سيدرا- نمت الفجر محسيت الا ودياذن واحد يفتح القفل مال ترك فزيت واشوف امي طبت
يووم ركضت عليها حضنتها تباوع بوجهي بالم رايحه منتهيه كوه تمشي باوعتلي وتباوع للشقه اني جنت لامه غراض علي كلها حتى من تجي متشوفها بقت تباوع وتبجي وتحضن بيه
يوم تاخرتي هنت عليجج
كالت بهدوء وتعب
يمه خالج ديصعد فوك يحاجيج
بقيت اباوعلها شفت خالي صاح يا الله
تفضل خالي
هابابا شونج تعاي تعاي رحت يمه حضنني غمض عينه خالي رغم كلشي حنين حيل على امي بس خطيه ماعده كلش. وبراسه كومه وفوكاهم بيبيتي وامي كال
سدوره يابه تسوينا جاي من ايدج الحلوه شوي نحجي
صار خالي خليت الجاي عالنار صاحت الحجيه
سدره زيوني كعد متجين ماما
ااحجيه امي وخالي هنا. هسه شوي وانزل كالت
امج جتي يله راح اجيها اني
انداريت على امي كاعده وتنود بجسمها ليكدام وليوره وايدها على راسها الحاي صار وخليته كدام خالي. يباوعلي مبتسم برضا كعدت يم امي اريد احضنها بس متباوعلي
يوم شيوجعج ليش تلوبين
كلبي يوم كلبي
بقيت اباوعلها بس هي البقت اذا راحت المن ابقه بعد خالي كال
شوفي يابه سدوره.
باوعتله عرفت عده سالفه كال
امج بعد تعبت شوفيها كوه كاعده مو مال شغل وتعب هزيت راسي بقلق كمل كلامه
وانتي حديثه مال تبقين هنا مااخليج جذب
صفنت على امي متباوعلي فاصله تتلمس بدفتر من دفاتر علي وباوعتله لخالي كال
تجين ويايه يابه وتقبلين باخو مرت خالج هاي شسوي هاي قسمتج والله لو عدي ابقيج يمي بس ولدي كومه وبناتي كومه واني مابيه حيل مشاكل خالي الولد شاريج كال اكعدها وي اهله وشتريد تدلل
بقيت اباوعله
خالو وانحرم من ان اكون ام
خالو متعرفين ربج شضاملج الدنيا حاصرتنا ارضي بنصيبج وحمد الله وشكري
انقبض كلبي بهالاثناء طبت الحجيه كالت
يا الله السلام عليكم وينه ام علاوي رفعت راسها امي وجتي عليها والحجيه وكعت عوجيتها وحضنت امي وتبجي وياها وامي تشهك بحسره والحجيه وياها تبجي كعدو بعد ما امي مبيها وكفه بعد عرفتها امي على خالي واني مسطوره سطر
