العنوديه والنقيب الشرس

العنوديه والنقيب لشرس 2

#العنودية_والنقيب_الشرس
#المحطة_الثانية

شاهين ..انشوف عووود ياااااا...... ههههه يا ام خشم اليابس خشم منو راح ينكسر 😉
شهلاء ..هه خوفتني 🙄
دفعته من كدامي ردت انزل جان يلزم ايدي وكال ديري بالج تخلين راسج براسي تره اكسره الج
نفضت ايده كتله انت شنو ميوكف كدامك احد ..لاعبالك سوالفك هاي اتخوفني ..لاعيني اصحه اني ماخاف بس من الي خلقني ..واصلا منو انت حتى احط راسي براسك تره انت منطي حجم لنفسك اكبر من حجمك
شاهين ..😳😳من سمعتها حجت هل حجاية اتخبلت عيوني صارت بكصتي شلت ايدي ونفضتها براشدي فريت راسها فر ..
شهلاء ..من حجيت عليه هيج شفت عيونه انفتحت ع وسعهن وكامت الشرار تطاير منهن وجان يضربني راشدي انصدمت من ردت فعله حسيت اذاني انطرشت خليت ايدي ع خدي مكان الضربه حسيته صاير نار كمت ابجي وصرخت عليه وكتله ايا نذل ياحقير وكمت حيل اضرب بي بأثنين ايدي
شاهين ..مادري شسويت اني خررب اتعصبت واتصرفت تصرف بدون وعيي كامت اتضرب بيه لزمت ايدها وكتلها اششششششش كافي اني اسف مو قصدي والله بس انتي اتجاوزتي وهاي جانت ردت فعل لا اراديا مني ..وجان احظنها وهيه تبجي رفعت راسها وعيونها صدت بعيني اووويلي يالكعبة عيونها لونهن لون الشمس اتخردلت وهيه بحظني مسحت دموعها وكتلها اترجاج اهدي
شهلاء ..دفعتها بكل قوتي وكتله سهله اله ادفعك ثمن هل كف غالي يامتوحش ..وعدلت نفسي ومسحت وجهي ونزلت ركض للحمام غسلت وجهي وكلت بسيطة شاهين اني الك سحبت نفس عميق وسديت المي وطلعت رحت للصالة جانوا فارشين وناصبين الغدة ماما باوعت عليه واشرتلي تعالي يمي ..رحت كعدت يمها
زهور ..وين جنتي شكد صحت عليج حتى تتغدين
شهلاء ..احم شسمه جنت بالحمام ..
زهور ..شبيها عيونج شنو باجية
شهلاء ..هاا لا بس طب اتراب بيها ورحت للحمام غسلت
زهور ..اهاا ..ديله يمه اكلي حتى نرجع لبيتنه ونرتاح لان ميته تعب
شهلاء ..ماشي ماما ..مديت ايدي داكل وجان يصير شاهين كبالي نزل من فوك وبقه يباوع عليه اني خزرته بعيوني ورفعت تك حاجبي وصكيت سنوني عرف مطايقته وهوه رفع شعره بحركه سريعه وابتسم وراح للديوان ..شبي هذا والله خبلني ولا ينفهم غامض وجع ..
كعدت وكملنه غدانه وشالوا السفرة وراها جابوا الجاي ..وبقن النسوان يسولفون ويه ماما ويسئلوها شلون جنه عايشين بالهند ..وماما تجاوبهم ..
زهور ..والله الدولة جانت حاطه بيوت للموضفين بصف السفارة العراقية بيوت اتجنن حتى مسبح بيها وعشنه بيها طول هاي المدة ..
ام جاسم ..اي بالعافية عليكم اكول حبيبة ام شهلاء بناتج ليش مامحجبتهن تراهن حلوات ومجذبات للنظر احنه ماعدنه بنات بعمرهن مامحجبات اصغر وحدة بصف ثالث ابتدائي ومحجبيها
زهور ..اي صحيح عمة كلامج بس تعرفين احنه جنه بالخارج ومسئلة الحجاب ماكو هناك ..بس ان شاءالله مادام رجعنه لديرتنه ويم اهلنه وناسنة راح احجبهن مثل متريدون صااار
ام جاسم ..اي عفيه بنيتي الله يبارك بيج ..شو تعالي شهولة اكعدي بسدي
شهلاء ..كمت ورحت كعدت بصف بيبي ..وكامت تلعب بشعري وكالت فدووة لهل شعر عبالك حرير ..اني ضحكت كتلها عيونج الحلوات بيبي وبستها
ام جاسم ..فدوة لطولج تدرين اني ماخلفت بس ابوج وعمج جاسم وهمه روحي من الدنيا وجهالهم اعز بعد .. يعني انتي واخوتج عندي بالدنيا هسه
شهلاء ..فدوة لعمرج بيبي حبيبتي ..تسلميلي ..اني دائما جنت اسئل بابا عنكم واحد واحد لان عنده صوركم بالالبوم حاطهن وجنه نتفرج ونسولف بيكم ..وكال جدو ياسين متزوج 4 هههههه انتي يا رقم بيهن 😁
ام جاسم ..ههههههه اني الصغيرة عيني يعني رابع وحدة ختم زوجاتو بيه
شهلاء ..اهااا لازم عن حب اخذج جدو عيني عيني 😂
ام جاسم ..ياا انزول عليج شعندج اسوالف 😂
شهلاء ..احجيلي عن جدو شوية لان مشايفته ولاعرفته الله يرحمة 😔
ام جاسم ..اووووف جدج جان زلمة من يمشي الكل تهابو وترجف منو شيخ وصيتو يصدع ..مثل شاهين الله يحفظو شرس وعنيف ..بس ها ابد مايظلم بشر .. عادل والعدالة لله سبحان وتعالى ..اتشوفين الوادم تكصدو من كل مكان وتتعنه الو ..مايوم بابه انسد ابوجه بشر ولابيوم خذل احد .. مضيفو عامر بكل وقت ..وما بيوم گهوتو طفت نارها الكل جانوا يحبوا ..الله يرحمو تعب وماتعب احد ويا واخر ايامو اتمرض وانتقل لجوار ربو ..
شهلاء ..الله يرحمة ويجعل مثواه الجنة يارب
الكل اميين يارب
شهلاء ..انتبهت ع لهجة بيبي مو مثل لهجتنه سئلتها شنو لهجتج بيبي
ام جاسم ..هههههه انا لهجتي غربية لان اهلي من العوجة وتشوفين اهل تكريت والعوجة كلهم نفس اللهجة يحجون مو مثل بغداد ..
شهلاء ..اهااا بس حبيبتها اللهجتج بيبي 😁
ام جاسم ..ههههه ان شاءالله من تكعدون ابيتكم اجي يمكم كم يوم حتى اعلمج ع لهجتنه
ام شهلاء ..اي عمة كل الهلا بيج تعالي هسه ويانه من نروح
ام جاسم ..لا يمه مو هسه فد يومين واجيكم ان شاءالله
شهلاء ..ايييي بيبي حبيبتي عفيه تعالي ابقي يمنه ونسينه بسوالفج 😁
ام جاسم ..ههههههه ياملعونه شبساع اخذتي عليه وكمتي اتحبين سوالفي وحظنتها وكمت ابوس بيها
شاهين ..الله عيني عيني واحنه مالنه نصيب بهذا الحظن والبوس لو بس للغوالي
ام جاسم ..ها ولك ابن جاسم شجابك يمنه
شاهين ..اجيت اشوف جديتي حبيبتي مشتاقلها ..ودنكت وحظنتها وبستها
ام جاسم ..اه من شوكت ولك هل حجي شو ان ماشوفك بس من نفرش السفرة 😳
شاهين ..خررب حظي فشلتني ..كتلها احم ليش جدة ليش مو اني احبج وعيني ع شهلاء
شهلاء ..باوعت عليه ودرت وجهي عنه وبقيت اسولف ويه عذراء بصفي كاعدة جانت
ام جاسم ..شلت العصا مالتي وضربتو ع رجلو وكتلو خايب شو دكوم لتجذب عليه اعرفك ذيب ماكر ماتسوي هل حركات اله الك بيها قصد اني مربيتك واعرفك اكثر ماتعرف نفسك
شاهين ..ههههههههههههه هسه شمسوي اني يعني حرام اكعد واحب بيج
ام جاسم ..ههههههههههه والله انت ملعون مالك جاره لو تشوفني ميته كدامك اتعوفني وتمشي بس مادري شصابك اليوم وداير هواك عليه 🤔...
شهلاء ..هههههه ضحكت ع سوالف بيبي شلون تحجي
شاهين ..اروح فدووة لهاي الضحكة بيبي 😁 ..اووووف يابنت ابراهيم مدري شسوت بيه يعني اني بنات عمي كلهن كدامي ولاهزن مني شعرة وحدة اشو هاي اول يوم شفتها بي هزت كياني هز وبهذلت حالي ...الله يساعدك يگلبي شراح اتسوي بيك سوايه هل بنية
ام جاسم ..ولك يابن جاسم اخاف اليوم انت مريض شو تعال اجس كصتك اخاف مصخن يولي
شهلاء ..جنت ساكته ماعلق ع كلام شاهين ابد عكس بنات عمنه جانن يشاقن ويا ويضحكن ع كلامه ويتمنن يكعدن هيج حتى يسولفون ويا بس هوه جانت انظاره بس عليه وكلامه ادري بسامير عليه لاكن اني مجنت مهتمتله ولادايرتله بال ..
شاهين ..لابيبي الحمدلله صحتي زينه مابيه شي بس والله اجيت حتى اكعد يمج ضايج وردت افضفضلج الي بداخلي ..قبل شوية ضوجت شخص واتمنى يسامحني ..جنت احجي وعيوني ع شهلاء ..ردتها تسامحني والله مجان قصدي اضربها خررب عصبيتي ولا اعرف اتفاهم رأسا ايدي تنفعل
شهلاء ..شهكت شهكة من هيج حجه درت وجهي عليه وخزرته بعيوني ..يعني اسكت لتحجي ..بله هذا شبي مخبل من خررب حظي شلون هيج يحجي كدام العالم واذا سئلته بيبي منو هل شخص خررب يومك
ام جاسم ..يايمة منو هل شخص كول
شاهين ..دارت شهلاء عينها عليه وخزرتني متريدني احجي شي ..سكتت وكتلها بيبي لا هيج صديق ويايه بالمدرسة اليوم بالمحاظرة اتعاركنه
ام جاسم ..لا يمه مايصير انت ماعندك تفاهم ويه البشر خلي عندك شوي اسلوب حلوو تره بيوم تصفه وحدك وبعد محد يعاشرك وتشوف نفسك وحيد بهاي الدنيا بسبب العنف والقسوة الي تستعملة ويه الوادم
شاهين ..مشكلتي مو بيدي ياجدة البيه ماكدر اغيرة 😓
هل طبع ورثته عن جدي الله يرحمه دمي حامي نااار وماتفاهم اوووف ان شاءالله احاول اغير من نفسي شوية اذا لكيت الشخص الي يساعدني ..وباوعت ع شهلاء وسبلت عيني بشغف
شهلاء ..احم ماما شوكت حنروح للبيت
ام جاسم ..لايمه وين رايحين اكعدوا
ام شهلاء ..لا والله لازم انروح للبيت حتى ناخذ راحتنه اكول شاهين يمه كوم صيح عمك ابراهيم حتى نروح
ام شاهين ..وين حبيبة اليوم باتوا يمنه بين ماندز الخدم ينظفولكم البيت صارله زمن متروك
ام شهلاء ..اشكرج حبيبتي متقصرين بس لازم انروح للبيت واني مغطية الغراض كلها بس قاط غسل وينظف مابي شي ..
شاهين ..لعد عمة اخذي من بنات عمي اثنين حتى يساعدنج بالتنظيف اخذي عذراء وزهراء شاطرات ماشاءالله عليهن ويعجبنج
شهلاء ..غير ضجت من حمد ببنات عمه قابل احنه شبينه منعرف انظف ..
ام شهلاء ..لا خطية ماريد اتعب احد اني وبناتي كافي والبيت مابي شي رأسا يتنظف ..
زهراء ..عادي عمة اذا تريدين نجي نساعدكم مابيها شي
ام شهلاء ..لا يمه انتوا هم تعبانين اليوم ..عسريع اني وبناتي انظف البيت ماعلينه شي
ابراهيم ..ها السلام عليكم
الكل ..وعليكم السلام
ابراهيم ..اجيت كعدت بصف امي وبست راسها وايدها وحظنتها كتلها شلونج يالغالية مشتاقلج مووت ليش ماتجين ويانه لبيتي ..
ام جاسم ..تسلملي يالغالي والله اني هم مشتاقتلك وكتلها لزهور ان شاءالله فد يومين اجي يمكم
ابراهيم ..اي والله يمه محتاج وجودج يمي اريد اعوض سنين الحرمان الي انحرمت من حظنج ..وجان احط راسي بحظنها ..
ام جاسم ..بعد بيتي وليدي تدلل حطيت ايدي ع شعرو وبقيت امسد عليه
ابراهيم ..الله يمه ايدج اتخليني اغفه وانام نعست 😪
ام شهلاء ..هههههههه شتنام يمعود خلينه انروح لبيتنه ورانه شغل
ابراهيم ..ههههههه اي صدك يله كوموا دنروح
ابو شاهين ..خوية ليش ماتباتون يمنه شعدكم
ابراهيم ..لا والله ماكدر لازم هل اسبوع احظر نفسي حتى اروح لوزارة الخارجية حتى ارتب مكتبي هناك تعرف بعد رجعت للوزارة ولازم اباشر بالدوام
ابو شاهين ..اهااا موفق ان شاءالله خوية
ابراهيم ..للجميع ان شاءالله ..يله ياجماعة الخير اودعناكم
الكل الله وياكم شرفتونه
ام جليل ..اكول ام شهلاء باجر ان شاءالله غداكم يمنه مو تنسون
ام شهلاء ..والله دتخجلونه منريد انزاحمكم
االشيخ حازم ..لا ع بختج ام شهلاء هذا واجب ولازم نستضيفكم ابيتنه ..
ابراهيم ..تسلملنه خوية ماتقصرون ربي يديمكم النه
الشيخ حازم ..ربي يسلمك خوية تدلل
شهلاء ..طلعنه وشفنه شاهين محظر سيارته وكال يله عمي اني اوصلكم اصعدوا ..ابوية مكال لا رأسا صعد ليكدام واحنه هم صعدنه ليوره ..
شاهين ..عدلت مرايه الامامية و وجهتها ع شهلاء يممه فدووة اروح لهل عيون ..هيه شافتني داباوع عليها دارت وجها ع ناحية الجامه خررب عمج اشراح ايراضيها ..غير مصيبة زعلها
حركت السيارة وطلعنه لبيتهم ..
شهلاء ..وصلنه لبيتنه وبابا نزل فتح الباب ونزلوا الجنط هوه وشاهين ودخلوهن جوه طبينه البيت جان مغبر كله تراب ..ماما شالت كل الجراجف من ع الغراض واني رحت غيرت ملابسي ولبست دشداشة وجبت صوندة وشكلتها بالبوري وجبت مكنسة والماسحه وبديت اغسل الصالة
شاهين ..اممممم ماشاءالله انتي هم شاطرة ومعدلة 🙄
شهلاء ..وكفت وذبيت الصوندة واتخوصرت وكتله ليش عيني شعبالك لعد
شاهين .. خربت ضحك ع حركتها الي سوتها هههههههع كتلها لاعيني معبالي شي ..يله نظفي زين ماريد ولا وصخاية بالكاع
شهلاء ..اهوووو شلون وياك يعني ..بابا ..بابا تعال شوف ابن اخوك تره ضوجني
ابراهيم ..ههههههه ها شاهين شبيك ويه بنيتي عوفها لاتضوجها.
شاهين ..هههههههههههههههههه والله عمي ماحجيت شي يضوج موزين دا امدح بيها بس هيه الله يسلمها مدري شبيها ويايه اشو مبالعتني من ساعة الجيتوا بيها 🙄
شهلاء ..اي مبالعتك ممكن تطلع من الصالة اريد اكمل تنظيف ..
شاهين ..هههههه طالع طالع يله
ابراهيم ..زهور اني حروح لبيت ابو عادل اسلم عليه مشتاقله هواي
زهور ..ماشي حبيبي روح وعود جيب شي للعشه وياك
ابراهيم ..ماشي ان شاءالله
شهلاء ..شيماء امشي نشفي الصالة كملتها راح اصعد انظف غرف الفوك
شيماء ..ماشي اوووف هسه لو جايبين بنات عمنه ويانه ينظفن شصار 😪
شهلاء ..انجبي واشتغلي وسدي بوزج 😠
ام شهلاء ..كافي تتناكرن يله كملن قبل ليجي ابوجن
..طبيت للمطبخ انظفه نظفت الثلاجة وشغلتها ونظفت الكاونتر ..
شاهين ..شفت الكل ملتهي ديشتغلون وليث طلع للحديقه استغليتها فرصة اصعد وره شهلاء بلكت اصالحها هل عنودية ام خشم اليابس ههههههههههه
والله طفرت وصعدت فوك وبهل لحظة اتسمرت بمكاني اوووويلي يالكعبة شفت شهلاء مدنكه وتغسل الغرفه ورافعه دشداشتها من الصفاح وطالعه سيقانها وفخاذها بووووية احتركوا العشيرة واحد واحد عيوني رادت تطلع من راسي 😍بقيت صافن ع هل منظر الي يجلط ..وجان فجأة تندار وتشوفني واكف وفاتح حلكي من هول المنظر وجان تنصدم بيه وراسا نزلت دشداشتها وكامت اتصيح عليه 😴
شهلاء ..من صعدت فوك مديت الصوندة وفتحت المي ورفعت دشداشتي من الصفاح ودنكت وبديت اغسل غرفتي وماحس اله واحد ورايه ومبحلق بيه عزززة 😱
راسا وكفت ونزلت دشداشتي وصيحت عليه كتله انت شنو متستحي شعندك صاعد وراية شبيك متشوفني مشلحة مو عيب عليك تباوع
شاهين ..اتقربت عليها وهيه خافت كامت ترجع ليوره اخذت نفس عميق لان حسيت بنفسي احتركت من الي شفته ردت اهدأ كتلها اولا هذا بيت عمي يعني وين ميعجبني اطب ..وانتي بنت عمي يعني هسه اكدر بكلمة وحدة مني انهي عليج ومحد يكدر يفتح حلكة بعد
شهلاء ..شنوو انت شدتحجي ..ومنو كلك اقبل بيك اصلا ..تره هواي واثق من نفسك انت 😕
شاهين ..طكيت ضحك عليها سحبت شعري ليفوك وكتلها ومنو منتظر منج قبول او موفقه ..اني اريد اخليج هيج معلكة يعجبني 😏
شهلاء ..اكولك اكو احد قبل كايلك انت غثيث ومكروه
شاهين ..ولج اشو انتي سليطة لسان وماتحترمين الاكبر منج ها ..تره قسما بذات الله لسانج اكصه الج واراويج شاهين شيكدر يسوي بيج لتخليني اشوفج وجهي الثاني خليني وياج زين مادام النفس بعدها عليج طيبة
شهلاء ..ممكن تنزل جوه داكمل شغلي تره طكت روحي منك شعندك واكف فوك راسي
شاهين ..مادري احب اضوجج 🤔
شهلاء ..هفففففففف وتالي انزل اني واعوف شغلي يعني
شاهين ..جنت صافن عليها وع شفايفها من تتحرك اوووف خررب يومج سلبت عقلي مني كتلها وتالي وياج يبنت ابراهيم حتبقين تراوغين وياي
شهلاء ..شنوو شتقصد مفهمت
شاهين ..اتقربت منها اكثر لحد مانطخت بالحايط ..كتلها لتعاندين وصيري حبابه وداعة عيونج لاعيشج اميرة واخلي كل بنات تكريت يتمنن بمكانج يصيرن
شهلاء ..احم شاهين هسه يجي ابوية انزل جوه
شاهين ..من انعل شيب اهل شاهين ارحمي حالي اني مو نبي تره حتى اتحمل كل هذا ردت احظنها سمعت صوت عمي ابراهيم خررب حظي ع هل قسمة
شهلاء ..اصخام الصخمني شفت شكتلك ..هسه شراح ايكول شدنسوي وحدنه فوك ها
شاهين ..هههههههههه اششش لتخافين خليها عليه وجع
شهلاء ..عسريع سديت المي ونزلت كتله ها بابا صحتلي
ابراهيم ..اي بنيتي تعالي دخلي العلاليك للمطبخ
هاي شنو شاهين هم فوك شعندك ابني فوك
شاهين ..جنت اشيل الزولية لشهلاء لان صاحتلي متكدر ترفعها عاد صعدت وشلتها الها حتى تنظف
شهلاء ..عزززة شكد جذاب فرها عليه شلون حيياال 😳
كتله احم اي بابا الزولية ثكيلة مكدرت اشيلها وحدي وصحت شاهين شالها الي
ابراهيم ..اهاا ديله عاشت ايدك
شاهين ..وايدك عمو
شهلاء ..هففففف خررب يومك باوعت عليه وخزرته بعيوني ورحت وديت العلاليك مال المسواك للمطبخ وصعدت كملت التنظيف ..وماما حظرت العشه وكعدنه كلنه اتعشينه وشاهين ولا طلع والتعليله كلها هوه يباوع عليه ويحشش يريدني اضحك حسيته ندمان لان ضربني راشدي ويريد يصالحني ميعرف شلون ههههه تالي بالاخير ياله ضحكت ويا هوه عيني شافني ضحكت الفرحة ماوسعته وبقه يسولف ويضحك ويحشش علينه اني وشيماء طكينه ضحك ..وصار تالي الليل ياله راح ..
وثاني يوم الصبح كعدنه شفت ماما كاعدة محظرة الريوك وبابا ديقراء بالجرايد ..صبحنه عليهم وكعدنه نتريك ..شوية وجان يندك تلفون الارضي رحت اشوف منو المتصل جانت مرت عمي ام جليل ..سلمت عليه وكالت لتنسون اليوم غداكم يمنه تعالوا من وكت حتى نشوفكم
كتلها ماشي ان شاءالله عمة ..سديت الخط ورحت للمطبخ
زهور ..ها يمه منو جان
شهلاء ..هاي مرت عمو حازم دتأكد ع روحتنه الظهر يمهم علمود العزومه
زهور ..اهاا والله ونعم منهم بيت الشيخ حازم اجاويد وناس يعرفون الاصول مثل اخوك ابو شاهين ولا قصروا ويانه
ابراهيم ..اي خطية والله ماقصروا ويانه خلف الله عليهم
شهلاء ..ماما صدك شراح نلبس من نروح مو بيبي كالت لازم اتحجبيهن 🤔
زهور ..ههههه زين ذكرتيني خلي نروح للسوك نشتريلكم جبب وربطات عسريع
شيماء ..اني هم اجي يعني
زهور ..اي لعد غير تقيسين جبتج انتي اسمن من شهلاء منكدر ناخذهن اثنينهن نفس القياس
شيماء ..ديله لعد شهلاء خلي انبدل وننزل
شهلاء ..ماشي يله ..صعدنه بدلنه ونزلنه وبابا ودانه للسوك رحنه ع محلات جبب واختاريت جبه كيوت نازكه ورهمت ربطه عليها وشيماء هم اخذت جبه حلوة وربطه وياها ورجعنه للبيت حظرنه نفسنه صار الظهر ورحنه لبيت عمو حازم ..

جليل ..يمه اريدكم احسن غدة اتسوون ماريد ايكولون عزومة بيت ابو شاهين احسن من عزومتنه
ام جليل ..لايمة ماكو واحد احسن من واحد هيه كلها نعمة الله والكل احسن اكل يسوي ..بس ابوك اكيد لان شيخ العشيرة عزومته اكبر راح اتصير لان عازم كل الدنيا حتى اني ماكدرت اطبخ جاب طباخين زلم طبخوا الغدة
جليل ..اي عفيه عليكم ..يمكن اجوي الباب اندكت ..طلعت دافتح وطلع شاهين واهله رحبت بيهم ودخلوا جوه وبقيت واكف بالباب اتاخروا شو مجوي ..طبيت رحت للمطبخ صاير انقلاب بي الكل مخبوص يسوي الاكل والتحظيرات ..هناك وسمعت صوت الجهال كالوا اجوي بيت عمو ابراهيم ..اني انخطف گلبي ركضت للباب وفتحته وشفت عمي ابراهيم طب سلمت عليه وراها طبت ام شهلاء واختها واخوها وبالاخير اجتي شهولة فدووة لهل طول سلمت عليه وكتلها طالعه حلوة بالجبة ..والحجاب لايكلج حييل ههههه
شهلاء ..ههههه اشكرك من ذوقك
جليل ..اكول تراني ابن عمج بلاه هل رسميات عيني ههههههههه
شهلاء ..هههههههه لا مو رسميات بس حمدت بيه واتشكرتك ..
شاهين ..من سمعت كالوا اجوي بيت عمي ابراهيم ماكدرت ابقه كاعد نفضت نفسي وطلعت شفت عمي بوجهي صار سلمت عليه وطببته للديوان وسلمت ع مرت عمي وشيماء ..وباوعت شفت جليل لازم طريق شهلاء وكاعد يسولفون بالباب ويضحكون سوه اني شفت هل منظر احتركت .. دين مابقه براسي حسيت شياطين الدنيا كلها كامت اتنط كدامي 😠😠😠😠

وللحكاية بقية ..

لا تَلوميني فعندما زاد حبي لكي ،، جعلني أغار حتى من نفسي عليكي

#يتبع ...