عند مها كانت سعيدة بعد م عرفت خطة جمال و إتمنت وقتها تشوف عشق و فارس بيطردها لكن ميعرفوش إن عشق فارس لها أكبر و أقوى من أى مخطط علشان يفرقهم .... فتح الظرف و غضب جدا و اتذكر كلامها و هما سهرانين لما لاحظ توترها ....... [ فارس : عملتى مصيبة أيه ....... عشق : ليه بتقول كده مفيش حاجه ..... فارس : لأنى عارف طفلتى كويس لما بتكون متوتره يبقى عملت حاجه غلط ........ عشق بتوتر : طيب هقولك بس إوعدنى متزعلش منى عارفه إنى غلطت بس فضولى السبب إنى اعمل كده فارس أرجوك سامحنى و وعد مش هيتكرر تانى ...... فارس وقتها عرف إنها ارتكبت غلط و خايفه منه حاول يهدى نفسه علشان ميتعصبش عليها قام وقف و ظهره لها قربت منه وضمته من الخلف واتكلمت بخوف و دموع ........ عشق : صاحبتى أصرت عليه أحضر عيد ميلادها ( ببكاء ) صدقنى حاولت أعتذر منها رفضت و زعلت هى نص ساعه بس و كانت معايا منى فارس أوعدك مش هيتكرر تانى بس متزعلش مني .. أنا ممكن أتحمل زعل أى حد منى الا إنت ......... فارس بعد عنها وقف قصاد حمام السباحه راحت عنده و لاحظت إنه متعصب و عرفت إنها النهاية وإنه هيعاقبها وقفت قدامه و مسكت إيده بعد عنها دموعها بتعذبه بس مش هيقدر يخاصمها لانه عارف إنها مش هتتحمل و ممكن تأذى نفسها عينه فى عينها نظرة عتاب لها و كلام من غير صوت مسموع قرر يمشى حضنته أوى و منعته يمشى ......... عشق : علشان خاطرى أوعدك أخر مره ...... فارس بهدوء : ماشى يا عشق لكن لو اتكرر تانى و روحتى مكان من غير م تبلغينى أو على الاقل محمد يكون معاكى عقابى وقتها مش هيعجبك و لا هتتحمليه ....... ] فارس وصل الشركه وقبل م يدخل موبيله رن و رد ..... منى : صباح الخير يا فارس لو سمحت ممكن أشوفك عشر دقائق بس مش هعطلك بس ياريت عشق متعرفش ...... فارس : أنا فى الشركه حاليا و أعتقد إن عندكم محاضرات طول اليوم ....... منى : الموضوع مهم و يخص عشق صدقنى ....... فارس : طيب تحبى نتقابل فى الشركه ولا مكان تانى ....... منى : تمام هجيلك هناك مع السلامه ..... 💔💔💔💔💔💔💔💔💔💔💔 فارس قفل و هو بيفكر أيه الموضوع اللى منى أصرت إنها تقابله علشان يتكلموا فيه دخل عند محمد اللى رحب به جدا وقعدوا يتكلموا سوا ....... محمد : أجازة قد أيه المره دى ....... فارس : شهرين لان السفريه الجاية هطول فيها هروح كندا ........ محمد بهزار : أيوه يا عم مين قدك من الشرق للغرب مش أنا قاعد فى المكتب ........ فارس : هههههه اللى يسمعك يقول بروح أتفسح أنا عايش فى البحر يا ابنى يعنى الميه قصادى من كل الاتجاهات مش بشوف بشر غير اللى معايا و تقول من الشرق للغرب ......... محمد : هههههه معاك حق بصراحه لو مكانك كنت نطيت فى البحر و خلصت ......... فارس : مجنون المهم طمنى الاخبار أيه و جمال أخبار شركته أيه ....... محمد : إطمن مفيش جديد عشق زى م حكتلك مفيش خروج كتير غير الحفله اللى بلغتك بها و جمال تقريبا هيصفى شركته قريب ........ فارس : محمد الصور دى وصلتنى النهارده ( طلع الظرف و محمد فتحه و اتصدم من الصور لانها كانت ل عشق مع واحد فى أماكن عامه ) أيه رأيك ...... محمد : الصور دى مزيفه صدقنى و أقدر اثبتلك ده أكيد تخطيط جمال ........ فارس : عارف و صدقنى هندمه قريب المهم شركته لازم ناخدها بأى تمن ..... قبل محمد ميرد دخلت السكرتيرة وبلغت فارس إن فيه واحده عاوزه تقابله دخلتها و كانت منى اللى شافت محمد وفرحت بس اتذكرت اللى عمله طلبت تتكلم مع فارس لوحدهم وفعلا حكت له اللى سمعته و سمعته التسجيل اللى كان على تيلفونها وقتها اتعصب و إتأكد إنهم اللى بعتوا الصور .. خرجت منى وراحت الجامعه و خلصوا المحاضرات و خرجوا كان فارس فى انتظارها وفرحت جدا لما شافته منى مشيت و هما راحوا يتغدوا بره البيت وقضوا وقت حلو سوا و رجعوا البيت و كان جمال فى إنتظارهم عشق قلقت و حافت طلب منها فارس تطلع أوضتها ...... 🍁🍁🍁🍁🍁🍁🍁🍁🍁🍁🍁 فارس : أهلا أهلا خير يا جمال جاى هنا ليه أنا مش حذرتك ممنوع تقرب من عشق و لا أيه ......... جمال : عشق بنت أختى و من حقى أشوفها فى أى وقت مش من حقك تمنعنى يا فارس ...... .... فارس : أممممم عاوز أيه اتكلم ...... جمال : عاوز أشوف بنت أختى أعتقد حقى ولا عندك رأى تانى ....... فارس : و كنت فين من زمان و اتذكرتها الوقت و لا قولت خلاص مفيش حد معاها و هتستولى على حقها ناسى إنى ابن عمها و خطيبها يعنى مش هتاخد أى شئ منها خليك ماشى ورا المحامين و صدقنى مش هسمحلك تقرب منها أو تأذيها اتفضل بره ........ جمال بغضب : بتطردنى !! هنتقابل قريب و هاخد حقى فاهم ....... 🍀🍀🍀🍀🍀🍀🍀🍀🍀🍀🍀 جمال مشى و هو غضبان و قرر يخلص من فارس .. أما عند فارس نزلت عشق و كانت خايفه لانها سمعت كلام خالها و كان فارس بيفكر إزاى يقدر يحميها قربت و قعدت جنبه و لاحظ دموعها قربها منه و ضمها ........... فارس : أيه سبب البكى متخافيش أنا مش هسمحله يإذيكى ........ عشق : أنا خايفه أوى يا فارس أنا مش عاوزه الثروة اللى هتخلينى أخسرك ...... فارس : عشق أنا قررت نكتب الكتاب و لما تخلصى السنه نتجوز أيه رأيك ....... عشق بخجل : اللى تشوفه أنا موافقه عليه لكن ........ فارس : متفكريش فى أى شئ الوقت غير فى دراستك و أنا هتعامل معاهم ممكن ......ذي عشق : حاضر .. يلا علشان ترتاح ...... تانى يوم عشق حكت ل منى و طلبت منها تكون معاها علشان متبقاش لوحدها و فعلا بعد إنتهاء محاضراتهم راحوا يشتروا فستان ل عشق .. أما فارس كان مع محمد و طلب منه يشوف مأذون علشان يكتب الكتاب .. رجعت عشق و كانت سعيدة إنها أخيرا هتكون ل فارس جهزت نفسها و كانت متوتره رغم فرحتها و وصل المأذون و تم الجواز و فارس أخد عشق و خرجوا يحتفلوا بره و أصروا إن محمد و منى يكونوا معاهم .. أخدها مطعم كان حاجزه لهم و كان على الارض ورود وبلالين كتير فرحت جدا محمد و منى كانوا سوا لانه كان بيوصلها ...... محمد : بتخططى لأيه مش فاهم ...... منى بارتباك : بخطط لأيه إزاى ........ محمد : يعنى علاقتك ب عشق عاوزه توصلى لأيه .. و لا دى خطة جمال البديله تقربى من عشق و بعد كده تغدرى بها .. بصراحه حكاية إنها صاحبتك و إنك بتحبيها مش مقتنع بها أكيد دى خطه..... منى : أنت بتقول أيه أنا ماليش علاقه بتصرفات بابا و ماما و كنت دايما بكلم خالتو و عمرى م فكرت أأذى عشق بعد إذنك خلاص وصلت ........ منى نزلت و طلعت أوضتها بتفكر فى كلام محمد هى عارفه إن الكل شايف علاقتهم مش صح بسبب أهلها بس مش هتقدر تعمل حاجه غيرت هدومها و نامت .. أما محمد رجع بيته و بيفكر ليه زعل علشانها ممكن يكون حبها لا مستحيل و طلع مذكرة و صوره و كان ببمشى أيده على الصوره بحزن بعد موت رحيل حبيبته أخت فارس مع أهلها ...... محمد : ليه سيبتينى هاه ده اتفقنا وحشتينى أوى ...... دخلت والدة محمد : حبيبى كفاية بقى عذاب و انسى ........ محمد : بسهوله يا أمى صعب أنا كنت دايما معاها حتى الجامعه كنا سوا ....... والدة محمد : هى عشق معرفتش عن تعب رحيل حتى بعد وفاتها ........ محمد : لأ فارس رفض يقولها علشان متتعبش إنتى عارفه قد أيه عشق كانت مرتبطه ب رحيل لو عرفت هتتعب ... .... والدة محمد : معاك اللى يشوفهم كان يقول رحيل أم عشق يلا ارتاح شوية ..... 💔💔💔💔💔💔💔💔💔💔💔 عند فارس مقدرش ينام و قرر ينزل الجنينة شوية لكن سمع بكى عشق فى أوضتها و دخل شاف ...............
يتبع #عشق_الفارس بقلم زهرة الجورى
Oops! This image does not follow our content guidelines. To continue publishing, please remove it or upload a different image.
