روايه موده الريان...
الحلقه 7
#samah_mahmoud so Mà
#سماح_محمود
اللهم صلي علي محمد *ص
---------
سهام وهيا دخله لمحت كيس السم محطوط اخدت منوا حبه من غير ما حميده ياخد باله ودخلت البيت فتحت جابت كيكه من التلاجه وطلعت شوكلاته سيحتهاا وحطتها فيها السم لا دول قليلين مش هيموته الجنين انا ازود عشان اخلص منوا وقلبتها جامد وحطتيها علي الكيك وجابت عصير برتقال وراحت خبطت علي نيره...
فتحت نيره الباب ببتسأمه بس لما شافت سهام ابتسامتها راحت...
سهام ابتسمت بخبث-صباح الخير يا نيره
نيره -صباح الخير
سهام -ممكن اجي اقعد معاكي شويه انا عارفه اني قليت بي ذوقي معاكي بس انتي دلوقتي مرات اخويا...نبدأ صفحه جديده...
نيره بفرحه-بجد انا بالنسبالي بحبكم والله انتو اخوات قصي وقصي ده حبيب العمر كله ..
سهام بتريقه-ياحنينه يلا اوعدنا يارب بي الحب ده المهم خدي كلي الكيكه دي واشربي العصير ولو ماكلتيش هعرف انك زعلانه..
نيره-والله نفسي قلبه عليا اوي وبعدين احنا لسه علي الصبح معرفش اكل حاجه مسكره.
سهام بحزن مصطنع-خلاص براحتك كنت عارفه انك مش هتسامحيني
نيره بلهفه-لا خلاص هاتي اكل عيوني ليكي وتسلم ايديكي وكويس انك جايبه حته صغيره ...
سهام-طب كلي عشان اخد الطبق بقي والكوبايه عشان النهارده عليا يوم النضفه
نيره-ههههه ماشي هبقي اجي اساعدك
مسكت نيره قطعت الكيكه اكلتها وشربت العصير..
نيره ببتسأمه-تسلم ايدك حلو اوي.
سهام بضحكه خيبثه-بالهنا هاتي بقي اغسلهم واجيلك ارتاحي انتي...
نيره -طيب ماشي...
*****
رجع ريان عند البيت ونزل ونزل معاه موده...
ريان -يلا ياقمر اطلعي بقي انتي وانا هدخل شغلي
موده-ومين هيشيل الشنطه بقي..
ريان-الشيال اللي جايبهولك ابوكي انا صح...
موده بمكر -مش عاجب
ريان-دا يعجب الباشا ياباشا دخلي القصه دي بدل ما اكسر. نفوخك...
موده-هههه واهون عليك
ريان ابتسم-احنا في الشارع اتلمي ...
موده-طب ما تلمني وتتجوزني وانا وربنا هسمع الكلام
ريان-دانتي بتطلبي ايدي بقي؟
موده ضحكت-اه يا سيدي بطلب ايدك تقبل تتجوزني اهو هيريحك والله تدور عليا كل شويه علي فكره انا طيبه وغلبانه وبنت محترمه والله يعني مش محتاج تسال عليا ...
ريان انفجر من الضحك-مبيشكرش فنفسه الا ابليس.
موده بتنهيده-والله ياحاج ياريان انا بحسك في يوم هتخليني احج واقعد في البيت انت محترم كده ليه ادردح شويه انا فاض بيا ...
ريان-طب تعالي عند السلم عشان العمال لو خارجو هيشوفو جنانك ده ...وانا اللي هخليني اموتك فيوم ان حد يشوفك...
.موده دخلت عند السلم
موده بمكر-بكره الكليه تيجي واروح هاهاها وخد بالك في شباب كتير وانا بتعاكس هاه..
