
جسور؛ انا مغنمشي لحتى بلاصة غنبقى هنايا حدا مراتي وولدي
اشقر؛ وانا غادي نمشي فحالي الله يعونكم
دينيز؛ اشقر يمكن نخلي عندك سيف حتى تجي مينة انا و جسور خاصنا نقديو شي حاجة
جسور؛ اش باغا ديري تاني
اشقر؛ واخة معنديش مشكيل
دينيز ؛شكرا بزااف يلاه نتا خاصنا نمشيو

خرجات دينيز و جسور و خلاو اشقر كيلعب مع سيف
جسور؛ نتي فين غادا بيا ياكما باغا تخطفيني
دينيز ؛ مالك حامض اصاحبي نتي غتعوني نشوف بابا انا خاصني نوريه بلي انا قوية و قدرت نهرب من تما عكسو هوا
جسور؛ ولكن را انا لي هربتك باغا تباني على ضهري و اصلا را ممسموحش ليك تشوفيه دابا
دينيز؛ نتا قادر على كلشي منخافش عليك تحرك خلاص

.... يتبع