تغيرت لأستحقكِ (للكاتبة إسراء رمضان)

( إندومي )!!

وهما متوجهين إلي مكان أخر..جُذبت يد حور بقوة حتي كادت أن تُخلع لتلتفت خلفها ومن ثم..
سالي:راحه فين ياحلوه
حور:انتي مين
سالي:سمعت انك انتي والبتاع اخوكي ده ضايقتو دومي إمبارح
حور:إحترمي نفسك ياقلية الذوق انتي..وايه دومي ده
أدم:في حاجه ياسالي؟
حور محدثه نفسها:يانهار أبيض دا متفقين عليا اكيد عاوز ينتقم مني..هعمل ايه دلوقتي..ساعدني يارب
وتين:بقولك ايه يا اسمك ايه انتي روحي انتي واللي اسمه إندومي ده شوفلكو حاجه تعملوها بدل مانتو جايين تهزقو نفسكو كده
سالي:إندومي!إخرسي انتي محدش وجهلك كلام
حور "عندما لم تستطع حبس دموعها":حرام عليكو بقا...إحنا علي طول ف حالنا،احنا حتي مابنتكلمش مع حد ف الجامعة دي..عايزين تعملو معانا مشاكل ليه..حسبي الله فيكو
تحرك في نفسه شئ غريب..من تأثير ذلك اللؤلؤ الذي يتساقط من عيون الريم تلك..رقَّ قلبه لها وشعر أنه مخطئ جدا..وأنها لاتستحق مايفعله بها
أدم:تعالي ياسالي نمشي
سالي:نعم!
أدم:بقولك يالا نمشي ايه مابتفهميش؟
شعرت بالإحراج والغضب والإستغراب في آن واحد..فـ هو من أرسلها لتضايقها...كيف يتراجع هكذا!

وتين:إهدي ياحور إهدي ماحصلش حاجه خلاص مشيو
حور:قولتلك نروح علي طول..يالا نروح بقا
.......
سالي:في ايه يا أدم؟
أدم:البنت صعبت عليا
سالي"بضحكة خليعه":وده من إمتي
أدم:ممكن تخرسي أوتغوري من هنا خالص
سالي"بتحدي":انت بتتكلم عنها كدا ليه...اوعي تفكر تبص لغيري يا ابن السيوفي
أدم "بعد أن صفعها علي وجهها":اوعي صوتك يعلي عليا يا****..إنتي اتجننتي ولا ايه..مش أدم السيوفي اللي حتة رخ**ة زيك تكلمه كدا
سالي" ببكاء:إنت بتقول ايه يا أدم؟إنت مش هتتجوزني زي ماوعدت؟
أدم:ههههههههههههه أتجوزك...دول كلمتين بقولهم للي زيك مش أكتر عشان أخد مرادي
ثم تركها وغادر..
سالي محدثه نفسها:إما وريتك يا أدم...هنتقم منك في أعز الناس علي قلبك..هخليك ترجعلي راكع
................
فريدة:صليتي العصر ياحور؟
حور:الحمدلله ياماما
فريدة:طب نامي شويه عشان تصحي تعرفي تزاكري
حور:لا مش جايلي نوم..أنا هدخل أفتح الاب
فريدة:في حاجه مضايقاكي ياحور؟
حور:هو حد قالك حاجه؟
فريدة:وهو انا محتاجه حد يقولي عشان أحس بـ بنتي
حور:حبيبتي ياماما..مفيش حاجه صدقيني بس ضغط الكلية والمزاكرة بس
فريدة:ماتقلقيش ياحبيبتي ربنا هايوفقك ومش هيضيع تعبك أبدا
حور:يارب يا أمي يارب...عن اذنك
...........
فتحت حور بريدها الإلكتروني كتبت منشور قائله(أتمني أن ماتبقي لي من دراسه يمر سريعاً...أصبحت الجامعة مخيفه)
رأي مروان منشورها وتعجب من أنها دائما حزينه
فراسلها قائلا:مش مخيفه إنتي اللي بسكوته خالص..لو في حد بيضايقك قوليلي..انا هاقدر اساعدك صدقيني
حور حدثت نفسها:هو بيستهزأ بيا..عشان عارف إني بتضايق منه هو وإندومي بتاعه..انا هارد أهزقه
راسلته قائله:ياريت تساعدني بـ إنك تبعد عني إنت وصاحبك إندومي دا
مروان:إندومي..إندومي مين...هو انا شوفتك قبل كدا يا أنسه؟
أدركت حور أنه لم يتعرف عليها...
حور:أنا اللي ضايقتوني إمبارح وأخويا بهدلكو وكمان النهاردة...حسبي الله فيكو
مروان:نعم!هو إنتي؟
لم تُجب حور عليه..وخجل مروان من أن يحادثها مرة أخري وقرر كل منهما أن يكتفي بالصمت...
.............
مالك:حور هتمشي امتي..تعالي أخدك في طريقي
حور:مش عاوزة أروح الجامعة يامالك
مالك:ليه ياحبيبتي مالك؟
حور:مفيش بس مش قادرة أروح
مالك:الباب بيخبط إستني أشوف مين...وتين أهلا اتفضلي
وتين "بخجل":شكراً يا أستاذ مالك
حور:وتيني وحشتيييني..
وتين:وإنتي كمان..انا لقيتك اتاخرتي عليا قولت أجي اشوفك..أدخلي إلبسي بسرعة
حور:مش عاوزة أروح
وتين:يالا ياحور ماتبقيش ضعيفة..إنتي أقوي منهم
مالك:ضعيفة!..وأقوي من مين؟
حور" بارتباك":ااانا هادخل ألبس
مالك:في ايه ياوتين؟
وتين:مفيش..دي بس مش عاوزة تروح عشان ماتشوفش صاحبتنا اللي متخانقين معاها..مش موضوع يعني
ثم حدثت نفسها:أستغفر الله والله مش عاوزة أكدب بس مش عاوزة اعمل مشاكل
مالك:مممم طيب ماشي
وتين:هو حضرتك مش هاتنزل ع الشغل؟
مالك: هههههه حضرتك وأستاذ ماتحسسنيش إني كبير أوي كدا ياوتين...وبعدين ياستي أنا هاخدكم في طريقي وأوصلكم
ابتسمت ولم تُجب..تنبه لها مالك..كم هي جميله،خجوله و لطيفه..كيف لم تجذب إنتباهه من قبل؟..ثم غض بصره مستغفراً
.............
كانت المحاضرة الأولي للـدكتور عمرو..كان يختلس النظرات لـحور من آنٍ لأخر..وبعد إنتهاء المحاضره خرجت الفتاتان عندما أوقفهم..
سالي:بقولك ايه يابتاعه إنتي عاوزاكي تختفي اليومين دول من قدام دومي خالص..اوعي تفتكري إني هخلي واحده زيك تاخده مني
وتين "بعدم تفهم":ايه اللي إنتي بتقوليه ده؟
حور: اييه !يالا ياوتين دي باين عليها مجنونه
جذبت سالي حور من يدها وكادت أن تضربها وتسقطها أرضاً إلا أن...