واي كانت المدة الحتاخديها اخديها م إنتي الزولهه البفترو من إنتظارها ولغاايهه اللحظهه دي انا حرفيااا لسسسههه مالي يدي بيكك،وهو بقول في الكلام دة دموعي جات نازلهه عشرة عشرة رغم إني كنت متماسكهه وعامله قويهه،لما شاف دموعي إتخلع وم عرف يقول لي شي بقى يمسح لي في دموعي ويقول لي شهد انتي عويرة بتبكي لييييهه قلته ليك حاجهه غلط انا؟ضماني عليهو وبقى يهدي فيني بعد مسااافه من وقفتنا قال لي بطلي بكى قلنا وبقى يعاين لي وبسالني في شنو بس؟؟قولته ليهو كريم بكى كتير لما شلتو معاك؟قال لي وانتي بتبكي عشان كدة؟قولته ليهو اول مرة اضربو بالصورة دي قسيت عليهو شديد 😭😭😭😭😭💔رجع ضماني عليهو اكتر وهو ضاغط علي قال لي بكى بس م كتير شديد يعني هو زعل شديد وبعد طلوع روح حتى هدأ لكن نقول شنو إذا نحن الإتنين وقعنا في يد مرة قاسيهه زيكك كدة نتحمل بس🙇رفعتهه راسي قولتهه ليهو بس انا م قاسيهه انت بتقول علي كدة وانت اساسا م عارف ظروفي شنو،م عارف مريت بشنو وعشتهه شنو في حيااااتي دي فعادي تقول علي اي حاجهه😞قال لي وهو بعاين لي في عيوني حتى لو م عرفتهه العشتيهو انا هنا عشان اعالج كل مشكلهه إتكونت جواك بغض النظر عن اسبابها إتفقنااا،والنقاشات حقت بيتنا دي انا بحلها ماشي؟بقيت اعاين ليهو،باسني في خدي وقال لي هااااا،قولته ليهو ماشي💜قال لي طيب بعد م نحن طلعنا اكلتي حاجه؟هزيت ليهو راسي بمعنى لا،قال لي تعالي،قولته ليهو صهيب،قال لي ولا كلمه مسكني من يدي ونزل بي على المطبخ فتح التلاجه طلع اكل دخلو المايكرويف بعدها قال لي يلا ناكل،قولته ليهو صهيب انا بجد م عايزة،قال لي شهدو بطلي حركاتكك دي واكلي،قلته ليهو بس دي م حركات😢قال لي طيب م حركات يلا قولي بسم الله وبعدين انا زاتي جعان وحاكل معاك فهمتي يعني م جاي من فوق ومدخل الأكل المايكرويف عشان خاطر عيونك بس،عاينته ليهو ،ضحكك قال لي عشان خاطر عيونك وبطني كمان🙊؟قعدنا وبدينا ناكل فجأة نسمع صوت بقول منو الفي المطبخ إمتثال دي إنتي،كان صوت عمتي عواطف طبعا انا اللحظه ديك إتخلعت،صهيب قال ليها نحن ي امي،صوتها كان بعيد تقريبا في الهول لما صهيب قال ليها نحن جات وبقت تعاين لينا تحديدا بتعاين لي انا من فوق لتحت قالت لينا قاعدين تاكلو،صهيب قال ليها تاكلي معانا؟قالت ليهو بري انا البأكلني نص الليل شنووووو؟بعدين م تخلو عدة وسخانهه بس سارة دي تعبت من النضافه الوقت كلو تاكلو وتوسخو وتخلو الحجات في محلتها غسلو معاكم العدة دي ،صهيب بقى يعاين لي وانا ملامح وشي متغيرة،قال ليها امي وسارة هي بتغسل سااي م بتاخد مرتب يعني دي شغلتها وين المشكله يعني؟قالت ليهو والقروش دي الدافعها ليها منو؟؟؟لو على الدفع سمح اي زول يدفع ليها حق شغلتو عشان تشتغل تحتو هو زاتو التعويدة الطلعت جديدة شنو؟الواحد عمرو دة كلو م شاف شغاله بعينو انا بقول ليك كلامي دة عشان الواحد لما يبقى لاقي جديد ببقى كعب ورزيل،صهيب كان بياكل في كبسهه رمى الملعقهه في الصحن بغضب قال ليها طيب تمام ي حجهه،بعدها هي طلعت قمته على حيلي وبديت الم في الصحون فرغته الأكل ودخلتو التلاجه اساسا نحن م اكلنا كتير وصهيب طلع مشى خلاني ،انا بقيت اغسل في الصحون وابكي،كلامها كان مقزز شدييد وجعني وجع في قلبي ايوة انا بحاول استحملها بس هي كلامها فوق طاقتي م بلقى نفسي غير إني ببكي منو ،بكيت وانا بغسل في العدة بعدها جيت امسح الطربيزة جاني صهيب داخل وشايل توبي في كتفو،شال مني بشكير المسح قال لي ارمي الزفت دة ويلا، وانا دموعي م وقفت نهائي طبعا،قولته ليهو وين،قال لي اسمعي الكلام وبدون نقاش فهمتي،هو من الغضب عيونو كانت زي الجمر،لبستهه التوب قال لي ارح مسكني من يدي طلعنا برة البيت فتح لي باب العربيه قال لي اركبي ،قولته ليهو ماشين وين وكريم نايم،قال لي كريم مرقدو ورا انا انتي اركبي قلته ليك اسمعي الكلام،ركبتهه ساق العربيهه وطلعنا وهو سايق وساكت وانا ساكته ودموعي في عيوني،الدنيا ليل والشارع فااااضي طبعا ماشي باقصى سرعهه عندو ياخ انا لمن برجف من الخوف وم عايزة اتكلم معاه لأنو لما يكون غضبان م بتفاهم ،بعد تلت ساعه كدة وقف العربيهه اول م نزلنا إتزكرته وقلته لنفسي دي شقتو الجيت ليها مع احمد،فتح العربيه شال كريم وطلعنا بالأصانصير طبعا هو فوق شديد فتح الباب دخلنا الشقه ولع الأنوار على طول دخل غرفه كدة رقد فيها كريم جا طالع قال لي واقفه مالك؟فضلتهه واقفهه وبعاين ليهو ،جا مسكني من يدي ودخلني الغرفه ،قولته ليهو صهيب،قال لي انا عارف نفسي بعمل في شنو ي شهد وعارف امي بتتصرف التصرفات دي كلها عشان شنو،عشان كدة انا الفترة دي عايز اخليك تكوني بعيدة شويهه قربني منو وهو ممشي يديهو في خدي وقال لي م بقدر امنع امي من كلامها الشين لاني عارف لو عملته كدة حتتمادى،وفي نفس الوقت م بقدر اشوفك وإنتي بتتهاني او بتبكي بسببي م بقدر اقول ليك غير حقكك علي حبيبي بقى مقرب اكتر عايز يبوسني إترميت في حضنو وانا ببكي قولته ليهو بس انا م قاعدة اعمل حاجه غلط حتى بعمل حساب لتصرفاتي قدام كل ناس البيت،حتى ملابسي وملابس ولدي وكل حاجه بتخصنا انا بعملها براي ي صهيب والله حتى الغرفه دي انا بنضفها بنفسي م بخلي سارة تعمل حاجه بتخصنا انا وولدي 😭😭😭😭💔ضماني عليهو اكتر وقال لي عارف انا ي شهد زي م قولته ليك امي متعمدة تعمل كدة وبعدين يعني شنو لو خليتي سارة عملت ليك كل الحجات دي مش سارة هي المسؤله من البيت دة كلووو؟ م تبكي خلاص حبيبي يلا،رفع لي راسي ومسح لي دموعي وقال لييلا بعد كدة النوم تعالي مسكني من يدي وساقني السرير،رقدني وغطاني انا وكريم ،إفتكرتو حيرقد جمبنا بس بعد م غطاني باسني وقال لي تصبحي على خير انا حنوم في الغرفهه الجمبكم دي لو إحتجتي لي اي حاجهه دقي لي الباب حاضر حبيبي؟فضلتهه اعاين ليهو وانا ساكتهه،قال لي في شنوو كمان؟هزيت ليهو راسي وقولتهه ليهو ماف حاجهه💔بقى يهبش في لحيتو قال لي م حاتطمن عليك الا وانا ضامنكك نايمهه قعد جمبي وقال لي تعالي ،قولته ليهو لا حأنوم والله،جراني ورقدني في حضنو وقال لي مش حتنومي يلا نومي ،قولته ليهو وانت م نفسك تنوم؟قال لي بعد م اتطمن عليك انتي اول عشان م اطلع بجاي وتشيلي الليل بكى بجاي عارف حركاتكم اناااا😒ضحكتهه قولته ليهو من كترة البنات في حياتك حافظهم بصمهه،ضحكك مساااافهه وقال لي دي نعتبرها غيرهه مثلاااااااا؟؟قولته ليهو يعني شنو غيرة؟ضحكك قال لي طيب يلا نومي،فضلتهه سرحانهه وهو بمشي يديهو في شعري ووشي ،مع الحركهه دي عيوني زغللو لغاايهه م نمتهه وانا م حاسهه بشي غير إنو صهيب كان محتويني بطريقهه خلتني مستسلمه لتصرفاتو معي ومتقبلهه ليها ،جاتني حالهه من الإطمئنان كدة غريبهه ودي الحاجه البتخوفني الشعور دة كل م يتكون جواي تجاه زول معين انا بفقدو للأسف😭💔صحيت الصباح م لقيت كريم جمبي نزلته فتحته الباب أتفاجأ بصهيب ماسك السياكهه وبمسح😨
