كرونيك جديدة#اولاد_الحومة# 💖سمير& سارة💖🇩🇿 باللهجة الجزائرية 🇩🇿

🌹البارت52🌹

# الحلقة_52: جازت اليلة هذيك بسيف على احمد لي تقلق وهو قاعد فالشومبرا من جيه ومن جيه محبش يخرج خاف كاش واحد يدخل على مرتو.بقا قاعد حتى رقد على الكورسي... الصبح فطن مدقدق عيان وحتى الرقاد مرقدش مليح..محبش يخلي زينب وحدها مور موت وليدها صعيبة عليها ونفسيتها راح تتعب بزااف.. فطن لقاها فايقة وشوف فالتاقة بعينيها وحزينة..تنهد وناض راح قعد قدامها احمد: صباح الخير.. زينب شافت فيه تعبانة وحزينة جات تهدر نزلو دموعها..مقدرتش تهدر.. احمد قلبو وجعو تنهد ..وقرب لعندها.. ترمات عنقاتو وتبكي وهو يسكت فيها وهو موجوع كيفها ولا اكثر بصح ملازمش يبينلها خاطر هي تتقوا بيه ولازم يخلي في قلبو ويصبرها.. زينب: علااه مات ..علاه..!! احمد : استغفري مولاك ..حاجة ربي..ونشالله ربي يعوض علينا.. زينب: توحشتو..احمد..توحشت وليدي..علاه مسكين صغير حطيتوه تحت التراب مسكين .توحشتو احمد روح جيبهولي.. احمد: واش نجيبلك يابنت الناس خافي ربي الطفل راهو عند مولاه ادعيلو ربي يرحمو.. زينب تبكي وتشهق تتفكر في صورتو قبل ميدفنوه وهو بين يديها.. زينب: ربي يرحمو..ربي يرحمك ياوليدي..تكويت عليك ياروحي تكويت وواش يصبرني عليك.. احمد يشوف فيها معرفش واش يقوللها حتى دخلت يماها شوفها.. فطيمة: صباح الخير عليكم.. احمد : صباح الخير فطيمة: يابنتي ارحمي عينيك .. احمد : انا نروح للدار نرقد راني مدقدق ريحي معاها منبعد نجي نخرجها.. فطيمة : ايه روح وليدي.. .. راح احمد للدار وفطيمة بقات مع بنتها.. ... نرجعو لسارة الصبح اشرب في قهوتها يماها قعدت قدامها حورية: سارة نسقسيك.. سارة : وي ماما ؟ حورية: كاشما كاين بينك وبين سمير جارنا؟؟ سارة حصلتها القهوة : اح اح..نن مكان والو مين جاتك الهدرة هذي؟! حورية: مانيش عارفة البارح هو يضحك فالطونوبيل ويشوف فالتروفيزور ..انا بانلي كان معاك . سارة: ههه ايه كان معايا..كان يضحك على تليفوني كي طاحلي قالي ماشي شباب..على هذي .هو يحب يقصر هذا مكان.. حورية: ممم منعرف..خاطر مرة خطباتك يماه قلت بلاك كاشما كاين بيناتكم. سارة: وعلاه اذا كاين واش فيها ؟؟ سمير وليد فاميليا وناس ملاح حورية: صح كاينة بصح معندوش الدار. سارة: يفرج ربي ماما .. حورية: ايه نشالله..المهم متطمعيش فيه بزااف ..شوفي لي عندو الدار وواجد للزواج مراكيش صغيرة 18 سنة حتى للعشرين هذاك هو العمر تاع الزواج . سارة: مانيش مقلقة مزالت نقرا. حورية: بنات خالاتك وعماتك تزوجو وكملو في ديارهم.وين المشكل.. سارة: ايه شوفي المكتوب . وناضت تغسل فالماعن ويماها تحكي على فاميلتهم وسارة عمرها راح تخرج..تسمع وساكتة.. . . نرجعو لزينب لحق وقت خروجها جا سمير يدي يماه واحمد رقد مفطنش..ووصا يماه تنوضو اذا مفطنش ... سهام : ماما نوضي احمد الوقت.باش يجيب زينب ماشي وصاك؟! باية: خليه يرقد مسكين محروق على وليدو وعيان عندو مجرا البارح وزاد بات عساس عليها فالسبيطار..خليها تروح مع دارهم.. ... فطيمة : زينب عيطي لاحمد طول.. زينب: خلي ماما نروح معاكم..عيطتلو مرفدش..تليفون طافي فطيمة: ايه امشي.. خرجت زينب وراحت مع خوها ويماها لدارهم.. ... شوية هكاك فطن احمد شاف الساعة لقا فاتو الحال.. خرج يجري ليماه احمد: علاه منوضتنيش يما علااه زعما لي وصيتك.. يهدر ويلبس.. باية: انا خليتك تريح وهي بووه تكون راحت مع دارهم وين رايح درك ؟! احمد: الله يهديك.. خرج رفد تليفونو وعيط لسمير قالو رانا فالدار ...نوض طونوبيل وراح لدار زينب