جسد بلا روح (مكتمله)

البارت (8)

مسائكم حب وسعاده حبايبي

🌷🌷

اتمنالكم متابعه ممتعه

# تهذيب الحسن

&&&
جواد ;: وصلنه للحدود العراقيه ،، وگفت الكوستر چانت مليانه ناس واجه الضابط افتر ع كل الركاب  يشوف جوازاتهم وصل النه السره قبضت ايدي بقوه من التوتر وبلعت ريقي ،، الضابط لزم جوازي تمعن بي ، باوعلي بنضره ثاقبه وحجه بنبرة أمر

..... انته صير ع صفحه

باوعت ع محمد ،،  شاف جوازه وصعد ،، وفتش محسن وكاضم وصفاهم ويايه
تحركت الكوستر  ودعنه محمد من خلال النضرات ،، واحنه اخذونه للسجن لان جوازاتنه مزوره ،،
حققو ويانه وتعرضنه  للتعذيب داخل السجن

صحيح تعذبنه من الجوع والعطش والضرب باليوم ينطونه وجبه وحده وهيه صمونه محجره تكسر السنون ،، هذا غير  الخوف من مصيرنه  المجهول ،،

محسن ;: آنه شورطني وياكم شجابني مو بالجيش واجي لهيلتي كل شهر صدگ ابو ابوي ينصمط بس ساتر ع رويحتي كله منك جواد  انته الورطتني ،، آخخخ يا يااااابه ضلوعي تكسرت

جواد ;: ما بين الضيم الأحنه بي ،، ضحكني محسن عبالك عجيز وتبچي ،، خاب شبيك شد حيلك انشاء الله نطلع ،، تحمل شويه ،،

محسن ;: ولك شتحمل ضحكت عليه ما يلزمونه امشي ،،،وهناك شغل بالأردن وخير من الله ،، وآنه مشيت وراك مثل الأثول بكل ثقه متونس نافخ صدري وتفيك ع اخواني ،، هسه لا من الاردن ولا من بيت اهلي ،، بالسجن وكاتلني ضيم وما اعرف وين تاليتي ،، اوووووف منك جواد شگول عليك

كاضم ;: هسه كون بيكم بخت ونطلع بسرعه لا نخيس هنا

&&&
جميله :; مر ع سفر جواد واخواني شهر ما نعرف عنهم شي ،، وگلبي نار ع جواد اريد اسمع اخباره ،، وخالتي المسكينه ما طايح من السانهه وانه والبنات نصبر عليهه

خالتي ;: يمه جودي وينك هسه  ،، جوعان ،، شبعان ،، نايم بردان

نجاة ;: يمه انشا الله كلشي مابي هسه تلگينه متونس بالاردن ،، مو وحده مسافر ولد خالتي وياه وصاحبه اطمئني لا تفكرين وتهمين مو زين عليج التفكير والقلق

جميله ;: خاله اليوم اودي ابوي يشوف تليفون ارضي ويخابرهم مناك

خالتي ;: اي ام صادق بعد خالتچ وعمرها گلي لأبوچ يشوف اخبارهم ويطمني عليهم

جميله ;: انشاء الله خاله العصر اروح

العصر رحت لبيت اهلي ولگيت ابوي بالبيت حاجيته حتى يشوف تليفون ارضي ويخابرهم لان ما عدنه قليله ناس بمنطقتنه عدهه تليفون

ابوي ; انشا الله بويه هسه اروح واخابرهم ما عليهم شي انشا الله ،، زهره جيبيلي الغتره