السلام عليكم بنات شلونجن هاي فقره 3من آراء
و الحجي على «بعض البنات الي يوثقن بالشباب»
بنات و طبعا مو للكل الكلام هذا
شوفن انتن الي توثقن بالشباب لانو يكول اني احبج و اني اريدج لا توثقن بي ابد
و لا تكولن كلمه انو هو غير عن الشباب لان اني دائما اسمع من البنات الي يحبن ع النت انو يكولن هذا مختلف عن الشباب كل بنت تكول هيج
لعد سؤال؟وين الشباب الموزينين اذا كل بنيه تكول هذا مختلف؟؟
زين انتي يالذكيه الي تكولين انو هو يحبني و يوثق بيه هو انتي تعرفين تصرفاته يم أهله تعرفينه زين مو زين لو بس بكم كلمه خلف الكيبورد كذب عليج و صدكتي يعني هاي السذاجه بطلنها رجائا ✋✋
و بعدين انتي حتى لو جنتي على علاقه وياه خلف الكيبورد لمده سنه أو سنتين و من يكلج اريد صورج انتي تأمنين بي بسرعه و تنطي شنو بالذكاء بس اريد اعرف؟؟ تره هو يصبر انو يضل وياج منا لمن تأمنين بي و ياخذ صورج ويهددج بيهن لو يريد فلوس لو حاجته منج ويذبج بعدين مثل السلعه الرخيصه و مراح اعتذر عن كلماتي لان صح و مو خطأ
فرجائا لا توثقن بالشباب خاصتا هالوكت و طبعا مو كل الشباب زينين و لا كلهم مو زينين يعني لو خليت قلبت و ايضا البنات نفس الحال
يعني عجب العجاب شفتلي بنيه ترقم و تتحرش بولد و هو مدنك ما انطاها وجهه ابد يعني بعد وين توصلن
و اكو بنات اتزوجن عن حب بالانترنت وصديقتي هيج بس هي ما انطته وجهه و هو الي لا حكها و كللها قصدي شريف وحتى مطلب صورها و تزوجو و هسه عندهم بنيه و الحمد لله الله يحفضهم و يرعيهم بس مو كل مره يصيب السهم تره مره يصيب و مره يخيب اخذنها قاعده
و فرضا تزوجتو حسبالج راح يوثق بيج مو؟؟
لااااا ااكييد لااا ميوثق لان يكول حجت ويايه اكيد تحجي ويه غيري و راح يصفه بيج الحال لو موبايل صرصور لو طابوكه و كلش كلش يخلي بي رقم امج و رقمج و ضلي اتونسي بلعبه الحيه و اخذي ذكائج وياج و هذا الي تسمي حب
لا حب و لا بطيخ و الرجال بشكل عام هم صناديق مغلقه و يشكون بأضفرهم،،
و تره اني مو ما اوثق او أأومن بالخب بالعكس الحب هو الي يخلي الدنيا حلوه بس ما أأمن بعلاقات الحب خلف الشاشات و الانترنت ....
و حتى اذا جنتي تحبين شخص من كرايبج هم عادي و كلش عادي و اذا هو صادق وياج حبي بس بحدود
بس اذا يوم تعرضلج او حاول يتحرش بيج فهذا شيلي من حياتج اصلا و حتى اذا اعتذر اكتفي انو تسامحي بس لا توثقين بي لان ابو طبع ميغير طبعه
و خلي اهلج بين عيونج تره هم الي تعبو بيج و الي يخافون عليج أكثر من روحهم
و لا تكولين وذا عادي اصير مثل البنات
لا لاتصيرين مثلهن هذني لا ادب و لا أخلاق مع احترامي للباقيات بس انتي خلي ضميرج كدامج
و اذا سويتي غلط ضميرج يقبل لو يأنبج ؟؟؟
**و نصيحه للكل لا تحبين شخص من كرايبج و انتي تدرين انو اهلج رافضي و ميقبلون بي ساعتها تصيرين بين نارين اهلج لو حبيبج و يفضل تحتفضين بحبج لنفسج و اهلج اوله بيج !!
و اسفه اذا طولت بالكلام و ايضا اسفه اذا وحده ازعجها كلامي
و اتمنى أرائكم حول هذا الشي و اتمنى الجميع يتفاعل و سوو تاكات اكون ممنونه و شاكره الكم
😊😊❤
تحياتي عبير
مع السلامه ❤❤❤❤
أنت تقرأ
سًـوُآلَفُ عَبّوُرهِہ لَلَضآيجَآتُ 😘
Humorهاي سوالف فقط للبنات وممنوع دخول الشباب اعيد ممنوع دخول الشباب ☺☺☺بنات استمتعن
