ضحايا القدر
بقلم ريتاج الموسوي
.......................................
ناصر ... لاطلعين وين تروحين
تضلين بغرفتج دوم
احلام
ضليت محبوسه بالغرفه
اخاف اطلع هسه
ناصر هوه الجبير وعصبي
وبنفس الوقت اله سلطه على كل الي بالبيت
واني مااحجي وياه
من باب الأحترام...
بقيت گاعده بالغرفه
سراوي تبجي تريد تروح للحمام
واسراء لازم اغيرلهه
انتظرت لحدما خف غضبه وطلعت
اخذت بناتي ورحت للحمام
ماكو احد اكيد نايمين
رحت للمطبخ لگيت ممخليلي عشا واخذتلي جبن وخبز
الحمدالله مرت سلامات
لثاني يوم الصبح
ندگ الباب فتحته
خيريه ...ها يمه اجيت مالگيتج
شبيج بس لاصاير بيج شي مومن عوايدج
احلام ...من شفت عمتي
حسيتهه مثل امي
شمرت نفسي بحضنهه وابجي
عمه وين رحتي
خيريه... يا يا اسم الله
خايبه شمالج
بنياتج بيهن شي
حجيت لعمتي الصار
... انه امك يناصر
وگفت عكازتهه وگامت
خلي يجي وانه اعلمه مايصير خاطرج الا طيب
لا عبالج امج ماتت وماالج احد وتفكرين روحج وحيده
انه بمكانهه
احلام...بعد عمري عمه
الله يشهد انتي بمكان امي
بقيت يم عمتي بالهول
وطول هاي الفتره عبير ولا فتحت حلگهه بكلمه
للعصر اجه ناصر
شافني وبوجهه غضب
راح لغرفته
وراه راحت عمتي
خيريه...تعالي وياي
رحت وياهه دفعت الباب بعكازتهه ودخلت
خيريه ...افه والله عليك يبني
عود انته الجبير وعمود البيت هيج بس اغيب عنكم تضل تخيط وتخربط
حابسين الفرخه وتحجون عليهه انته ومرتك ماتستحون ماعدكم ذره حيا
ماستحيت من اخوك من يجي شتگله
ناصر...نفض الأكل من ايده وگام
يمه شاگه راس الولد
وفوگ هذا كله مامسويتلي لاتقدير ولااحترام
بكل وقاحه ساده الباب
ولاعبالك رجال شكبري ادگ بيه
اريد اگلهه ليش هيج سويتي
بس شحجي بعد
وهسه جايه تشتكي عليه عينك عينك
هذا فوگ الي سوته
خيريه...يمه ابنك وكح
ودفعته تدري بيه بعد الصار صار
...والله يمه انتي مخدوعه بيهه
تسوي روحهه مسكينه
وفقيره بس كل البله بيهه
احلام...مشكور خويه
لو عندي مكان ثاني غيره اروحله
واريحكم مني
بس شسوي العين بصيره والأيد گصيره
هيثم يشتغل وياك
والي يحصله ينطيكياه
ناصر...اهااا هنا الحجي گولي تردين
تخربيني وي اخوي
حته تستولين على فلوسه
احلام...شهالحجي عود انته الجبير والفاهم
شخليت الغيرك
وحته لو
هذا زوجي وفلوسه فلوسي
تاليهه الي والبناته
