هجين الظلام

مقتطف

باوعتلة و رفعت حاجبها وبلسانها الباشط كلتلة ..

- اي بلة شتقصد! ترى كلامك هذا ممعقول ليش احسك تهددني بكلامك ..

باوعلها من فوك لجوة و رجع كرر كلامه ، و كف بسيارتة بمكان معزول ..

- صدكي الا اكسر خشمج لج و اخيرا الزمن دار انة ترفضيني تعلبين علي لسنة تقشمريني بحبج ومن اخطب ترفضين و تطردون امي ومرت اخوي .

باوعت للشارع  لحد يشوفها ... وغطت نص وجهها بعباية الراس الي لبستها ..  وكلتلة ..

- شتخرط جنك ديج نافش ريشاتة ..

- سمعي كربلا الوكت تغير والزمن تغير اهلج الي ما ينطونا احنا السادة ال .... لان عدي اخ وعم معدومين بذاك الوقت  ومن دارت الدوائر انطيتونا  نهلة وانتم ممنونين ...

صيحت عليه ..

- ترى زودتها شايف نفسك علي و نافخ ريشاتك.. ابن اخوك كتل روحة على نهلة شنو ممنونين شنو ...

عصب لدرجة ضل كل عرك بوجهة ينبض ..وقاطعها ...

- ولج شنو هاي البيئة الي انت بيها .. ملخص الحجي وكت الحساب اقترب يا كربلائي ...

باوع لملامحها الوسيمة و الجذابة  و شاف خدودها الحمر الي ياما تمنى يوصللهن بالحلال ..
بداخلة لعن كلبة الي تربع بنصه كربلاء والا الف من تتمناه و ازغر واحلا من هاي المغرورة ....
غمض عيونة و اهة ووياها الم تصاحبها قهره الحب الاول ما ينسي وهي الحب الاول والوحيد بحياتة ...

جانت اجمل مايكون بنظره بس ما يكدر ينسى الذلة و العار والتعير بزمن صدام من امها و شلون حجت على عمة واخوه الي عدمهم صدام ..

تذكر شلون اكل كتل و مكرمين نعل و عصي من عمامة واخوتة بس حتى يزوج علوية من عمامة و ينسى التهديد الهددة  " يخطف البنية و يكسر خشمها وخشم اهلها " مو سيد عباس الي مرة ترفضة وتعيرة بشهدائة الي بزمن صدام اعتبروهم معدومين هو من الاول شخص عنيد يحصل الي يريده عدا كربلا محصلها وبقت بنفسة ..
فتح عيونة وصفن بملامحها عيونها كبار عسلية تميل للون غريب بين الاخضر و الذهبي ..
شكرة كلش يذكر عليها بيضة شكرة كلش حتى رموش عيونها شكر  وحمرة حلكها مملي بشكل مثير بس عيبها خشمها ... شوي بيه كبر ومدبب بس بنضره هي مو جميلة جمال لا هي جذابة وسيمة عدها فتنة بغض النظر عن خشمها ..

انتبه من صفنته بملامحها ....

- شوف عباس ...

قاطعها بتسلط .
-  سيد عباس او صيحيني مولاي لا تصيحيلي باسمي احس بكرهي يزيد يا كربلائي ..

بعناد ..
- شوف ... خسرت مستقبلي من وراك بطلوني..
ووصلي تحجي للناس التخطبني بذاك الوقت  انة حبيبتك واليدنالي تقتلة حتى  عفتم المنطقة  و زوجوك خذيتلك فترة  تجي تفتر بالمنطقة .. ترى خواتي يرحن للمدرسة يوصللي نفختك وانت تتحدى اكبر واحد يجي يوم تنهبني نهيبة عيب عليك اولا نسبك للرسول يرجع وهاي افعال ساقطين ..
 ...

- احترمي نفسج و بعلمج قبل لا ازوج هددت اي ، وعان وجنت ناويها اسحلج من شعرج وازوجج نهيبة واعلمج مو عباس التكسر خشمة بنية و اخيرا كدرت انفرد بيج .. بكل صلاتي ادعي عليج ربي اكطع نصيبها و خليها بيوم تحت رحمتي ما ايست يا كربلاء من اجابة دعائي ابد و هذا الزمن دار و السبل انوجدت بينا و اجة وقت الحساب .

- ولك حاشا الله يستجابلك دعوتك هاي دعوة ظالم والله ما يشجع عالظلم ..

- حلفت بس يوم تصيرلي فرصة الا اطلع قهرتي بيج ...

- شنو خب طير يا عار ..

من كد ما عصب رفع ايده وضربها راشدي ..

- هذا حق جرح كلبي 
و انطاها ثاني وثالث ورابع .. وهو يعدد .. كل دكاتها
و الخامس اقواهن ..
- ولسانج بس يطول اكصة الج ...

شهكت وهي ترجع لورى  تلزك بباب السيارة و ايدها تريد تفتح الباب بس الظاهر غالقة من يمه ..
.
- ما يحقلك ابد ما يحقلك .. لا زوجي انت ولا خطيبي الا اكول لبيان عليك و بعد ما اداوم اااه ااهي والله ما اداوم مو كوة هي و لا فضل مسويلي ...
تجاهل حجيها وركز على الخطبة ..

- طلبتج من بيان وردلي خبر  هو موافق بس انت الرافضة ووعدني يقنعوج  ..  فيا شاطرة انصحج تتراجعين ترى اسويها سواية مخابيل .. و حسابج جايج يا كربلائي ..

- جاي تحجي بصرح العبارة تتزوجني حتى تنتقم مني مو ! شلون تريدني بعد اقبل بيك .. عالعموم اكو غيرك ٢ حاجين علي عود افكر يهو بيكم اقبل بيه ...

رفع حاجبة وانتجة على الكشن رفع راسة لسكف سيارتة ورجع عدل كعدتة وهو  يباوع لخدودها الي طبعت صابيعه عليهن .. و هي تبجي و لسانها باشط الرعنة اربيج يا كربلاء الله قاسمج الي والا جا هسة انت مزوجة من زمان ..

- شوفي كربلائي اليوم اريد  يوصلني موافقتج  عرس ما اسوي كبرنا على هاي السوالف زواجنا اخذج للكاظم ببغداد و وعد اوعدج بس  صيري مرتي و الله اربيج يم خشم اليابس ...

- اكلك شنو هذا العناد   روح تزوج البنات تارسة البلد

كل عمرك  ٤٤ ترى تكدر تاخذ ازغر واحلا لزكت بيه  خو ما لزكت  ..

ابتسم وهو يباوعلها تشهك وتبجي شغل سيارتة ..
- اوصلج لبيتكم ..

بخوف ..
- لا يشوفوني وياك وصلني لبيت نهلة نواف يرجعني ..

لزمت الكتب الي بيدها وهي تحتضن القرآن ...

- عدلي حجابج و سألت  عنج  اخوي ويكول  تصفنين هواي فيا حبابة  هاي فرصة انفتحت الج بهاي الدراسة و ينطونج شهادة معترف بيها ... لا تضيعيها من حاجاني اخوج عنج كتلة تدلل بس كون تلتزم بلبس و بقوانين ونظام ..

يتبع ....

اكثر الشخصيات صفيناهن الي بقوا ابطال  كربلا رقيم بيان عباس  .. راح تبدي معظم الاحداث عنهم هسة عرفتوا ليش كربلا اكثر وحدة من خواتة دورها بارز ....
صارلي اسبوع انشر يومي و هم البعض يكول النشر بطيء لان يومين اخذت راحة لعيوني ..
اما الاحداث مو بطيئة فقط الحاضر من كانت القصة انتقالية بالزمن وهسة وصلنا لمرحلة الحاضر و الماضي انتقل من لسان بيان لكل شخصية حتطرح الامور الي بيان ما نقلها النا ..